tgoop.com/az_sss/1313
Last Update:
101 ёшида ҳам рўза тутган Зулайҳо ая
Бир аср ва яна бир йилни кўрган Зулайҳо ҳожи момо бир неча кун олдин вафот этди. Қадрдонимиз, устоз шоир Муҳаммад Исмоил “билдириш” қилди.
Ёзувчи Анвар ака Намозов жуда файзли ҳовлига бошлаб борди. Чинор умрини кўрган ва Рамазон кунларида омонатини топширган момо ҳаққига дуо қилдикмиз. Айтишларича, Зулайҳо момо ҳатто юз ёшдан ошган бўлса-да, рўза тутишни канда қилмас экан. Ёш ва қирчиллама даврида эринчоқлик қилсак, ҳафсаласиз кишиларни кўрсак, шундай кекса нуронийларни мисол сифатида келтиргинг келади...
Онахон муборак кунларда, осмондан барака ёмғирлари тинмаган дамларда, рамазон кунларида, жойнамоз устида рихлатга сафар қилибди. Аллоҳ момонинг жойларини жаннатнинг фирдавсларидан қилсин. Шундай инсонлар билан замондош бўлганингдан фахрланасан, ўзингга ва яқинларингга ҳам шундай мазмунли, узун ва гўзал умр тилагинг келади.
Устозимиз Муҳаммад Исмоил ва унинг ўғли, укамиз Асқаржонга чуқур ҳамдардлик билдираман. Сизларга сабр, ҳаммамизга Зулайҳо момоникидек узун ва гўзал умр берсин.
Аброр Зоҳидов
Телеграм | Инстаграм
BY Abror Zohidov
Share with your friend now:
tgoop.com/az_sss/1313