⚡️2024-yil 13-iyun kuni o'tkazilgan Oʻzbekiston Respublikasi Markaziy banki Boshqaruvining yigʻilishida asosiy stavkani yillik 14 foiz darajasida oʻzgarishsiz qoldirish toʻgʻrisida qaror qabul qilindi. Markaziy bank matbuot kotibining yozishicha, mazkur qarorning tafsilotlari tez orada ma'lum qilinadi.

“Hayotimning yarmini Oʻzsanoatqurilishbankka bagʻishlaganman”

Bank-moliya tizimida “ustoz-shogird” anʼanalari bardavomligi bilan tanilgan Oʻzsanoatqurilishbankda bu qadriyatni yanada mustahkamlash bugun alohida eʼtiborda.

“Lider murabbiy” loyihasining navbatdagi uchrashuvi ham bank yosh xodimlari uchun manfaatli boʻldi. Unda Bank Davlat dasturlari loyihalari bilan ishlash departamenti direktori birinchi oʻrinbosari Ubaydulla Ahrorov Oʻzsanoatqurilishbankdagi 31 yillik mehnat faoliyati davomida oʻrgangan boy va qiziqarli tajribalari, xotiralari bilan oʻrtoqlashdi.

“Oʻtgan yillar davomida juda koʻp ustozlarning taʼlimini olganman, – deydi Ubaydulla Ahrorov. – Bankimizning bosh buxgalteri, umrining soʻngi yillarida Bank Boshqaruvi raisining oʻrinbosari lavozimida ishlab oʻtgan Toʻlqin Vafoyevich Shamsiyevdan buxgalteriya sir-sanoatini, Maxpurat Qoʻziyevna Qulmatovadan bosiqlikni, sermulohazalikni kasb qilganman”.

Doʻstona muhit, koʻtarinki kayfiyatda oʻtgan uchrashuv qiziqarli savol-javoblarga boy boʻldi.

Joriy yilning 14-iyun kuni O‘zsanoatqurilishbank tomonidan O‘zbekiston Respublikasining “Manfaatlar to‘qnashuvi to‘g‘risida”gi Qonuni mazmun-mohiyatiga bag‘ishlangan tadbir tashkil etildi. Tadbirda Korrupsiyaga qarshi kurashish agentligi, “Cert International” sertifikatlash tashkiloti hamda ommaviy axborot vositalari vakillari qatnashdi.

Tadbirda ushbu qonun davlat organlari va davlat ulushi 50 foizdan ortiq kompaniyalarga nisbatan tadbiq etilishi ta’kidlandi. Manfaatlar to‘qnashuvi kimlar o‘rtasida va qachon vujudga kelishi mumkinligi haqida tushuncha berildi.

– Mazkur qonunning qabul qilinishi davlatimiz rahbari boshchiligida amalga oshirilayotgan korrupsiyaga qarshi tizimli islohotlarning yana bir amaliy ifodasidir, – deydi O‘zsanoatqurilishbank boshqaruv raisi o‘rinbosari Farrux Abdurahmonov. – Bankimiz tomonidan ham korrupsiyaga murosasizlikni ta’minlash, ijtimoiy-iqtisodiy sabablarini bartaraf qilish hamda bu illatning oldini olishga qaratilgan chora-tadbirlar amalga oshirib kelinmoqda.

Joriy yilning 15-iyun kuni “Oʻzsanoatqurilishmateriallari” uyushmasi qoshida Oʻzsanoatqurilishbank bilan hamkorlikda “R&D tadqiqotlar markazi” ochilish marosimi boʻlib oʻtdi.

Markazni tashkil etishdan asosiy maqsad – ishlab chiqarish korxonalari hamda soha olimlarini bir – biriga yanada yaqinlashtirish, oliy taʼlim muassasalari va ilmiy-tadqiqot institutlarining asoslangan tadqiqot natijalarini amaliyotga tadbiq etish alohida eʼtibor qaratish, shuningdek,“Innovatsion aktiv korxona”lar yaratishdan iborat.

Ushbu jarayonda “R&D tadqiqotlar markazi” tayyor, ilmiy asoslangan loyihalarni shakllantirish hamda ularni tijoratlashtirish natijasida sohaning “tadqiqot ehtiyoji” hamda olimlarning “tadqiqot yoʻnalishlari”ni oʻzaro uzviylashtirib boradi.

Tadbir doirasida olim va tadqiqotchilarning sohani yanada rivojlantirish yuzasidan fikr-mulohazalari tinglanib, ularni amalga tatbiq etish chora-tadbirlari muhokama qilindi. Uyushma huzurida tashkil etilgan laboratoriya imkoniyatlari va “shou-rumi” bilan tanishildi.

Biz insonlar bilan va insonlar uchun ishlaymiz. Bizning ishimiz moliya bilan bog'liq bo'lishiga qaramay, shuni aniq bilamizki, mehr-oqibat, rahm-shafqat va samimiy xayrli ishlarni sotib olib bo'lmaydi.

Ushbu muqaddas bayramlarda barchaga o‘zining nurli yo‘lini topib, o‘z ishiga fidoyi bo‘lishini tilab qolamiz. Ma’naviy poklik doimo sizga hamroh bo'lsin.

Qurbon Hayiti muborak bo'lsin ✨
—————————
Мы работаем с людьми и для людей. Несмотря на то, что наша работа связана с финансами, мы точно знаем, что нельзя купить доброту, сострадание и искренне добрые поступки.

В эти священные праздничные дни, мы желаем, чтобы каждый нашел свой светлый путь и был предан своему делу. Пусть душевная чистота и просветление останутся с вами надолго.

С праздником Курбан Хайит ✨