tgoop.com/ch_k_t/15377
Last Update:
Menam sog‘inganman –
Qushlar chug‘urin,
Xazonlar shivirin,
Suvlar to‘lqinin...
Adashgan umrimning talx kitobini
Kuzning tegrasida o‘ksib o‘qidim.
Ne uchun bu o‘ylar topmas kifoyat,
Ne uchun bu yo‘llar bilmas nihoya?
Na o‘zim bilaman manzil-mantig‘in,
So‘ylayman bunchalar turg‘un hikoya...
Menam sog‘inganman –
Quyosh kulgusin,
Yulduzlar yog‘dusin,
Oyning to‘lishin.
Kutyapman, mingashib vaqt karvoniga,
Yo o‘ngdan, yo so‘ldan sening kelishing.
Ho‘v, ana!
Meni ham sog‘ingan ma’vo,
Yo meni unutgan...
Yo men unutdim?
Yillar osha
Bo‘m-bo‘sh ravoqlarimni
O‘sha umidim-chun lang ochib kutdim.
Mana, boshim egib bequt va yakbor
Xazonlar bo‘yidan terib keldim g‘am.
Yana sensiz o‘tar qancha kuzim bor?!
Menam sog‘inganman...
Tushun, azizam.
© Muhammad Siddiq
- @ch_k_t
BY "Cho'kib ketgan tiriklar"
Share with your friend now:
tgoop.com/ch_k_t/15377