tgoop.com/dini_paylasimlar/4257
Last Update:
⚜️Üç alim birləşib bir şübhəyə belə cavab verdilər
"əl-Hilal" jurnalının təsisçisi və 23 romanın müəllifi Livanlı xristian yazar Corci Zeydan (ö. 1914) dörd cildlik "Tarixu Aadabi Luğətil-Ərəbiyyə" kitabında şiələrin İslam mədəniyyətindəki rolunu aşağılayaraq yazır ki, "şiələr kiçik bir tayfa idilər, İslamın elmi və mədəni irsində gözəçarpacaq bir əsərləri olmayıb və hazırda dünyada şiə yoxdur".
Corci Zeydanın qərəzli niyyətlə deyilmiş bu sözünü eşidən on doqquzuncu əsrin şiə alimləri Seyid Həsən Sədr, Şeyx Ağabozorq Tehrani və Məhəmmədhəsən Kaşiful-Ğita buna cavab vermək qərarına gəldilər.
Seyid Həsən Sədr şiə alimlərinin elmi fəaliyyətlərini və İslami elmlərin təsisi və təkmilləşdirilməsi yönündə zəhmətlərini göstərmək üçün "Təsisuş-Şiə li-Ulumil-İslami" (445 səhifə), Şeyx Ağabozorq Tehrani şiə alimlərinin yazdıqları əsərlərin sayını göstərmək üçün 29 cilddə "əz-Zəriə ila təsanifuş-şiə" kitablarını yazdılar və Məhəmmədhəsən Kaşiful-Ğita "ən-Nuqud və ər-Rudud" (digər adı: "əl-Muraciat ər-reyhaniyyə") kitabını yazaraq Corci Zeydanın cavabını verdilər.
BY 𝗗 İ 𝗡 İ ‘ 𝗞 𝗔 𝗡 𝗔 𝗟
Share with your friend now:
tgoop.com/dini_paylasimlar/4257