tgoop.com/doctorsbycom/395
Last Update:
💔Жанчыны ў месцах пазбаўлення волі і беларускае грамадства
Калі жанчыны трапляюць у зняволянне, яны аказваюцца вырванымі са сваёй сям’і і свайго кола сацыяльнай падтрымкі. Аднаўленне гэтых сацыяльных узаемаадносін з’яўляецца адной з найбольш складаных задач, якія паўстаюць перад людзьмі пры вяртанні іх у грамадства пасля выхаду са зняволення.
Вельмі важным сродкам рашэння гэтай задачы выступаюць меры, якія палягчаюць наведванні ў месцах пазбаўлення волі. Паколькі зняволеных-жанчын меньш, чым зняволеных-мужчын, месцаў пазбаўлення волі для жанчын ёсць меньш. Таму жанчыны часта адбываюць пакаранне далёка ад дома і сям’і, што стварае сур’ёзныя цяжкасці пры спробе захаваць трывалыя сямейныя сувязі.
Адлегласць і выдаткі, звязаныя з наведваннямі жанчын, адбываючых пакаранне далёка ад хаты, ствараюць вялікія перашкоды для рэгулярных спадканняў. Знаходжанне ў месцах пазбаўлення волі далёка ад дому таксама стварае складанасці ў адаптацыі для жанчын у грамадстве пасля вызвалення з-за кратаў.
👩 Зняволеныя-дзяўчаты
Паколькі дзяўчаты ў сістэме правасуддзя па справах непаўналетніх лёгка могуць выпадаць з поля зроку, бо яны прадстаўляюць зусім малую катэгорыю зняволеных, неабходна звяртаць асаблівую ўвагу на спецыфічныя патрэбы дзяўчат. З прычыны іх малой колькасці зняволеныя-дзяўчаты часам змяшчаюцца ў адных блоках з дарослымі жанчынамі. Міжнародныя нормы патрабуюць, каб вязні-дзяўчаты і дарослыя жанчыны ў месцах пазбаўлення волі ўтрымліваліся асобна. У зняволеных-дзяўчат могуць быць такія ж праблемы, а часта і такое ж мінулае, як і ў дарослых зняволеных-жанчын. Напрыклад, прынамсі некаторыя з дзяўчат у месцах пазбаўлення волі з’яўляюцца маці і могуць быць галоўным ці адзіным папячыцелем сваіх дзяцей.
👵 Зняволеныя-жанчыны старэйшага ўзросту (старэйшыя за 50 гадоў)
Складаюць толькі невялікі працэнт усяго жаночага турэмнага кантынгенту. Аднак, у сувязі з іх турэмным зняволеннем, узнікае шэраг адмысловых пытанняў, такіх як магчымасць вызвалення па гуманных меркаваннях і адмысловыя (медыка-санітарныя) запатрабаванні. Адмысловыя запатрабаванні жанчын старэйшага ўзросту асобна рзглядаюцца рэдка. Аднак зняволеныя старэйшага ўзросту могуць мець патрэбу ў большай і часта больш спецыфічнай медыка-санітарнай дапамозе, чым зняволеныя маладзейшага ўзросту. У некаторых жанчын больш старэйшага ўзросту на іх патрэбнасці ў медыка-санітарнай дапамозе асабліва могуць уплываць наступствы менапаўзы.
#жаночаездароўеўтурме
BY Врачи за правду и справедливость
Share with your friend now:
tgoop.com/doctorsbycom/395