tgoop.com/doctorsbycom/397
Last Update:
💊Сэксуальнае і рэпрадуктыўнае здароўе ў месцах зняволення
Сэксуальнае здароўе - гэта стан фізічнага, эмацыйнага, псіхічнага і сацыяльнага дабрабыту ў дачыненні да сэксуальнасці; гэта не проста адсутнасць хваробы, дысфункцыі ці недамагання.
Сэксуальнае здароўе патрабуе пазітыўнага і паважлівага падыходу да сэксуальнасці і да палавых адносін, а таксама магчымасці мець радасць і бяспечны вопыт палавога жыцця, свабоднага ад прымусу, дыскрымінацыі і гвалту.
Забяспячэнне рэпрадуктыўнага здароўя прадугледжвае, што жанчыны здольныя несці ўласную адказнасць за сваё цела. А таксама што яны валодаюць воллю вырашаць пытанні бяспечнага сэксуальнага жыцця, карыстацца дзяржаўнымі сацыяльна-медыцынскімі праграмамі.
Правы на рэпрадуктыўнае і сэксуальнае здароўе могуць быць значна абмежаваны ва ўмовах пенітэнцыярных устаноў, аднак пры любой магчымасці гэтыя правы трэба ў максімальнай ступені захоўваць.
У зняволеных жанчын у любы час павінен быць бесперашкодны і бясплатны доступ да гігіенічных сродкаў, неабходных у перыяд менструацыі, таго тыпу, які жанчына лёгка выкарыстоўвае, а таксама да магчымасцяў належным чынам утылізаваць гігіенічныя сродкі.
Для дасягнення і падтрымання сэксуальнага здароўя ў зняволенні павінны быць выкананы, абаронены і рэалізаваны сэксуальныя правы ўсіх людзей.
Жанчыны, якія падвергліся гвалту, з высокай ступенню рызыкі схільныя да набыцця інфекцый, якія перадаюцца палавым шляхам.
У пенітацыярных установах абавязкова павінны ажыцяўляцца дзяржаўныя праграмы па забяспячэнню захавання рэпрадуктыўнага здароўя жанчын праз аказанне якасных медыка-сацыяльна-псіхалагічных паслуг.
Усю адказнасць за здароўе жанчын у зняволенні па сённяшнім заканадаўстве нясе кіраўнік установы. Медыцынскім працаўнікам абавязкова ведаць, што яны нясуць персанальную адказнасць за аказанне ці бяздзейнасць у аказанні медыцынскай дапамогі.
#жаночаездароўеўтурме
BY Врачи за правду и справедливость
Share with your friend now:
tgoop.com/doctorsbycom/397