tgoop.com/ekologuz/25314
Last Update:
Angrenda belgilanmagan joylarga tashlab ketilgan chiqindilar tozalandi
Toshkent viloyati, Angren shahri, “Istiqlol” mahalla fuqarolar yig‘inida belgilanmagan joyga tashlab ketilgan qurilish va maishiy chiqindilar "Zero Waste" MCHJ Angren shahri filiali xodimlari tomonidan tozalandi.Belgilanmagan hududga chiqindilarni tashlab ketuvchi qonunbuzar fuqarolarni aniqlash uchun atrofga kuzatuv kameralari o‘rnatildi.
Noqonuniy ravishda tashlab ketilgan chiqindilar nafaqat atrof-muhitga zarar yetkazadi, balki hududning ekologik ahvolini ham yomonlashtiradi. Shu sababli, bu kabi holatlarning oldini olish maqsadida mahallada kuzatuv kameralari o‘rnatildi. Bu choralar noqonuniy chiqindi tashlovchilarni aniqlash va ularga tegishli tartibda chora ko‘rish imkonini beradi.
Qonunchilik va javobgarlik
O‘zbekiston Respublikasi Ma’muriy javobgarlik to‘g‘risidagi kodeksning 91-moddasi 1-qismiga ko‘ra, chiqindilarni belgilanmagan joyga tashlash qonunbuzarlik hisoblanadi. Buning uchun jismoniy shaxslarga BHMning 1 dan 3 barobarigacha, yuridik shaxslarga esa 10 dan 20 barobarigacha jarima belgilangan.
Kanalimizga obuna bo'ling: @wasteuzgroup
