ተአምረ ማርያም ✤የእመቤታችን ተአምር የሚነገርበት✤ የቅዱሳን ህይወት የሚተረክበት

#ቅዱስ_መስቀል

#ቤተ_ክርስቲያን_ከመሠረቷ_እስከ_ጉልላቷ_ያጌጠችው_በመስቀል_ነው

በቅድስት ቤተ ክርስቲያን ውስጥ ከማኅሌት እስከ መቅደሱ የመስቀል አገልግሎት እጅግ ብዙ ነው ማኅሌቱን ስንመለከት ሊቃውንቱ ገና ስቡሕ ብለው የሚጀምሩት በመስቀል ሲሆን እንዲሁም የመስቀልን ክብር በሚያወሳ ጣዕመ ዝማሬ በየዚቁ መሐል በማቅረብ ነው ።

በመቀጠልም ዲያቆኑ የምልጣን ምስባክ በሚሰብክበት ሰዓት መስቀልን ይዞ ነው እስመ ለዓለሙና አንገርጋሪው የሚቃኘው ስለዚህ ለቅድስት ቤተ ክርስቲያን #መስቀል_የማኅሌቱ_ጌጥ_ነው ።

በቅድስት ውስጥ በሚቀርበው አገልግሎት ውስጥ ስንመለከት ደግሞ መልክአ ሥዕሉ የሚጀመረው በመስቀል ነው ተአምረ ማርያም የሚነበበው በመስቀል ነው ኪዳን የሚደረሰው በመስቀል ነው ።

ወደ መቅደሱ ውስጥ ስንገባ ደግሞ ቅዳሴው የሚጀመረው በመስቀል ነው ገና ቅዳሴ ከመጀመሩ በፊት የመቀደሻ ንዋያተ ቅድሳት መጀመሪያ በመስቀል ተባርከው ነው ለአገልግሎት የሚውሉት ለምሳሌ ጻሕሉ ፣ ጽዋው ፣ ዕርፈ መስቀሉ ፣ ሙዳዩ ፣ መሶበ ወርቁ ፣ ዕጣኑ ፣ ልብሰ ተክህኖው ፣ መጎናጸፊያው ፣ ማኀፈዱ ወዘተ በመስቀል ይባረካሉ ።

ቅዳሴው ሲጀመር ደግሞ ረቡዕ ዓርብና ቅዳሜ ሲሆን ገና መግቢያው የሚታወጀው በመስቀል ዜማ ነው ይኸውም « መስቀል አብርሃ በከዋክብት አሠርገወ እምኵሉሰ ፀሐየ አርአየ ። መሰቀል አበራ ከሁሉ ይልቅ ፀሐይን አሳየ #ለፀሐይ_ፀሐይዋ_ሆነ » የሚለውን ዜማ እያዜሙ ወደ መቅደስ ይገባሉ ።

ከዚያም ዲያቆናቱ የመጾር መስቀል ካህናቱ የእጅ መስቀል ይዘው ቅዳሴውን ያከናውናሉ በእያንዳንዱ የጸሎት አንጓ የመስቀል ቡራኬ አለ መልእክት ከመነበቡ በፊት ዲያቆናቱ መስቀል ይሳለማሉ ።

እንዲሁም በንዋየ ቅድሳቱ ላይ መስቀል ይሳላል ፤ ይቀረጻል ፤ ይጠለፋል ለምሳሌ በካህናት ልብሰ ተክህኖ ላይ በጽዋው ክዳን ላይ በዕርፈ መስቀሉ ጫፍ ላይ ፤ በማኅፈዱ ላይ በመሶበ ወርቁ ላይ ፣ በጽናው ላይ በአጎበሩ ላይ ፤ በመጻሕፍት ድጉሰት ላይ መስቀል ይደረጋል ።

ቤተ ክርስቲያን ሥርዓተ ጥምቀት የምትፈጽመው በ40ና በ80 ቀን ሀብተ ወልድ ስመ ክርሰትና የምታድለው ፤ ልጅነት የምታጎናጽፈው በመስቀል ነው ሥርዓተ ጋብቻ ሲፈጸም ሙሽራውና ሙሽሪት እጆቻቸውን በመስቀሉ ላይ አነባብረው ቃለ መሐላ የሚፈጽሙት ቃል ኪዳናቸውን የሚያረጋግጡት በመስቀል ነው ።

ምእመናን የእንግድነታቸውን ኑሮ ጨርሰው በሞት ከዚህ ዓለም ሲለዩ ቤተ ክርስቲያን ክብርት ነፍሳቸው ለፈጣሪያቸው ክቡር ሰውነታቸውን ለመቃብር የምታረካክበው በመስቀል ባርካ ነው የምትሸኘው ።

አባቶቻችን የመስቀልን ክብር በብዙ መንገድ እንዲገለጥ አድርገዋል ዓመታዊና ወርኃዊ በዓል ሰይመውለታል መልክ ደርሰውለታል #መልክአ_ሕማማት ጽላት ቀርጸውለታል ፤ ቤተ ክርስቲያን አንጸውለታል መስተብቁዕ ደርሰውለታል #መስተብቁዕ_ዘመስቀል
ውዳሴ ደርሰውለታል ፤ ድርሳን ጽፈውለታል #ድርሳነ_መስቀል ክርስቲያኖች በስሙ እንዲጠሩ አድርገዋል ለምሳሌ ብርሃነ መስቀል ፣ ገብረ መስቀል ፣ ወለተ መስቀል፣ ኀይለ መስቀል ፤ወልደ መስቀል ፤ መስቀል ክብራ ወዘተ እያሉ ስመ ክርስትና ተሰይሞለታል ።

ስለዚህ ቤተ ክርስቲያን ከመሠረቷ እስከ ጉልላቷ  ያጌጠችው በመስቀል ነው

#እንኳን_ለብርሃነ_መስቀሉ_በሰላም_አደረሰን_አደረሳችሁ

@ewuntegna

www.tgoop.com/ewuntegna/12229

2.6K viewsSep 27, 2024 at 02:37

#ቅዱስ_መስቀል

#ቤተ_ክርስቲያን_ከመሠረቷ_እስከ_ጉልላቷ_ያጌጠችው_በመስቀል_ነው

በቅድስት ቤተ ክርስቲያን ውስጥ ከማኅሌት እስከ መቅደሱ የመስቀል አገልግሎት እጅግ ብዙ ነው ማኅሌቱን ስንመለከት ሊቃውንቱ ገና ስቡሕ ብለው የሚጀምሩት በመስቀል ሲሆን እንዲሁም የመስቀልን ክብር በሚያወሳ ጣዕመ ዝማሬ በየዚቁ መሐል በማቅረብ ነው ።

በመቀጠልም ዲያቆኑ የምልጣን ምስባክ በሚሰብክበት ሰዓት መስቀልን ይዞ ነው እስመ ለዓለሙና አንገርጋሪው የሚቃኘው ስለዚህ ለቅድስት ቤተ ክርስቲያን #መስቀል_የማኅሌቱ_ጌጥ_ነው ።

በቅድስት ውስጥ በሚቀርበው አገልግሎት ውስጥ ስንመለከት ደግሞ መልክአ ሥዕሉ የሚጀመረው በመስቀል ነው ተአምረ ማርያም የሚነበበው በመስቀል ነው ኪዳን የሚደረሰው በመስቀል ነው ።

ወደ መቅደሱ ውስጥ ስንገባ ደግሞ ቅዳሴው የሚጀመረው በመስቀል ነው ገና ቅዳሴ ከመጀመሩ በፊት የመቀደሻ ንዋያተ ቅድሳት መጀመሪያ በመስቀል ተባርከው ነው ለአገልግሎት የሚውሉት ለምሳሌ ጻሕሉ ፣ ጽዋው ፣ ዕርፈ መስቀሉ ፣ ሙዳዩ ፣ መሶበ ወርቁ ፣ ዕጣኑ ፣ ልብሰ ተክህኖው ፣ መጎናጸፊያው ፣ ማኀፈዱ ወዘተ በመስቀል ይባረካሉ ።

ቅዳሴው ሲጀመር ደግሞ ረቡዕ ዓርብና ቅዳሜ ሲሆን ገና መግቢያው የሚታወጀው በመስቀል ዜማ ነው ይኸውም « መስቀል አብርሃ በከዋክብት አሠርገወ እምኵሉሰ ፀሐየ አርአየ ። መሰቀል አበራ ከሁሉ ይልቅ ፀሐይን አሳየ #ለፀሐይ_ፀሐይዋ_ሆነ » የሚለውን ዜማ እያዜሙ ወደ መቅደስ ይገባሉ ።

ከዚያም ዲያቆናቱ የመጾር መስቀል ካህናቱ የእጅ መስቀል ይዘው ቅዳሴውን ያከናውናሉ በእያንዳንዱ የጸሎት አንጓ የመስቀል ቡራኬ አለ መልእክት ከመነበቡ በፊት ዲያቆናቱ መስቀል ይሳለማሉ ።

እንዲሁም በንዋየ ቅድሳቱ ላይ መስቀል ይሳላል ፤ ይቀረጻል ፤ ይጠለፋል ለምሳሌ በካህናት ልብሰ ተክህኖ ላይ በጽዋው ክዳን ላይ በዕርፈ መስቀሉ ጫፍ ላይ ፤ በማኅፈዱ ላይ በመሶበ ወርቁ ላይ ፣ በጽናው ላይ በአጎበሩ ላይ ፤ በመጻሕፍት ድጉሰት ላይ መስቀል ይደረጋል ።

ቤተ ክርስቲያን ሥርዓተ ጥምቀት የምትፈጽመው በ40ና በ80 ቀን ሀብተ ወልድ ስመ ክርሰትና የምታድለው ፤ ልጅነት የምታጎናጽፈው በመስቀል ነው ሥርዓተ ጋብቻ ሲፈጸም ሙሽራውና ሙሽሪት እጆቻቸውን በመስቀሉ ላይ አነባብረው ቃለ መሐላ የሚፈጽሙት ቃል ኪዳናቸውን የሚያረጋግጡት በመስቀል ነው ።

ምእመናን የእንግድነታቸውን ኑሮ ጨርሰው በሞት ከዚህ ዓለም ሲለዩ ቤተ ክርስቲያን ክብርት ነፍሳቸው ለፈጣሪያቸው ክቡር ሰውነታቸውን ለመቃብር የምታረካክበው በመስቀል ባርካ ነው የምትሸኘው ።

አባቶቻችን የመስቀልን ክብር በብዙ መንገድ እንዲገለጥ አድርገዋል ዓመታዊና ወርኃዊ በዓል ሰይመውለታል መልክ ደርሰውለታል #መልክአ_ሕማማት ጽላት ቀርጸውለታል ፤ ቤተ ክርስቲያን አንጸውለታል መስተብቁዕ ደርሰውለታል #መስተብቁዕ_ዘመስቀል
ውዳሴ ደርሰውለታል ፤ ድርሳን ጽፈውለታል #ድርሳነ_መስቀል ክርስቲያኖች በስሙ እንዲጠሩ አድርገዋል ለምሳሌ ብርሃነ መስቀል ፣ ገብረ መስቀል ፣ ወለተ መስቀል፣ ኀይለ መስቀል ፤ወልደ መስቀል ፤ መስቀል ክብራ ወዘተ እያሉ ስመ ክርስትና ተሰይሞለታል ።

ስለዚህ ቤተ ክርስቲያን ከመሠረቷ እስከ ጉልላቷ  ያጌጠችው በመስቀል ነው

#እንኳን_ለብርሃነ_መስቀሉ_በሰላም_አደረሰን_አደረሳችሁ

@ewuntegna

BY ተአምረ ማርያም ✤የእመቤታችን ተአምር የሚነገርበት✤ የቅዱሳን ህይወት የሚተረክበት