tgoop.com/faridabdullah/3152
Last Update:
Mən məktəbi bitirərkən kim olacağımı bilmirdim. Ümumiyyətlə həyat boyu tapa bilməmişəm və bunu nöqsan bilir, daim özümü danlayırdım. Hətta təzəlikcə yenidən uni oxumaq istədim. Amma gördüm ki, ixtisas seçməkdə yenə çətinlik çəkirəm. Sonra qəfil rastıma Barbara Şerin mənim tipli insanları adlandırdığı ifadə çıxdı: Skaner insan.
Tarixdə çox belə adam olub. Hər şeyi öyrənsin, hər şeyin dadına baxsın, fərqli ixtisasları yoxlasın və bir işdə bir neçə ixtisası cəm etsin.
Cəmiyyət bunu qəbul etmir, fəlakətə apardığını, karyera qurmağın mümkün olmadığını deyirlər.
Amma müasir dünya başqa yönə gedir. Skaner insan çoxtərəfli olduğunu qəbul etsə, probleminin 90 faizi itir. Nəticədə Allahın verdiyi xüsusiyyətdir. Gözəldir. Buna görə qəmgin olmağa dəyməz.
Bunu - skaner insanlar üçün yazdım.