tgoop.com/fatame00/10090
Last Update:
بسم الله الرحمن الرحيم
اللهم صلِ على محمد وال محمد
( المحاضرة السادسة والثلاثون )
(فَمَنْ يَعْمَلْ مِثْقَالَ ذَرَّةٍ خَيْرًا يَرَهُ وَمَنْ يَعْمَلْ مِثْقَالَ ذَرَّةٍ شَرًّا يَرَهُ)
*-الزهرة هاي النبتة ، قبل ما تكون ثمرة ما كان اله ذاك الوجود ، ما كان اله ذيج القيمة ، لكن لما وضعت في تربة يعني جيدة " واجه الزراع رعاها يعني يوم يسقيهه ويوم يعرضه الى اشعة الشمس صارت ثمرة جيدة .
*-بالنتيجة الثمرة احتاجت لمراحل حته تكونت وصارت .
العمل الصالح ..كذلك يحتاج الى مقدمات ، يقول امير المؤمنين وما هي الا نفسي اروضها بالتقوى .
*- يعني المسلم لازم يهيئ نفسه لعمل الصالحات " فالبعض يستهين بالعمل القليل نكله لا تستهين بصغائر الحسنات يعني مو الا
(احج بيت الله الحرام ) ممكن اساعد فقير محتاج .. يعني ما اقصر وياه حتى لو بشي قليل ...
فهذا العمل احتمال يعدل عند الله عزوجل ، كمن حج واعتمر
"- او افرضي نصرة مؤمنة
يعني مثل اذا صار اشكال بين زوج وزوجته يكدر يَدَخل احد افراد الاسرة ، يعني ام الزوج
فتصلح الامور تهديهم - لان احنه جاي نشوف العوائل صايرة نار ..طول الوكت ...
*- يعني مو ادير وجهي واني شعليه وهمه يصفون ..لا ،اذا بيه مجال
واكدر اساوي الامور ...ادخل واحل الاشكال لعله هذا العمل
به نجاتي من النار ، او لعله يهون علي سكرات الموت مو .
•- فلذلك القران الكريم يعتني بهاي المسالة، فنلاحظ استعمل هذا الميزان في قياس الحسنات ميزان قياس الذرة ؛ حته يِنبه الإنسان الى عظمة العمل خير كان او شر هذا العمل .
بالتالي ..فمن يعمل مثقال ذرة خيرا يره
*- يعني يكول هاي الذرة الي ما تنشاف بالعين ؛ والا تحت اشعة الشمس لا تستهان بيه .
لان ..ما تبقى عله حطته لا
-يعني الاسلام يريد يكله للمسلم انت بس بادر وهذا القليل احنه نتكفل بي و نضاعفه الك ، لا تهتم
وبنفس الوقت حذرهم من قليل الشر " ليش ؟
حته لا يتمادى الانسان ويكثره شره ومثل ما يكولون الشر يعم
والخير يخص فكون.. نكون حذرين بعملنه وتعاملنه مع الاخرين .
*- لكن اللطيف في هذا الامر المقياس هنا بي لطف اللهي شلون يعني- السيئة لا تجزى الا بمثلها وهذا طبعا من رحمة المولى السيئات عندما تسجله الملائكة تسجله بالمثل ،اما اذا يسجلون الحسنة فمضاعفه واني اكدلج مضاعفه بالحد الادنى ٧٠٠ مرة او اكثر ..
*- فالعمل بصورة عامة خير او شر اله تأثير بحياة الانسان اله تأثير بسلوك الانسان مع الاسرة مع المجتمع .
*- يعني لما نأتي الى علاقه الرجل الاجنبي بالمراة الاجنبية
(نجد الاسلام محدد ظوابط معينه)
ومخلي حصانة حول هاي العلاقة .
•- لكن البعض ما يلتفت ما يعاين هو وين ماشي بيا طريق يعني سلوكه مع المراة الاجنبية .. امراة لا هي من محارمه ولا حته من اقاربه ؛ تلكاه يتحدث ويتعامل معها بكل اريحيه ماخذ راحته
مزاح وكلمات ، هذا ما شاف الشارع يرضه هذا يكعد وي بت عمه يمازح ويشاقه
يرضه يكعد ويه بت خاله يو لا ذني اشياء ما تهمنه .
ا*- حنه بالعكس لازم نشوف الاسلام
صحيح هاي بت عمي وهاي بت خالي بس هاي الاسلام يعتبرها مراة اجنبية عني ..وهاي موجودة للاسف
*- لذلك الاسلام ما حرم عمل المراة ولكن اذا مثلاً ؛ حصلت شهادة وحصلت وظيفة وراحت الى مكان مختلط فرضاً ...هاي كون تلاحظ سلوكه تلاحظ اخلاقها تلاحظ ثيابه تلاحظ تعامله مع الطرف الاخر الرجال
•- مرة لا تروح الى مؤسسة
فرضاً معلمة ويه معلمات ما بيه شي هاي .
او لا عله مواقع التواصل " و بدون ما يراعي الحرمة بينه وبين هاي المراة ؛ فيوكع الطرفين في شباك الشيطان ، والبعض يُوهم نفسه انه ما متعدي الادب يعني مجرد كلام وشقه شكو بيه*
والعكس بالنسبة للمراة
•- بالنتيجة المراة الي تسمح لنفسه تخلو مع رجل اجنبي وتتكلم يعني بكلام بي نوع من الملاطفه وغيره..وهي متونسة بهذا الفعل بدافع الاخوة
نكله اجتنبي هذا الفعل ، لان هذا ما يفيدج ، يضرج ما ينفعج يعني يحمل امور وعواقب تجيب الندب .
اختي
*- الاسلام ما انطه صحيح درب
طويل للمراة يعني في بعض السلوكيات في بعض الامور ليش
راد يحفظ كيان المراة راد يخليه في مقام العزة في مقام الكرامة
يعني شلون واحد عنده فرضاً جوهرة وهاي الجوهرة ضامه .
شكد معتز بيه وشكد لناس معتزين بيه ؛ لكن لما يطلعه الجوهرة هاي ..فتشوف ترخص هاي ، فهي هاي غاية الاسلام يحافظ عله المراة ؛ هاي باجر ممكن يصير عده اولاد وبيت
فهاي المراة اذا صار عد هاي الاشياء لا سامح الله ، اسرته تروح اولاده تروح ، لانه ما تستطيع تربي نفسه ، فكيف تربي وتقود اسرة .
•- بالتالي كثير من الأُسر وقعت بهذا المأزق ؛ وانتلفت النه عوائل والسبب كان في بدايته رسالة ! او نظرة ! وتحولت الى ماساة
فعلى المسلم يلتفت شنو جاي يعمل ولا يكول هاي سهلة وبسيطة ، لا قد تتحول وتصير من كبائر الذنوب .
بعد هل المقدمة نرجع للاية .⬇️
BY محاضرات بلاغية
Share with your friend now:
tgoop.com/fatame00/10090