tgoop.com/fatame00/1199
Last Update:
آلَلَهۣۗہمۣۗـۙ صۣۗـۙلَ عۣۗـۙلَى مۣۗـۙحۣۗـۙمۣۗـۙد وُآلَ مۣۗـۙحۣۗـۙمۣۗـۙد
بۣۗـۙسۣۗـۙمۣۗـۙ آلَلَهۣۗہ آلَرحۣۗـۙمۣۗـۙنۣۗـۙ آلَرحۣۗـۙيۣۗہمۣۗـۙ
{وقل للمؤمنات يَغْضُضْنَ مِنْ أبْصارِهِنَّ ويِحْفَظْنَ فُرُوجَهُنَّ ولايُبْدِينَ زِينَتَهُنَّ إلاّ ماظَهَرَ منها}
💠احنه نطرق ان شاء الله الى مضامين نشوف شنو اهدف الآية، لكن قبل هذا خل نشوف سبب النزول ، جابر إبن عبد الله الانصاري يكول اسماء بت مرشدة هاي اله كان كأنه مكان في بني حارثه تكعد بيه ف تجيه النساء من يدخلن عليه النساء تشوفهن ذني ما متأزرات يعني اللابسه خلخال برجله ينشاف ما مغطيه نفسه زين ، اذا صدره اشويه بارز افرض شعره ،فكالتلهن اسماء ما اقبح هذا !! فعلكن هذا شنو هذا قبيح ، نزلت الآية (وقل للمؤمنات يغضضن من ابصارهن ويحفظن فروجهن )
✍*طيب سؤال يطرح نفسه ...
التربيه اله دور أساسي ومهم في بناء شخصية الإنسان ؟
بلا شك هل الولد أو البنت اذا ما أحسنت الأم أو الأب تربيتهم ، تربيه سليمه ذولة راح ايكونون في مهب الريح ،لأن ذوله من راح ينصدمون بأجواء غير سليمة بالتالي النتائج تكون عكسية×
🔸*"فالجو الأسري لازم يكون جو محصن من اشياء كثيرة يعني ما يكون مشحون بالخلافات وكل ساعة كابه العيطه ، شلون يعني، يعني لو نلكه بعض الآباء حريص على حجاب البنت إفرضي ،والأم خايفه اذا تحجب بته يضيع جماله! لو والله الأم تلكينه في غاية الحرص إتجاه أسرته، والأبو مو داري شنو إحتياجات الأسرة،
فالتربية مهمة، ومهمة عظيمة على عاتق الاب والام ..
فالاب اله دور والام اله دور ، يعني هذا الطفل ينولد بأسرة وتعتبر الأسرة مجتمع اله !؟ احنه نعرف الام تلد هل طفل هذا تتحمل اعباء من حمل وطلق وولادة وتعب ، اما دور الاب ، الاب عليه اعباء من نوع آخر _ شلون يعني ،هذا الاب اول ما يتحمل هموم التربية ومسؤليته ليش ؟ لان هذا يقع عليه عب اخراجه لهل طفل هذا للمجتمع..عليه ان يراقبه بحذر ،خاف هذا يضل ويتيه ،عليه ان يحميه من الخرافات والوسائل المتطرفة ،يحميه من الانحدار الخلقي ، يغذيه تطلعاته ،يوفرله جو الرعاية والتعليم والتربية ، يعني انت أب لازم تراعي وتراقب وتشوف هذا وين راح يوصل .
*"مثلا البنت لما توصل سن التكليف هنا شنو هنا يجي دور الام ؟ تبدي تئيهه تفهمه انه الشريعة الإسلامية ليش وجبت على المراة الحجاب ، لان بيه عَفافهه وكرامته ، فالاسرة مثل العش اللي تنشئ بيه الأخلاق الطيبة ، يعني هاي الخلية في بناء المجتمع اذا فسدت فسد المجتمع واذا صلحت صلح . فهكذا تكون الادوار مقسمه بين الاباء والامهات حته نطلع بثمرة ...طيب
من بعد هل مقدمة نأتي للآية الكريمة...
🔹"اكو بعض النظريات تكول الاسلام أصبح دين رجعي، وتخلف عن الثقافة اللي يعيشه العالم، يعني الاسلام يريد إيخلي المرأة تعيش بقوقعه مو أكثر.
والحقيقة ذوله همهم إشباع غرائزهم الحيوانية ،يعني ما عدهم مانع أن يِركسون المرأة بثقافات تهدم كيانه ،حتى يهدمون ركن من أركان الأسرة
نلاحظ في المجتمعات الغربية انتشار الاشياء اللااخلاقية مسببه مشاكل كثيرة يعاني منه التمدن الغربي، يدعوا الى شرب الخمر الى اشياء انعدم بيه العفاف انعدمت الحشمة عد نسائهم ، فالمراة الغربية امراة ثقافته ما تراعي بيه سواء كانت متبذلة في عيون الرجال سواء كانت سلعة رخيصة ، بينما المراة المسلمة تشوف الاسلام احاطهه بالعفة واحاطهه باشياء، يعني هدف الاسلام رفع قيمة المراة بالمجتمع " حافظ عله عزته حافظ على كرامتة ،راد اله الهيبة و الوقار ✔️
✍ فذوله يسعون دائما الى بث مثل هاي الافكار = يعني اكو رأي عند علماء الاجتماع مثل رادي كليف راون يكول ان وصفة الاسلام اصبحت وصفة قديمة
يكول ارموها بسلة المهملات لان هاي جاي تاخركم ،والحقيقة هسه يجي واحد يكول اشدعوه اليوم العالم يزهر بالثقافة؛ والثقافة ممكن تهذب اولادنه
لان جاي نشوف احنه هذا الانسان الاوربي مثلا ، نشوف ثقافته هذبته رفعت مستواه فخلي علماء الدين اشوية يخففون الحجاية " اتجاه الاسرة الاسلامية ونخلي الثقافة تأخذ دوره بشكل طبيعي ! الحقيقة هذا الي يطرح هيج طرح تره ماكو هيج شي ابداً ،تفضلي احنه هسه بالقرن الواحد والعشرين ،والآن لعبة الثقافة هي لعبة الموت ،يعني يوميه جاي تطرحلنه فد لعبة خطرة بين الناس وخصوصاً بين المناطق الاسلامية ، أسأل الله أن يرفع وعي المسلمين ويخليهم يلتفتون الى هل العبات الثقافية الخطرة ، و تفضلي يعني الطابع الإسلامي (السلام) طابع معين رسم للمسلم واليوم إجت الثقافة الغربية تأثرنه بيه ،أولادنه متأثرين بيه ونسائنه وشبابنه ،ونشوف السلام ضاع بين الناس ! هل الكلمة هاي العظيمة .
🔻فصرنه ما نستحسن الثقافة الإسلامية وهذا اشبه باالفلاح الي يحرث الأرض و يسهر على الزرع ويتعب ويجي هذا الاقطاعي يختطف من عنده الثمرة مالته بلحظة ،وهذا هم إحنه تشوف الأسرة الاسلامية تتعب على إبنه الى أن تكبره وتجي الثقافة الغربية تختطف أولادنه
⤵️يتبع
BY محاضرات بلاغية
![](https://photo2.tgoop.com/u/cdn1.cdn-telegram.org/file/pGmaGn1fEN-6VBlf0pwF6XLpt-PcTL2Jysd7whHnhcNJcGNvusTecRroC_gd9vL-sRuf_JhMekl6nTL9tOoqth2xmb0hWNivRMPMLHSWPabQth2tQMXGkei0a3FyD_PrX6wgJwmqGpWlRUg1oxmCAG9NbvD009ukyc-DPvNZlIxzD5pLw4DL0ST7YQJ3-mMJJvXSI9d47DZb-4nE3g4qFKBdYjKHPqklNcgGKP3U6GrpiOdxsFPz4mlA3Ff50R2OoZVBaeUQI48P6eLgjdFBMo8QT34TuN5CK_Nlns3Hw4vVb0qICfYuAwkal7iLnU8pusa-Dt1axZVJzVh_Favj0Q.jpg)
Share with your friend now:
tgoop.com/fatame00/1199