tgoop.com/fatame00/1925
Last Update:
آلَلَهۣۗہمۣۗـۙ صۣۗـۙلَ عۣۗـۙلَى مۣۗـۙحۣۗـۙمۣۗـۙد وُآلَ مۣۗـۙحۣۗـۙمۣۗـۙد
بۣۗـۙسۣۗـۙمۣۗـۙ آلَلَهۣۗہ آلَرحۣۗـۙمۣۗـۙنۣۗـۙ آلَرحۣۗـۙيۣۗہمۣۗـۙ
✍*(وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ )
📝"معنى الاستعانة معنى عام يعني مثل شخص عنده فرد حاجة أو أمر ومو كادر يوصل لهل الامر ،يحتاج الى وسيلة من الوسائل حته يبلغ مراده ..طيب
*"القران الكريم اشار الى الاستعانة بالصبر والصلاة ع شنو ؟ زين قبل ما نطرق الى مسألة الصلاة ... سؤال لماذا قُدم الصبر على الصلاة في الآية الكريمة... احنه نعرف ان الصلاة معراج الروح يعني هاي الروح تحتاج إلى تزكية من الذنوب
من الآثام يعني تريد منك جُهد ،، تحتاج إلى صبر ،وكل امر بيه طاعة لله عزوجل يحتاج إلى صبر الى مجاهدة لهاي النفس ، مثل الحج ،،فريضة الحج بيه امور لازم الانسان يصبر ويحتمل يعني تشوف الحجاج يروحون الى منى مكان بعيد ويباتون و يرمون الحجرات هاي شنو ،، هاي بيه سعادة للانسان ؛ الله عزوجل يريد أن يدخل الانسان في رحمته يريد يساعده ينور قلبه ،يهديه الى طريق الحق ياخذ بيده مثل ما نكول ، فهاي اشياء توصله الى بر الأمان، ...يعني الشريعة لما اجت أمرت الرجل بالعمل ولكد على عياله يعني فرضت ووجبت عليه النفقة عله الزوجة والاطفال ، فهذا الرجل لازم يعمل ب المسببات تره اذا تركنه المسببات عطلنه الارض مو ، اكو البعض كاعد بدون عمل ومخلص وقته في اشياء ما تنفعه مثلاً يخلصه طلعات وسوالف مع جماعته، وتشوف وقته كله رايح لعب ولهو ..ويكول ماكو شغل ،،الحقيقة الرجل الي يكد ع عياله وياكل من عرق جبينه يقول عنه الحديث ( الكاد على عياله كالمجاهد في سبيل الله ) ف الانسان لازم يسعى مو يبقه خامل منتكل ،، يعني هاي اليد العاملة الاسلام يحترمه ، أرجوج الامم أشلون ترتقي مستوياته أشلون تصعد ،توصل بالجهد بالعمل في كافت المجالات شي اقتصادية وشي كيميائية ومشاريع صناعة الاسحلة ما يفترون ...واحنه كاعدين نستورد الالعاب الالكترونية نضيع وقت أطفالنه..
💎هل الطفل هذا ينشئ غير مبالي ما مهتم بالوقت من الصبح لليل كاعد عله جهاز الإلكتروني.. تدري شنو تسوي بيه انت بهل الحالة جاي تحطمه لهل الطفل ، يا اخي نمي افكاره ،
من ضمن مسؤليات الام و الاب أن يغذي تطلعات هاي البنت أو الولد ، فكرياً و عقائدياً و معنوياً
يعني يوفر اله تطلعاته _ أما اذا بقه هل لولد أو البنت عله راحته وعايش بوادي بعيد عن الاهل هذا راح يسببلي كارثة ! فلازم الام والاب ينتبهون ع الابناء وين يخلصون وقتهم ويامن يحجي بهل الجهاز ،،منو جاي يبنيله افكاره ! منو يتحكم بسلوكه .. لان مو بس اني جاي ابني الطفل لا ،،جهاز الموبايل ماخذ صفحة ،الموضة ماخذه صفحه ،الي اريد اكوله احنه في مجتمعاتنه، يعني مجتمعات عربية زائد شرقية زائد دينية ،وللاسف شي من الغرب ايضا جاي يهدد اولادنه .. فهاي كله تحاصر البنت و تحاصر الولد يعني لا سامح الله البنت مثلا ما تراقبت من قبل الأب وزلت فرد زلة هاي الزلة تسويلي كوارث ،تسويلي اشياء توتر الاسرة توتر المجتمع ،لا سامح الله، فكون هل لمراة هاي البنت تُراقب ،يشوفون سلوكه ،ثيابه محتشمة مثلاً ،اخلاقها طاهرة ،اذن لازم افهم ابناءي احترام الوقت واستغلال الوقت بما يرضى الله ، الصلاة اله وقته ، النوم اله وقته ،، لان هل العمر في الحقيقة فرصة ذهبية ، خاصةً في عمر الشباب تكون الطاقات البدنية والعقلية واسعة وسريعة التعلم
*"فكون نعلم اولادنه اشلون يستثمروها واشلون يستغل هاي الطاقات ويستثمره ب اشياء تتلائم مع عصر اليوم
عصر التكنلوجيا.. بدون ما يخرج من اطار الشريعة
📌_اذن الاسلام يأكد على مسألة إستغلال الوقت بما ينفع الإنسان .
*نلاحظ القرآن أمر مريم صلوات الله عليها ؛ كله هُزي إليك بجزع النخلة ..الحقيقة هذا أمر يوحي الى الدهشة يعني مريم بأشد واسوء حالاته مرهقة تعبانة ..يعني حالة طلق، وماكو احد يمهه .. فنشوف إجاءه النداء ، يأمرها بهز النخلة اليابسة سُبحان الله،، فتخضر هاي الشجرة اليابسة ويتساقط من عده رطب ... طيب شنو الغاية يعني مريم لما كانت سالمة وصحيحة كانت الفاكهة تجيه للمحراب مو "يدخل عليه زكريا مريم أنا لك هذا تكله هو من عند الله. لكن الآن بعد ما ابتليت بكل هاي المشاكل،، صار واجب عليه تقطف الثمار بنفسه .. هذا الامر يدل على شنو!؟ يدل عله اهمية العمل كما يقال في الحركة بركة ،أحنه نسعه والباقي على الله ..فهي هاي ثمرة العمل ثمرة تطبيق قانون السماء ، إذن كل واحد يأخذ دوره بالحياة، الزوجة مثلا تعمل في بيته تشوف متطلبات زوجه
ورد عن الامام الصادق عليه السلام أنه قال : أيما إمرأة خدمت زوجها سبعة أيام أغلق الله عنها سبعة أبواب النار -وفتح لها ثمانية أبواب الجنة تدخل من أيها شاءت
*نرجع للاية الكريمة .واستعينوا بالصبر والصلاة...
تابعوا⤵️
BY محاضرات بلاغية
Share with your friend now:
tgoop.com/fatame00/1925