محاضرات بلاغية

اللهم صل على محمد وآل محمد

بسم الله الرحمن الرحيم



{{فَلَمَّا أَلْقَوْا قَالَ مُوسَىٰ مَا جِئْتُم بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ الْمُفْسِدِينَ}}

🔅 الحياة فيها ابتلائات فيها امتحانات وعثرات يعني لابد تضهر مشاكل تنغص للانسان استقراره وراحة باله ، اكو ابتلائات حتمية واكو لا يعني
افرض واحد مريض يروح للدكتور ..ليش يروح للدكتور لان احنه نكول الدواء ثم الدعاء ،فيروح هذا الى الدواء واذا ما نفع الدواء فيروح الى الدعاء فهاي الابتلائات والامتحانات ما اجت الا انهُ تميز هذا الانسان الصابر الانسان الحكيم الانسان صاحب الرحمة و
مرات الابتلائات تكون حتمية مثل واحد عنده ولد عزيز وهذا الولد بعده في ريعان الشباب ينقض عليه الموت ياخذه ، بعد الإنسان ما يكدر يسوي شي فينبغي عليه ان يسلم للارادة الالهيه وفوك التسليم أن يرضى بقضاء الله وقدره ولا يغضب لان هاي المؤمنة تعلم بأن الله عادل حكيم ولا يقدر لعبده الا ما هو خير ،،
واكو ابتلائات في المجتمع تخلقنه مشاكل كبيرة ..يعني الاسلام ينصح المرأة تلتزم بيته وتلتزم بالحياة الزوجية ما المفروض هاي مثلا بعض النساء تترك البيت عله حده وتلتهي بأشياء جانبية افرض قنوات اعلامية افرض مواقع تواصل اجتماعية هذا ممكن ياخذنه الى جانب آخر،، وهذا من ياخذه الى جوانب اخرى راح يهدم بيته لان اكو اشياء تهدم المرأة، واذا انهدمت المرأة هي ركن من اركان الأسرة
واذا انهدم هذا الركن انهدم البيت وممكن يجر هذا التواصل الاجتماعي الى علاقات محرمة لا سامح الله،، زين ...


⚫️من بعد هل مقدمة ندخل للآية 🗯




{فَلَمَّا أَلْقَوْا قَالَ مُوسَىٰ مَا جِئْتُم بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ الْمُفْسِدِينَ}

🌠نأتي نشوف شنو المعنى من الآيه،،،،
السحر معروف عند الناس ..فلما القران والشريعة ينهي عنه بيه ضرر للناس ..بيه ضرر على الانسان ..السحر ما يقدم شي للانسان لو يقدم شي كان الاسلام وصى الناس تعالوا لسحر ،،، وهاي في الواقع المجتمعات مبتليه فلانه مسحورة وفلانه عده قدرة على فك السحر * او احنه نسمع هاي طريحة الامام العباس وهاي طريحة الامام الحسين هذا مو صحيح هذا ابداً مو صحيح هذا الكلام مزور وكلام ما بيه حقيقة فهذا لا يغرنه انتم تعرفون يعني هاي الإنسانة البسيطة المؤمنة المسكينة الي عنده مصيبة مثل لغركان بس يلكاله كشايه يريد يتعلك بيه وهاي هم تغريه بذيج الوعود ، مشكلتج يمي حلها واعرف افك السحر ** هاي اتصدك لان ملهوفة وبسيطة مثل ما كلنه
الحقيقة مثل هاي امانة في عنق من يفهم بس ذولة ما عدهم ضمائر المهم عندهم الاموال طريقهم طريق الرذيلة ذولة شنو عملهم ،، عملهم شيطاني تعرفين شنو شيطاني الي يجلس مجلس يدعو لله يعبد الله فلي يجلس مجلس لا يرضي الله يعبد الشيطان و الي يجالس ذولة العملهم بالمراحيض (( المرافق )) ومع الجن الكفرة والسحر .. شنو راح يترجه تنحل مشكلة مثلا !
السحر حرام شرعا ⭕️ اختي فكري شويه رجعي للقرآن الكريم سورة كاملة تحجي عن السحر وهي حرز من كل شيطان رجيم... يوميا اقرئي خمسة مرات سورة الكرسي وايضاً الصلاة على محمد وال محمد.. الصدقة كذلك تدفع الضرر ، كل هذه احراز ما يضرج لا عين ولا سحر بإذن الله (( وما هم بضارين به من احد الا بإذن الله ))


🔸خل ارويلج هل الرواية

▫️هاي بزمن الامام الحسن العسكري عليه السلام،، مر القحط بالناس فأمر الخليفة يعني المتوكل بالخروج الى الاستسقاء كالهم اطلعوا،، طلعوا ثلاث ايام يدعون ويضوعون ما استجاب الله لهم ، فخرج الجاثليق والرهبان رابع يوم والنصارى الى الصحراء ،،، وياهم راهب مد ايده هطلت السماء صبت بالمطر ،، انوب ثاني يوم هم خرجوا وصبت مطر ،، فشكت اكثر لناس وتعجبوا وصبوا إلى دين النصرانية ( المسيح) الخليفة فتح السجن عن الامام جان ساجن وده عليه كاله (( الحك امة جدك فقط هلكت )) كاله الامام اني خارج من الغد وسوف يزول الشك أن شاء لله ،،
فخرج الجاثليق (( يعني كبيرهم ) في اليوم الثالث وي الرهبان،، الامام وواحد من اصحابه هم خرج وياهم ...فلما بصر بالراهب شافه مد ايده امر بعض مماليكة
كاللهم الزمو ايده اليمنى وطلعوا لبين اصبعيه فطلعوا عظم اسود اخذه الامام وكاله يلا استسق الان فاستسقى ورغم كانت السماء مغيمة كبل تشققت وطلعت شمس ،، الخليفة سأل الامام كاله شنو هذا يا ابا محمد؟؟ كاله : هذا الرجل عبر بقبر نبي من انبياء الله تعالى فوكع في يده هذا العظم ..وما كشفت عن عظم نبي الا هطلت السماء بالمطر... اذن كون المؤمنه تكون ذكية وواعية تفكر بعقل وما تنخدع
المؤمنة من توكع بمشكلة ومصيبة تجي للقران لاهل البيت عليهم السلام..تتوسل ذولة ابواب الرحمة والشفاعة الكبرى ...روي عن رسول الله ص

اني تارك فيكم الثقلين كتاب الله وعترتي اهل بيتي ما تمسكتم بهما لن تضلوا من بعدي

www.tgoop.com/fatame00/48

7.5K viewsedited  Sep 2, 2018 at 23:03

اللهم صل على محمد وآل محمد

بسم الله الرحمن الرحيم



{{فَلَمَّا أَلْقَوْا قَالَ مُوسَىٰ مَا جِئْتُم بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ الْمُفْسِدِينَ}}

🔅 الحياة فيها ابتلائات فيها امتحانات وعثرات يعني لابد تضهر مشاكل تنغص للانسان استقراره وراحة باله ، اكو ابتلائات حتمية واكو لا يعني
افرض واحد مريض يروح للدكتور ..ليش يروح للدكتور لان احنه نكول الدواء ثم الدعاء ،فيروح هذا الى الدواء واذا ما نفع الدواء فيروح الى الدعاء فهاي الابتلائات والامتحانات ما اجت الا انهُ تميز هذا الانسان الصابر الانسان الحكيم الانسان صاحب الرحمة و
مرات الابتلائات تكون حتمية مثل واحد عنده ولد عزيز وهذا الولد بعده في ريعان الشباب ينقض عليه الموت ياخذه ، بعد الإنسان ما يكدر يسوي شي فينبغي عليه ان يسلم للارادة الالهيه وفوك التسليم أن يرضى بقضاء الله وقدره ولا يغضب لان هاي المؤمنة تعلم بأن الله عادل حكيم ولا يقدر لعبده الا ما هو خير ،،
واكو ابتلائات في المجتمع تخلقنه مشاكل كبيرة ..يعني الاسلام ينصح المرأة تلتزم بيته وتلتزم بالحياة الزوجية ما المفروض هاي مثلا بعض النساء تترك البيت عله حده وتلتهي بأشياء جانبية افرض قنوات اعلامية افرض مواقع تواصل اجتماعية هذا ممكن ياخذنه الى جانب آخر،، وهذا من ياخذه الى جوانب اخرى راح يهدم بيته لان اكو اشياء تهدم المرأة، واذا انهدمت المرأة هي ركن من اركان الأسرة
واذا انهدم هذا الركن انهدم البيت وممكن يجر هذا التواصل الاجتماعي الى علاقات محرمة لا سامح الله،، زين ...


⚫️من بعد هل مقدمة ندخل للآية 🗯




{فَلَمَّا أَلْقَوْا قَالَ مُوسَىٰ مَا جِئْتُم بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ الْمُفْسِدِينَ}

🌠نأتي نشوف شنو المعنى من الآيه،،،،
السحر معروف عند الناس ..فلما القران والشريعة ينهي عنه بيه ضرر للناس ..بيه ضرر على الانسان ..السحر ما يقدم شي للانسان لو يقدم شي كان الاسلام وصى الناس تعالوا لسحر ،،، وهاي في الواقع المجتمعات مبتليه فلانه مسحورة وفلانه عده قدرة على فك السحر * او احنه نسمع هاي طريحة الامام العباس وهاي طريحة الامام الحسين هذا مو صحيح هذا ابداً مو صحيح هذا الكلام مزور وكلام ما بيه حقيقة فهذا لا يغرنه انتم تعرفون يعني هاي الإنسانة البسيطة المؤمنة المسكينة الي عنده مصيبة مثل لغركان بس يلكاله كشايه يريد يتعلك بيه وهاي هم تغريه بذيج الوعود ، مشكلتج يمي حلها واعرف افك السحر ** هاي اتصدك لان ملهوفة وبسيطة مثل ما كلنه
الحقيقة مثل هاي امانة في عنق من يفهم بس ذولة ما عدهم ضمائر المهم عندهم الاموال طريقهم طريق الرذيلة ذولة شنو عملهم ،، عملهم شيطاني تعرفين شنو شيطاني الي يجلس مجلس يدعو لله يعبد الله فلي يجلس مجلس لا يرضي الله يعبد الشيطان و الي يجالس ذولة العملهم بالمراحيض (( المرافق )) ومع الجن الكفرة والسحر .. شنو راح يترجه تنحل مشكلة مثلا !
السحر حرام شرعا ⭕️ اختي فكري شويه رجعي للقرآن الكريم سورة كاملة تحجي عن السحر وهي حرز من كل شيطان رجيم... يوميا اقرئي خمسة مرات سورة الكرسي وايضاً الصلاة على محمد وال محمد.. الصدقة كذلك تدفع الضرر ، كل هذه احراز ما يضرج لا عين ولا سحر بإذن الله (( وما هم بضارين به من احد الا بإذن الله ))


🔸خل ارويلج هل الرواية

▫️هاي بزمن الامام الحسن العسكري عليه السلام،، مر القحط بالناس فأمر الخليفة يعني المتوكل بالخروج الى الاستسقاء كالهم اطلعوا،، طلعوا ثلاث ايام يدعون ويضوعون ما استجاب الله لهم ، فخرج الجاثليق والرهبان رابع يوم والنصارى الى الصحراء ،،، وياهم راهب مد ايده هطلت السماء صبت بالمطر ،، انوب ثاني يوم هم خرجوا وصبت مطر ،، فشكت اكثر لناس وتعجبوا وصبوا إلى دين النصرانية ( المسيح) الخليفة فتح السجن عن الامام جان ساجن وده عليه كاله (( الحك امة جدك فقط هلكت )) كاله الامام اني خارج من الغد وسوف يزول الشك أن شاء لله ،،
فخرج الجاثليق (( يعني كبيرهم ) في اليوم الثالث وي الرهبان،، الامام وواحد من اصحابه هم خرج وياهم ...فلما بصر بالراهب شافه مد ايده امر بعض مماليكة
كاللهم الزمو ايده اليمنى وطلعوا لبين اصبعيه فطلعوا عظم اسود اخذه الامام وكاله يلا استسق الان فاستسقى ورغم كانت السماء مغيمة كبل تشققت وطلعت شمس ،، الخليفة سأل الامام كاله شنو هذا يا ابا محمد؟؟ كاله : هذا الرجل عبر بقبر نبي من انبياء الله تعالى فوكع في يده هذا العظم ..وما كشفت عن عظم نبي الا هطلت السماء بالمطر... اذن كون المؤمنه تكون ذكية وواعية تفكر بعقل وما تنخدع
المؤمنة من توكع بمشكلة ومصيبة تجي للقران لاهل البيت عليهم السلام..تتوسل ذولة ابواب الرحمة والشفاعة الكبرى ...روي عن رسول الله ص

اني تارك فيكم الثقلين كتاب الله وعترتي اهل بيتي ما تمسكتم بهما لن تضلوا من بعدي

BY محاضرات بلاغية