tgoop.com/fatame00/4865
Last Update:
بسم الله الرحمن الرحيم
💫 اللهم صل على محمد وآل محمد
قال رسول الله صلى الله عليه وآله
{ثلاث تعجل عقوبتها في الدنيا لا تتاخر الى يوم القيامة }
🪔*_ الاسلام لما شرع العقاب والثواب.. طبعا شرعهن اكو بيهن فائدة للانسان.. اكو بيهن اثار
اكو بيهن اشياء تفيد الانسان، شلون يعني
يعني افرض مثلا.. شرع طاعة الوالدين، لما شرع طاعة الوالدين، طبعا اراد ان يحفظ الاسرة، الاسرة تحتاج إلى روحية الئ اشياء، يعني احنه نجد أسر مثلا على سبيل الفرض كابه عيطته يوميه، او لا
اكو أسر، الله منعم عليه ومتفضل عليه، وتشوف الابناء مريحين ابائهم،، واحنه ما نروح يعني بعيد، بعض الآباء يعني، كانه ما مسؤول بس يطلع أولاد يذبهم بالشارع، كانه ما مسؤول عنهم،.هذا كون يعتني الاب، الام بتربية الأبناء يفهموهم هاي الحياة. اشبيه، هذا راح يطب للحياة يلكه هل الابن هذا التيارات ثقافات، وياخذ من عده، مرات تنعكس مع تصرفاته بالبيت ، افرض لا سامح الله تطلع من احجاية، يتأذى منه والديه... طبعا احنه
نعرف طاعة الوالديه اله أهمية كبيرة واثر بحياة الانسان من ناحية المعيشة، من امور كثيرة قد يكون يجهل بعضه الانسان .. فهاي لطاعة والمعصية اله اثر نتائج بالدنيه قبل الاخرة ...يعني يشوف إثر هذا العمل مرات بنفس اللحظة يبين اثر هل العمل ،.ومرات لا بعد فترة ... نكدر نكول الوالدين درج يصعدني وين يصعدني يوصلني لرضا الله..لان رضاء الله من رضا الوالدين ...وسخطهم يجلب سخط الخالق
💫 في الواقع سخط الوالدين من كبائر الذنوب ..طيب نرجع للحديث الشريف احنه كلنه كل عمل بيه اثر .. شلون اله اثر يكول
ثلاث تعجل عقوبتهما في الدنيا ما تتاخر الى يوم القيامة ...يعني
مثل واحد ما عنده ياكل فقير
ما عنده قوت يوميه "يكول احد اسباب هذا الفقر عقوقه لوالدين ...افرض شخص مبتلى بولد شالع كلبه وجايبله لحجاية بين الناس" فمثل ما كلنة بعض أنواع العصيان تعجل عقوبتها في الدنيا قبل الاخرة
💎_ * يعني للاسف بعض الناس إذا صار عنده اموال صار عنده منصب كذا اختل توازنه اخذته الدنيه...
نسه ذاك الحجر الحنون .. وذيج الايام ايام الطفولة" اشلون كان عاجز.. نسه شلون كان ابوه وامه يدارونه ويعتنون بيه
يعني الواحد المفروض يحاول يتذكر هذه الأشياء ما ينساه.. هذوله الهم حق عليك مو..
الان اجه وقت يقتطفون ثمار كل ذاك التعب ..الحقيقة هذا الأمر يحز بالنفس كثيرا
يعني هل الاباء خلوا كل امالهم الطويلة العريضة..كانوا يحسبون ابنائهم يشيلوهم
ما يخلوهم بحاجة ف
الإمام الرضا عليه السلام يسأل واحد من جماعته يكله هل لديك ولد يكله : لا كاله ارجو ان يرزقك الله ولد من كان ذا ولد يدرك ظلامته
ان الضعيف الي ما عنده ولد، مثل ما يكَول الاولاد عزوة ليش عزوة لان هذا من يكبر راح يشيلون كبرته ويقطف ثمار ذلك العناء مثل ما كلنه ... لكن بعض الابناء ما ينسى والديه فيكون يفكر بنفسه ..فيطلع من دائرة البر ... فمسالة بر الوالدين مسالة فطرية وعظيمة... يقال ان
موسى سال الله سبحانه عز وجل
كاله ياربي من جاري في الجنة.. كال جارك في الجنة كصاب.. تعجب موسى عليه السلام.. كاله قصاب
ذهب موسى الى هذا القصاب.. كعد يمه باوع سأله كذا شاف اموره طبيعية الى أن عرف موسى ان هذا عنده اب وام، كاله اني سالت الله من جاري في الجنة كالي فلان
كاله تعال وياي يا نبي الله موسى
خذاه للبيت.. دخله كعده.. ودخل هو للحجرة كام يطب ويطلع يطب ويطلع كاله تعال يا نبي الله.. اجه موسى شاف اكو كاروكين.. كاله هذا ابوي وهذا امي ذولة صاروا بعمر بعد
ارذل العمر.. يعني شلون نكول واحد مخرف.. فاني ما ازوجت خاف اجيب زوجه وتاذيهم.. فاني جاي اداريهم.. فعلى الأبناء الالتفات إلى هاي الامور كون ما يستهانون بهل الامر..
نرجع الى حديث الرسول صلى الله عليه واله يكول بعض الذنوب تعجل عقوبته بالدنيا قبل الاخرة بيش افرض يضيق عليه بالمعيشة بفرص الحياة ...يعني مجتمعنه احنه جاي نشوف هواي حالات العقم مو .. ومراجعات واطفال انابيب ..واشياء كثيرة يحاول الطب يسعف بعضهم
الحقيقة احد اسباب العقم يكول الرسول صلى الله عليه واله.. عقوق الوالدين ...
الامر الثاني الي تعجل عقوبته هو البغي عله الناس والاعتداء عله حقوقهم
حديث قدسي يكول : اول ما كتب الله في اللوح المحفوظ اني انا الله لا اله الا انا من رضا عنه والديه فانا راض عنه
طبعا لو نتامل بالاحاديث نلكاه اغلبه من باب التعظيم ......يعني مو واحد يجي يفعل المحرمات والله الله راضي عني لان اني راضي امي وابويه ...لا هاي مغالطة ..حلال محمد حلال الى يوم القيامة وحرام محمد حرام الى يوم القيامة...بس هاي تبين الامور توضحه لان الانسان بطبعه يغفل ينسى هاي الأحاديث تذكره ..
↗️زين سؤال افرضي شخص كان عاق لوالديه ما قائم بواجبهم بشكل صحيح ساهي عنهم ومات احد ابواه شنو العمل شنو يسوي هنا الامام الصادق عليه السلام يجاوبه :
تابع👇
BY محاضرات بلاغية
Share with your friend now:
tgoop.com/fatame00/4865