tgoop.com/fatame00/59
Last Update:
اللهم صل على محمد وآل محمد
بسم الله الرحمن الرحيم
{{{أَمْ يَحْسُدُونَ النَّاسَ عَلَىٰ مَا آتَاهُمُ اللَّهُ مِن فَضْلِهِ}}}
🔹النفس بطبيعته تميل إلى الشهوات والغرائز والاهواء ،؛ نشوف بعض النساء تتصور السعادة بكثرة الأموال او بكثرة الاولاد لو تلكاه تتصور السعادة بسفرة ( طلعة معينة )طبعا احنه مو ضد انهُ المرأة تخرج من دارها تزور ارحامها تطلع تقضي حوائجها لا ....لكن السعادة ما محصورة بهذه الاشياء ...يعني كون الانسان يفكر بعقل الله عز وجل ميز الانسان بعقله عن باقي المخلوقات ...يعني الانسان يكدر يغير الدنيا بعقله،، يغير مقايسسه يحل المعادلات ...وهاي المعادلات يحله الذهن ما تحلها الغرائز ،،لان الغريزة ما ممكن فد يوم طرقت باب الجار وتشوفه هذا نايم جوعان شبعان،،الغرائز جبلت النفس نعم الله سلحنه بيه ممكن نستفيد من عدها لكن في حدوده...
●طيب نأتي إلى الآية الكريمة....♧
🔸الحسود في الواقع مبتلى بشدة حب الدنيا دائما يحس بانكسار يحس بذل ما مرتاح
تلكاه يوازن بينه وبين الناس هذا صار عنده سيارة واني ما عندي ،، او هاي المؤمنة صار عده اربع اولاد ( ذكور ) واني ماعندي ذكور بس بنات اكو فد ملاحظة كون نفرق بين الحسد والغبطة يعني من اشوف مؤمنة بخير حالها مستور ، اكدر اتمنه الي عده هاي غبطة بس اذا اتمنه هاي النعمة تروح من عده لا هذا معنى الحسد ،،، فإنتي لا تتصورين ان الإنسان ملك... الانسان ابن ادم ...وابن ادم عنده حسد عنده حقد عنده انانية عنده حب التفرد بالكمال فإنتي من تتعاملين مع انسانه لا تصورينه ملك لا ..مو ملك ،، يا اختي احمليه على خيره وشره ما دام مسلم ويكول الشهادتين اذن اكو رابطة تشدني اله ...هذه اني مسؤله أن احفظ غيبته واحفظ حظوره واستر عورته واشير عليه بالنصح واسدده
اني دا احجيلج من منطق الاسلام وعل المسلم التطبيق ... الاسلام اجه بنظرية ،، المسلم عليه يطبق هل النظرية بالواقع .
🔹خل ارويلج هذه الحادثة هاي
♦️كان اكو واحد هذا يعني انسان فقير متواضع مثل منكول ماشي بدربه عده تواضع ،،، وصل هذا يوم من الايام صار مستشار الملك ، فهذا من صار مستشار الملك قربه اله ،، اكو من بحث وراه بسبب الحسد بعض الوزراء كاموا يفتشون ، وصلوا ذولة بتفتيشهم ، كاموا يشوفوه هذا يدخل الى غرفة معينة يوميه ويطلع فاخبروا الملك كالوله هذا قضيته هيج، لعله هذا جاي يسرق اشياء من المملكة مجوهرات المهم ،، الملك فعلاً كاللهم دعونا نرى الأمر ، طلب من عنده هذا يشوف لغرفة مالته ، فلما دخل للغرفة شاف اشياء بسيطة رتيبة مثل ما نكول بتعبيرنه يعني ثوب بالي وعصى اشياء ما تنم عن شيء، ،، كاله شنو هاي الملك سأله؟؟ كله هاي امتعتي من اجيت في خدمتك ، هاي خليته يومه ازوره اذكرني حتى لا اطغى لا كذا ** هو هذا هاي مشكلة اكو بعض لناس حقيقة يعني في حالة الفقر شيء ومن يصير في منصب من يصير عنده اموال من يشتم ريحة الشواء مال لحم يتغير حاله تتغير اموره !!!!! * لا يا اخي خليك على هذا الحال خليك على ما انته عليه
فهذا الحسد اله آثار وهاي الآثار مدمرة حقيقة ليش مدمرة
♦️ عن ابي جعفر ع يكول إن الحسد ليأكل الايمان كما تاكل النار الحطب.،،، نعم هو هذا الحسد هاي آثاره اشكد الانسان مؤمن اشكد عنده ايمان ،، يكول هذا الحسد لا ،، كأنه انت عندك خشبات وجبت نار والقيتها على هل خشب هذا فحركه ،، الحسد اثاره تحرك هذا الايمان
ايمان الإنسان الي سهر عليه وتعب ايام وليالي ها ،، لو يتأمل هذا الانسان وينظر إلى عطايا الله ،، يا اختي هذا عطاء الله مثل
ما انطه لجارج انطه لجارتج انتي اتمني مثل هذا ...هذا غبطة زين ...اما اني اتمنه لهل مسلم هذا ان تروح النعمة لا الاسلام ما عنده هل نفس هذا ،، الاسلام عنده نبض انسان وعنده رحمة ....
لذلك شتكول الآية ...
أم يحسدون الناس على ما أتاهم الله من فضله ، نعم الإمام الباقر ..ع..يقول نحن الناس والله ..الحسد فعلاً وقع على أهل البيت .ع..منهم مقتول ومنهم المسموم وهذا الحسين أبن فاطمة بنت رسول الله ص..في كربلاء خير شاهد على ما وقع عليه من مأسي ومن الآلام وعلى زينب. ع..الحسين نعم رأى ما حدث في الطف ولكن زينب رأت الحسين يقع في الطف
فخرجت بعد مصرعه تتخطى الجثث كأني بها تنادي واأخاه، وا سيّداه واأهل بيتاه، ليت السماء أطبقت على الأرض، وليت الجبال تدكدكت على السهل..
الحمد لله رب العالمين والصلاة والسلام على أشرف الأنبياء والمرسلين أبا القاسم محمد واله الطاهرين
_^^^_______^^^^_______^^^^
تمت بقلم خادمتكم #أم فاطمة لا اجيز شرعاً حذف الاسم
BY محاضرات بلاغية
Share with your friend now:
tgoop.com/fatame00/59