tgoop.com/fatame00/63
Last Update:
اللهم صل على محمد وآل محمد
بسم الله الرحمن الرحيم
{{ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ}}
🔸القران الكريم يحث على الشعائر إنسان يعظم الشعيرة ليش لان بيه بناء روحي هسه احنه بالمجتمع جاي نشوف التلفزيون الدعاية بالتواصل مثلاً .. كله تحث على الجسم،، يعني اليوم شبابنه شاباتنه ملتهيات مثلاً بنوع المساحيق يا مساحيق تستعمله .. مثل البعض يركض يا موديل ينزل ثوب حتى يشتريه ... يعني الإنسان لازم يربي روحه يهذب نفسه ،، مثلاً افرض صار مجلس ،، وطلعوا شبابنه وره المجلس يخلصوه كلام وشقه وراح المجلس ،،، او مثلاً بناتنه يحضرن مجلس ويعظمن شعائر الله بس هاي نشوفها ملبسهَ وكلامهَ ما متلائم مع هاي الشعيرة !!! فكون الإنسان يجي الى هاي الشعائر لابس ثوب معين بادي عليه الحزن والكآبة واحنه عدنه بروايات الزهراء ع تحضر المجالس، مولاتي زينب ع تحضر هاي المجالس فلقضية مو بعيده اكو امثله هواي فكون يعني هل المرأة هاي من تجي الى هل الشعائر الحسينيه تجي ومبين عليه الحزن ومبين عليه الكآبة ،، مثل ما الزهراء هل الايام نشوفه في لوعة وحنين للحسين احنه همين النساء في لوعة وحنين نشاطر الزهراء باحزانها بدمعتها
ف عيب من عدنه نجي للمجلس واحنه مثلاً على اخر موديل ...ميخالف البس لباس يوازي المصيبة يوازي الحزن
🔸هاي قصة ينقله احد الخطباء بإيران 💧
♦️يكول الخطيب بأحد المجالس اجاني شاب اسمه رضا كالي شيخنه أنه عندي سالفه وياك ..اريد اسولفلك قصتي ...يكول كعدنه ، كالي شيخنه شنو تشوفني ..كتله انسان مهذب مؤمن خوما اعلم الغيب ،، فهذا رضا بجه ولطم وجه وصرخ يا زهراء
شيخ اتعجب ،،، كاله شيخنه انه اقل ذنب اسوية يوميه اضرب امي وابوي * كاله انه عاصي واصدقائي منحرفين مثلي وعنده شقة نخلص وقتنه بالمعاصي بيه
،، كاله ذاك ليوم ليلة العاشر من محرم انه رايح للشقة ما لكيت اصدقائي نزلت افتر بسيارتي بالشوارع صادفت ابنية شابة كتله وين ترحين تعاي اوصلج ، كالت شكرا رايحة للحسينية ،،، هو اصلاً مو يَمه القضية ما يعرف شنو ليلة عاشر... فيكول قنعته اوصله للحسينية ،،صعدت اخذته للشقة ، كامت ترجف وتبجي ،، كالت انت شنو من بشر الليلة الحسين ينقتل 😭
ما عندك غيرة !! كالله ما عندي،، كامت تبجي كالتله انه علوية بت الزهراء استحي لمرة وحدة من الزهراء وخلي املك بيه وهي الي تاخذ بيدك وتخلصك من واقعك ،، اتركني واحسب هل موقف للزهراء ...كالله زين بلا نشوف الزهراء مالتج توكفلي يولا !!! يكول رجعت وصلته للحسينية ، نزلت تبجي كالتلي مثل ما مسيت عفتي اريد من امي الزهراء تاخذ بيدك ،،،؛رجع لبيتهم رضا متأذي يلوم على نفسه ليش انه هيج ما اعرف شنو عاشور ليش حالي هيج ناس وين وانه وين ،،، لكه محد بالبيت شغل لتلفزيون شاف نقل مباشر من كربلاء ليلة عاشور والإضاءة حمرة بين الحرمين شاف تشابيه طفلة يضربوه الشمر واعوانه بالسياط كام يبجي،،، رجع لذكرياته كاله انه هيج تاذيت مولاتي لزهراء شلون ...😭دخلت امه شاف امه بجه كاللتله يمه رضا اشم بيك ريحة الحسين دنك على اقدام امه وابوه يقبلهن كالهم انه مو رضا الاولي تغيرت ..صبح لصبح راح لبس اسود راح للموكب ...زين لناس تعرف رضا سمعته سيئة شافوه كاله ابو لموكب تعال بابا رضا حبيبي ...كاله اريد اخدم الحسين تلكوه اهل الموكب كاللوله تعال اللطم على الحسين تعال ابجي ... واذا رضا قبل الاربعين هو يم الحسين هاي الالطاف الزهراء شاف القبة صرخ ياحسين 😭كاله مولاتي زهراء شسويتي بيه شنهي هل لرحمة والعطف ...فترة واذا ام رضا كاللتله يمه رضا انت تغيرت والحمد لله تعال ازوجك شفتلك ابنية...راحوا دخلو ...اجت لبنية جابت لعصير رفعت عينه وصرخت يازهراء وركضت راحوا وراه بقه رضا .. يسمعهم يصرخون يازهراء ..صاح يمه شنهي لسالفة ...كالت لبنية امس بليل اجتي برؤيا اجت امرأة بيده صورة رضا
كالتلي اريد اخطبج لرضا ...هذا خادم اوليدي الحسين ....انتي شايفة الزهراء تخطب
اذن دعونه نخلص النية نعظم شعائر الله هاي المجالس عظيمة ،، اهل البيت يحضروه الزهراء تحضرها مثل ما كلنه ،،
مولاتي نريد نظرة من الزهراء مولاتي إصلحي حالنه نظري النه😭
انتهى
الحمد لله رب العالمين والصلاة والسلام على أشرف الأنبياء والمرسلين أبا القاسم محمد واله الطاهرين
_^^^_______^^^^_______^^^^
تمت بقلم خادمتكم #أم فاطمة لا اجيز شرعاً حذف الاسم
BY محاضرات بلاغية
Share with your friend now:
tgoop.com/fatame00/63