tgoop.com/fatame00/7743
Last Update:
📌 فشاهد الحديث البيت ما بيه طعام
يكول الزهراء دخلت الى مخدعها صلت ركعتين ورفعت يديها وصارت تتوسل الى الله
قالت اللهي هذا نبيك وابن عمه والحسن والحسين
اللهي انزل علينا مائدة من السماء كما انزلتها على بني اسرائيل بني اسرائيل
اكلوا منها وكفروا بها - اللهم انزل علينا فانا مومنون
ــ مو انت شايف البعض اشلون يكفر بالنعمة ..في مأتم العزاء ( الفواتح) الاكل زائد ويحيرون اشلون يتخلصون منه .
فيكول لحضات واذا ذاك الطعام الي يفوح منه رائحة المسك والعنبر
يكول جابته الزهراء وخلته " واذا بامير المؤمنين ينظر متعجب كاله الرسول انا لك هذا
كالتله الله رزق مريم وهي بالمحراب مو يدخل عليه بالمحراب تكله هو من عند الله
ف الله الي رزق مريم وهي بالمحراب كذلك يرزق فاطمة ...
النتيجة الله قادر يرزق فاطمة واهل بيته
لكن اكو اصوات الله يحب يسمعه ' الله
يانس بصوت عبده المؤمن
🔗 هل الطريق الي يرسمه الله للعبد الدعاء وين الكه هذا الدعاء منين اجيبه اني اكعد
وادعوا او اكو ناس؟ اهل للدعا۽ الله خلاهه
يسويلنه دعاء حته اجي ادعو ـ انه
طريق اهل البيت عليهم السلام
هاي الادعية نخليه قنوات بينه وبين الله
يقول الامام زين العابدين في مناجاة الشاكرين
إلهِي أَذْهَلَنِي عَنْ إقامَةِ شُكْرِكَ تَتابُعُ طَوْلِكَ، وَأَعْجَزَنِي عَنْ إحْصآءِ ثَنآئِكَ فَيْضُ فَضْلِكَ، وَشَغَلَنِي عَنْ ذِكْرِ مَحامِدِكَ تَرادُفُ عَوآئِدِكَ
وفي دعاء اخر
وباسمك المكنون الطاهر
الذي اذا دعيت به اجبت “ يعني
ثق بالله هاي الكلمات اذا اسشتعرته وحسيت بيه وعشته
يعني احجيه من كل گلبك ' راح تخرق كل الحجب ـ حجب الذنوب والخطايا...
📍بالنتيجة الله عزوجل ليش نزل هاي الاشياء من خزائنه
هاي الادعية جانت موجودة في خزائنه
ليش نزل هل مستحبات هل التسبيح
نزله لفائدتنه ـ
🔖ينقل سيد حسن القزويني كان ساكن بولاية مشكن فيكول اني كاعد بالمكتب بالمركز الإسلامي واذا بامرأة امريكية وقفت عل الباب لابسه حجاب استاذنت
اذنت اله فدخلت واذا بيه تعلن اسلامها
يكول اتعجبت امراة وعايشة بامريكا وما متعرفه عله احد مسلم شنو السبب لابد اكو سبب
كالتله كلام امير المؤمنين دعاء الصباح فانفجرت بالبكاء وهي تقرا
اللهي قرعت باب رحمتك بيد رجائي وهربت اليك لاجئا من فرط اهوائي
نعم
فمن يرد الله ان يهديه يشرح صدره للاسلام .
🔖الرسول يقول اغتنموا الدعاء عند الرقة فانها رحمة ،خاصة اذا كانت هاي الدمعة ورقة القلب وانت تحت قبة الامام ادعوا لصلاح نفسك لاصلاح ابنك
كون الله يرزقك العاقبة الحسنة
مو تبقه مجلب بس بامور الدنيا لا
لان المائدة واسعة والله كريم ويطي من غير حساب
ادعوا لامام زمانك يعجل الله ضهوره
#خل ارويلج هل الرواية
ينقل احد العلماء الكبار يكول كان في مدينة مشهد بإيران رجل عالم
ولي من اولياء الله المقربين فيكول يوم من الايام مرض هذا العالم
راجع عدة اطباء ما نفعه كل علاج بقه بالمستشفى
متاذي وحالته الصحية تعبانة
طبعا هذا المستشفى بيه نافذة اطل عله قبة الامام الرضا
يكول باوع للقبة تأمل...واذا بيه يتوجه للامام بكل نية صادقة وكلب صافي
ودعه بدعاء مخلص لله وهو يباوع للقبة
كاله مولاي كنت اني اول الداخلين عليك
مدة أربعين سنة في الواقع هذا العالم كان كل يوم بوقت الفجر يروح للحرم الرضوي ويفرش سجادته كدام باب الحرم وهو مسدود ما يهمه صيف حارة شته باردة تمطر يوكف ويصلي الى ان تفتح الباب
كاله سيدي اني مريض عليل ومتوجهلك مولاي اريدك تكون شفيع لله
ان يشافيني
فيكول العالم واني بهل الحالة حسيت بنفسي كاعد ابستان والامام الرضا عله سرير كاعد يمي فاخذ الامام باقة من الورود وسلمه بيدي
وره لحضات ما لكيت اي شي
وباذن الله والامام الرضا اتشافيت
والاعجب من هذا كله ايد هذا العالم باذن الله صار بس يمسح بيه مريض يشفه
فالمفروض الانسان دائما يلجأ إلى الله
لان هو المشافي والمعافي ويدعوه بالسرا۽ والضرا۽
#يذكر ان الامام الحسين (عليه السلام) عندما أشتد به الحال اخذ يدعوا الله ويقول
ادعوك محتاجا وارغب اليك فقيرا وافزع اليك خائفا وابكي مكروبا ....
الحسين يبكي واماما واسيداه ...وماذا عن حال مولاتنا زينب عندما رات اخيها
وهو بهذه الحالة يكفكف دموعه.
*انتــــﮫــۍ*
تمت بقلم خادمة العترة .
*خطيبة المنبر*
* ام فاطمة الشويلي *
لا اجيز حذف الاسم .
https://www.tgoop.com/fatame00
BY محاضرات بلاغية
Share with your friend now:
tgoop.com/fatame00/7743