tgoop.com/futuredoctorbacalorea/5640
Last Update:
💙 الحل ١
مسا النور 🌸
اول مؤشر لنجاحك هو هاد يلي عم تحكي عنو وعطيتي اسم التنمر بينما هو مابيحتاج منك كل هالاهتمام
بتحطي ببالك أنو اي طالب وصل لمجموع عالي مر بهي المرحلة واذا صح التعبير هو ما مر بالمرحلة بس هو عايش فيها طوااال السنة وللأسف احيانا الامر يتعدى الزملاء ليوصل لناس مقربين منك
بستنو منك اي خطأ امام المدرس اثناء المشاركة لتبدأ مهمتهم بالتعليقات والابتسامات الساخرة هي اذا اخطأتي
اما اذا صح الجواب كمان مابتخلصي بيصيرو يعلكو على أنو بنعرف أنك شاطرة وأنك دارسة
وانتي ساعيتها بتبطلي تدرسي وتملي وهدول الفاشلين بيكونو وصلوا لهدفهن
لهيك كنصيحة ......
لاتردي على اي مخلوق بالعكس كل تعليق كل كلمة اتقبليها وكأنو مو سمعانة شي ابدا بالعكس تابعي وكأن شيئا لم يكن
وحاولي ابدا ماتظهري ضعف قدامن
لأن بس لاحظوا هيك شي بيكملو علاك
سبق وقلتلك هاد مؤشر نجاح الك
اصلا تأكدي ماحدا وصل للقمة وهو ملتفت لكلام حدا
في مقولة طريفة أنو (الحشرات مابتهاجم غير المصابيح المضيئة )
طبعا في وحدة ارقى منها 😂
(الناس لاتهاجم إلا الشجرة المثمرة )
في عندك حلم عم يستناكي ...
واهل ناطرين يفرحو بنجاحك ....
ومعلمين يرفعو راسهن فيكي ...
واحباب يشاركوك الفرحة ....
مومعقول تضحي بكل هالفرحة مشان كم شخصية فاشلة ... مجبورة تكوني موجودة معهن لفترة معينة صدقيني لتنسي كل هي الاحداث بس تطلع النتيجة وتكوني وصلتي للمعدل البدك ياه ان شاء الله لهيك احكي شو مابدك بالدرس وبهالطريقة تكوني عم تستفيدي وهن الحسد آكل قلبهن
تابعي هي فترة وبتعدي وتصيري إن شاء الله مع طلاب من تفكيرك وشطارتك
احسن ماتفشلي حالك وتعلقي بشي فرع مع ناس من امثالهن 🤦🏻♂
بنتمنالك كل التوفيق يارب... 🌸
وبدنا نسمع اخبار طيبة تبشرينا فيها عن وضعك و تفوقك ان شاء الله
؛مرينا كلنا بهيك ظروف اللي اخد بكلامهن العوض بسلامتو
ويلي مارد وصل لمستوى راقي ومميز
#Ahmad_suliman
@futuredoctorbacalorea
BY مدونة حل المشاكل الدراسية لفريقنا ❤😇
Share with your friend now:
tgoop.com/futuredoctorbacalorea/5640