tgoop.com/futuredoctorbacalorea/5641
Last Update:
💜 الحل ٢
تذكري شغلة دائما الناس مابتحب تشوف حدا احسن منها
انتي بنت مميزة وشاطرة والدليل انك واثقة من كل كلمة عم تحكيها ومبين عندك اصرار وعزيمة
ليش لتفقدي هالشي مشان شوي كلام مالو طعمة
صدقيني هلق عم يتنمرو بس بكرة وقت تتفوقي عليهن رح تشوفين كلن بلشو يحكو معك وبدو صحبتك واساتذتك الي ماعم تهتم لامرك بكرة رح تتفاجى فيكي وبشطارتك ويندمو لان اهملو بنت متلك
خلي عزيمتك مزروعة جواتك وخلي التفوق والنور عطول جوا قلبك لا تخلي كلام الناس ياثر عليكي ويطفي هالنور جواتك انتي اقوى من هيك واقوى من انو تسمعي هيك كلام
صديقتي لا تفقدي ثقتك بحالك تاكدي متل ما هدول الناس ماعم يهتمو لامرك وعم يتنمرو في ناس كمان بتحبك وبدا ياكي عطول تكوني بالقمة
وانا واثقة انو في جواتك قوة كبيرة ورح تقدري توصلي بس طنشي حكي العالم والتنمر الي مابيخلص
وبعرف قصص كتير متل قصتك عن ناس تنمرت على أشخاص وهالاشخاص طلعو من اعلى المراتب وصارو الن مرتبة كتير كبيرة وكسرو عين كل حدا تنمر وحكا عليهن
فريقنا كلو موجود جنبك وليدعمك بأي وقت بتحبي تحكي شي او بيلزمك شي ابعتي عالبوت ورح نكون معك
كل التوفيق الك💜🌸
#Narjes_Taher
@futuredoctorbacalorea
BY مدونة حل المشاكل الدراسية لفريقنا ❤😇
Share with your friend now:
tgoop.com/futuredoctorbacalorea/5641