ሰበር ዜና ‼️
አስደጋንጭ ዜና አሁን ከ30ደቂቃ በፊት ስለ ኮረና ቫይረስ በተሰጠው መረጃ መሰረት 400
ሰወችን......seemore

ሰበር ዜና / ሰለ ትምህርት
ሰበር ዜና አሁን በደረሰን ለማ መገርሳ ጠቅላይ ሚኒስትር ዐብይ አህመድን እንዲ ሲሉ አስጠነቀቁ......Read More

የ2012 ዓ/ም የትምህርት ዘመንን ሙሉ ለሙሉ ......see more

በመግለጫውም መሰረት ሁሉም የክፍል ደረጃዎች ባሉበት ቀጣይ አመት (2013) ደግ...see more

ሙሉ መግለጫውን ለማየት ከታች OPEN የሚለውን ይጫኑ።

ከ______________ጋር
(በላይ በቀለ ወያ)
.
.
ባልንጀራዬ ሆይ…..
ከሰርግህ ቀን በፊት ፤
ቀድመህ ከሰጠኸኝ ፤የጥሪ ወረቀት፤
‹‹ከ----------ጋራ ይምጡ››
የሚል ክፈት ቦታ፤ ዳሽ ሙላ አለበት፤
ከማን ጋራ ልምጣ?
ይሔን ክፍት ቦታ; ምን ብዬ ልሙላበት?
፡፡፡፡፡፡፡፡፡፡፡፡፡፡፡፡፡
በእርግጥ ይህን ቦታ….
‹‹ከባለቤቶ ጋር›› ብሎ የሚሞላ፤
የደጋሽን ሰብል ….
ተጠራርቶ ሄዶ፤ ጠራርጎ ሚበላ፤
ሀይ የሚለው ያጣ ፤የሰርገኛ መንጋ፤
በየ ሰርጉ አይጠፋም….
ሙሽራው ሲጨነቅ ፣
ተሰብስቦ ሚያደምቅ፤ እያለ ሃይሎጋ፤
ሃይሎጋ፤
ሃይሎጋ፤
ሃይሎጋ፤
ሃይሎጋ፤
እኔ እንዲያ አይደለሁም….
ሰርግህ ምን ጎደለው ልምጣልህ ከማን ጋ?
።።።።።።።።።።።።።
ባልንጀራዬ ሆይ….
ድንገት የሰርግህ ቀን; የወይን ጠጅ አልቆ፤
ሰርግህ ላይ ስታዝን; መንፈስህ ተጨንቆ;
ድንገት እንደው ድንገት…
ጌታ ከናቱ ጋር ; ሰርግህ ላይ ተገኝቶ;
ውሃን ወይን ሊያረግ፤; ስትጨነቅ አይቶ፤
ልክ ጊዜው ሲደርስ ….
‹‹ጋኑን ውሃ ሙሉት›› ብሎ ያዘዘ እንደው፤
‹‹ውሃ ጠፍቷል›› ቢባል፤ እንደተለመደው፤
ይሄን ክፍት ቦታ፤ ከባለቤቶ ጋር፤ በማለት ሞልቼ፤
ምን እጠቅምሃለሁ ...
ውሃ ላትሆንልህ; ከባለቤቴ ጋር; ሰርግህ ላይ መጥቼ?
እናም ወዳጄ ሆይ……
ሀይ የሚለው ያጣ ፤የሰርገኛ መንጋ፤
በየ ሰርጉ አይጠፋም….
ሙሽራው ሲጨነቅ ፤ተሰብስቦ ሚያደምቅ፤ እያለ ሃይሎጋ፤
ሃይሎጋ፤
ሃይሎጋ፤
ሃይሎጋ፤
ሃይሎጋ፤
እኔ እንዲያ አይደለሁም..
ሰርግህ ምን ጎደለው ልምጣልህ ከማን ጋ?
ከውሃ ጋር ልምጣ?
ከመብራት ጋር ልምጣ?
ከጠጅ ጋር ልምጣ ?
፡
፡
፡
እንደውም አልመጣም፡
ከመቅረቴ ይልቅ
ይህን ዳሽ መሙላት ነው ፣የሚከብደው በጣም፡፡
፡፡፡፡፡፡፡፡፡፡፡፡፡፡፡

@getamiyan
@getamiyan

ሟች እና ቀባሪ
(ፍፄ ሎሬት )

ከሩቅ ይሰማኛል የመንደር ጡረምባ
ቀጠሮ እያስያዘ ሰፈሩን ሊያስነባ
ጡሩምባ ለፋፊ ያ ሙጢ ምለሱ ካፎቱ
እንደወጣ
ዳናዉ ይሰማኛል ወደ እኔ ሲመጣ
አወይ... አንት ፈጣሪ
አወይ... አንት ጠሪ
አንዱ ጊዜው ከድቶት ወዳንተ ሲጠራ
አንድ ጡሩምባ ነፊ ይበላል እንጀራ
አሁንም ተሰማኝ ያ ጡሩምባ ነፊ
የሞት ዜና አዋጅ የህልፈት ለፋፊ
ሞተ አዎ ሞተ ያ ልጅ እንዲያ እንደዋተተ
ለሰዉ በሽተኛ ለራሱ ጤነኛ እንደሆነ ሞተ
የቱ...ያ ወፈፌዉ ያ ጅላጅል እብዱ
አትበሉ ባካችሁ ነገር ሳትረዱ
ካፎቱ እንደወጣ የሰላ ጎራዴ
ሊያንቅ እንደሚዳዳዉ የአንገት ግማዴ
ምላሳችሁ ሰልቶ ልቡን እንዳደማ
ጡረምባ ለፋፊ መሞቱን ሲያሰማ
እብድ ነዉ ብላችሁ ሳያብድ እንዳበደ
በሞቱ ለማፌዝ አፋችሁ ወደደ
ቢሆንማ ኖሮ....
የቃላት ጦር ሰብቆ ለገደለ ገዳይ
ሸንጎ ባይኖር እንጂ ፍርድ ችሎት አስቻይ
የምን ፍታብሄር ወንጀለኛ መቅጫ
ህገ-ኦሪት ነበር በደልን መወጫ።


@getamiyan

ሲጀምር。。。
በጥዑም ሙዚቃ
በንጋት ቅዳሴ - በሌት ማህሌት ቅኔ
ቃል አሰማምሬ
ፍቅርሽን ላጋንን - አልነሳም እኔ።
ሲቀጥል。。。
ድንገት ተነስቼ
ፍቅርሽን ብዘፍን - ብዘምርልሽም
ከልብ ካልሆነ
አጉል መኃልየ - አንቺ አይመችሽም።
ሲሰልስ。。。
አንድ እውነት ልንገርሽ
ለውበት ተንሳፎ - በስሜቱ ሰክሮ
ብዙ ብዙ ሆኖ - ባንድ ልቡ አፍቅሮ
ዝቅ የሚል ለሴቱ - ብዙ ነው ዘማሪ
ባፈቀረ ልቡ
መዘመሩን ግና - ጊዜ ነው መስካሪ።
。
ስለዚህ አንቺ ልጅ 。。。
ስላንቺ አልዘምርም
ለፍቅርሽ አልዘፍንም
ማማርሽን አልጮህም
ፍቅርን መናገሪያ - የሚኖረን ፊደል
”አብረን ስናረጅ ነው“ - አንቺው ትይኝ አይደል？

***
ዓለሙ አደፋ

@getamiyan
@getamiyan
@getamiyan

፨፨፨፨፨፨፨፨ ፨፨፨፨፨፨፨፨
፨፨፨፨፨፨፨፨ #ሀሎ ፨፨፨፨፨፨፨፨
፨፨፨፨፨፨፨፨ ፨፨፨፨፨፨፨፨
፨፨፨
፨፨.......
#_06_10_2012
፨
እድሜ ለ ግራም-ቤል
ሀሎ ብሎ ማውጋት ...ለሰው ላስለመደ ፣
ሰላቢ ፈጠራው
ድምፅ ጭኖ ያልፋል.....እየሸመደደ ።

ካፍ የሚወጣው ቃል ..አንዱም ሳይዛነፍ ፣
ቅላፄ ልሳኑ...ዜማ ምቱ ሳይነጥፍ ፣
መልዕክተ ዲስኩሩም
በመማሰን ደክሞ ..ሆሄ ፣ ቃሉ ሳይረግፍ ፣
እንደ ተቀበለው...ቆጥሮ ያሻግራል ፣
ቀፎ ተለጉሞ
ከባህር ባሻገር ፥ ሰው ሰውን ያወራል ።

በዘመን ዘምኖ ...
አሁን አሁን ደሞ
ራሱ በራሱ ፥ ግራ እስኪጋባ ፣
ከሀሎ ተሻግሮ...
ብዙ መዘውሩ ...ባንድነት ሲገባ ፣
እንደአዳም መሻት...
መተግበሪያው በዝቶ ፥ ክውኑ ሲጋባ ፣
የሰው መወዳጃው....
ሆኖ ቢተለምም ፥ እርምጃው ላጠረ ፣
ሀሎ ብሎ ማሰሰ...
ያሳብ ግንብ ፈጥሮ ፥ ስጋን እያጠረ ፣
የሩቅ መነፀሩ ፥
የቤተሰብ ልምዱን ፥
ተካቦ ማውጋቱን እንዳቀነጨረ ፣
አላየም ....ፈልሳሚው
አዚም እንደሆነን....የሱ የጅ ቀፎ ፣
በስልክ የተጣደ
ከባእድ ያውካካል ....ከዘመድ ተኳርፎ ።
ሳምንቱን በሙሉ
ሰባቱንም ቀናት...ለሊቱን ጨምሮ ፣
ወሬ ይቃርማል
ስሜተ ህዋሱን ...በመሳ ቀስሮ ።

ለምን....?ብሎ ላለም......
በስመ ስልጠና ፥ ሽንገላ ይበጃል ፣
እንቢኝ ላለውም...
ያረጀ ያፈጀ
ወግ አጥባቂ ይሉት ፥ ሾርኒ ይቀዳጃል ፣
በብቻነቱ ዲን ፥ ብቻውን ይፈጃል ።
( #ይህን_ማን_ይወዳል ??? )

ማለፊያ... ነው ... ትልሙ ፣
ማዘኛም ... ነው ... አቅሙ ፣
በክፉ ቀን ሳይቀር ፥ የሰው ልጅ ድኩሙ ፣
ቤቱ ቢዘጋ እንኳ...
ከስልኩ ተተክሎ ...ግዜ አጣ ለደሙ ።

በይነ መረቡ ላይ ፥ ብዙ በመባተል ፣
ያሻውን ጎንጉኖ ፥
ያሻውን በመፍተል ፣
እንዲመቸው አርጎ...
ያሻውን አውርዶ ፥
ያሻውን ይሰቅላል ፣
ሲቀባበል ውሎ ፥ ሲቀባበል ያድራል ።
በዚህ ቀነ ቅኝት....
" #ኦን_ላየን " ያየውን ፥ ሁሉንም ዘይሮ ፣
አዲስ እያወቀ ፥ አሮጌን አባሮ ፣
ለዋል ፈሰስ ሁሉ...
በሚባክን ግዜ ፥
ብዙ ደባል ይዞ....ቧልቱ ይጠረቃል ፣
ይህኔ ሺ ለምዶ....ከየሺው ይርቃል ።

#ይ_ር_ቃ_ል_!!!

#ይ
#ር
#ቃ
#ል_!!!

#አብርሀም_ተክሉ ( #መርዕድ)

@Abrham_teklu
@Abrham_teklu
@getamiyan
@getamiyan

መለየት

የለም ! የለም !
መለየት ሞት አይደለም
ሞትም መለየት አያክለው
መለየትም ሞትን አይመስለው
ትርጓሜያቸው ለየቅል ነው
አንቺም እኔም ጅረት ኾነን
ከራሳችን ምንጭ ፈልቀን
በራሳችን ፈለግ ፈስሰን
አገር ምድሩን አድርሰን
ሄደን ! ሄደን ! ሄደን ! ሄደን
ወርደን ! ወርደን ! ወርደን ! ወርደን !
ሞት በሚሉት ውቅያኖስ
አንድ ስንኾን ተዋሕደን
ተገናኘን 'ንጂ መች ጨርሰን ተለያየን
የለም ! የለም !
መራቅ መለየት አይደለም
ሰው በሰዎች ግዞት
ችግር መከራ ይዞት
አገር ቀዬውን ጥሎ
ስልቻውን በጫንቃው አዝሎ
ቅሉን ጨርቁን አንጠልጥሎ
ብቻውን ሄደ ብለው ሰፈርተኛው ተጃጅሎ
እርሱ በልቡ ሕንፃ በማይዘመው በማይፈርሰው
ከተጓዘ አኑሮ ሰው
አሁን ይኼ መለየት ነው ?
የለም የለም !
መለየት ይህ አይደለም
ትርጓሜያቸው እንቀይረው
ላ 'ንቺና ለ'ኔ ሌላ ነው
ከፊቴ ቁጭ ብለሽ
ከፊትሽ ቁጭ ብዬ
ክንድሽን ከአንገቴ ጥለሽ
ክንዴን ከአንገቴ ጥዬ
የምታወሪው ሳይገባኝ
የማወራሽ ሳይገባሽ
ለይስሙላ ጥርስሺ ሲሥቅ
ቻው ቻው ሲለኝ ቀልብሽ
ደህና ኹኚ ሲልሽ ዐይኔ
መለየት ይህ ነው ለ'ኔ፡፡

✍️✍️በእውቀቱ ስዩም


@getamiyan
@getamiyan

Watch "የመንገድ ዳር ጥሩንባ - አብርሃም ተክሉ- - ጦቢያ ግጥምን በጃዝ #106-13" on YouTube
https://youtu.be/L3ifEpFES7s

ደመ -ነፍስ
....... ©ሲራክ
የነገ ህልሙ ዛሬ ቀድማ በቅፅበታት ስትዘከር
ሰውነቱ አይጥ ሁና በድመቶች ስትባረር
የአዝማናት አይነ ውሃ በአዘኔታ እምባ ሲያቀር
ክፉ ህልም ናት ይህቺ ነገር
ብሂም ሆነው ለታወሩ
በተዘጋች ሀገር ሲያንኳኩ ለኖሩ
.......................////......................
ሲራክ @siraaq

@Getamiyan
@getamiyan

ተይው እንተወው !

( ደበበ ሰይፉ )

..

ተይው እንተወው..

የዘመን ቃፊሩን ማለፍ አልቻልንና ፤

ይህ ዓለም ጥበቱ አልመጠነንና ፤

ተይው እንተወው..

ውጥኑ ግብ ይሁን ጅማሬው ፍፃሜ ፤

ቅፅበቷ ሙሉ ዕድሜሽ ወቅቷ ዘላለሜ !

@Getamiyan
@getamiyan

.
እውነቱን መናገር
(ናትናኤል ጌቱ)
…
ልቀርብሽ ስሞክር
የዙሪያሽን አጥር ፥ እንደ ሰፌድ ሰፍተሽ
ከጥምቀተ ባህር
የሎሚ ደብዳቤ ፥ ስልክብሽ ኮርተሽ
ገፍተሺኝ እንዳልሄድሽ
ከእኔ መከለያ ፥ ሸምተሽ ነጠላ
እንደገና መተሽ
ትዳር እና ልጆች ፥ ካፈራሁ በኋላ
“ተግደረደርኩ እንጂ ፥ ያኔ እወድህ ነበር
እዉነቱን ተናግሮ ፥ ከመሸበት ማደር”
ለምን ትይኛለሽ ?
ከኔና ሚስቴ ጎን ፥ ማደር ትመኛለሽ ? ? ?
.
.
ከወሬ ሰማይ ላይ
ከሃሜት ጭጋግ ጋር ፥ መልኩን እያስማማ
ውሸት አልነበረ
እኛን የጋረደን ፥ ትልቁ ጨለማ ?
እውነቱን ተናግሮ
ከመሸበት ማደር ፥ ለምን ያስፈልጋል ?
እውነት ካወሩኮ
አንዳች ጸሃይ በርቶ ፥ ጨለማው ይነጋል !!!

@getamiyan
@getamiyan
@getamiyan

*ይቅር በዪኝ*
የኔታ ፍቄ(ግጥም እና ፍቅር)
፡
ደስታዬን ስፈልግ ደስታሽን መንጠቄን፣
የኔን ብቻ እያልኩኝ አንቺን ማሳዘኔን፣
፡
ሳይገባኝ ዝምታሽ ቃልሽን ስጠብቅ፣
ሳላስበው ሄደ ልብሽ ከኔ ሊርቅ፣
፡
ይቅርታ ፍቅሬ ሆይ ማሪኝ እልሻለሁ፣
ሳቄን ስፈልገው እንባ ሆኜሻለሁ፣
ቁጣሽን ስጠብቅ ብዙ አድምቼሻለሁ፣
፡
ያለፈውን ጊዜ ባይቀይር ይቅርታ፣
ፍቅርን ያሳምራል ውዴ ወደ ማታ፣
፡
አንድ ቃል ተንፍሺ ዝምታሽ አይቅጣኝ፣
ገብቶኛል ጥፋቴ ባክሽ ይቅር በዪኝ፡፡
፡
የተመቸው 🙏

@getamiyan
@getamiyan
@getamiyan

🍀🌹🍀🥀🍀🌺🍀🍇🍀🍇🍀🍇

💖💖💖... #ሀሎ .....📱📲

🍀🌹🍀🥀🍀🌺🍀🍇🍀🍇🍀🍇

@Abrham_teklu
@getamiyan
@getamiyan
@getamiyan

#የምድር_ዘላለም
ገጣሚ ዲበኩሉ ጌታ
አንባቢ ሲራክ @siraaq

@Getamiyan
@getamiyan

[ሔለን ወንድሙ]

✍@Helen_wd
የጊዜ የዘመን ጣር
የአለም ስቃይ ሽብር
የምድሯ እንባ ዥረት ለቅሶ ላይመልሰው
ያልታሰበ እዳ አምሳሉን ጨረሰው
፡፡፡

.............. የመልሱ መባቻ
አንድነትን ትቶ መሆን ነው ለብቻ

ሞት መቁጠሪያ ሆኖ አሀዝ እስኪታጣ
እንደ ቅጠል ረግፎ መኖር ሲሆን እጣ
ዘመን ደም አልቅሶ....
የአካሉን ፈሳሽ በእንባ ቢጨርሰው
ይህን ቀን ይን ጊዜ ደርሶ ላይመልሰው
ከንፈር ብቻ መምጠጥ ምን ያረጋል ለሰው
ተቃቅፎ በማልቀስ ከአፈር ላይመልሰው

ብቻ.....
መሆን ነው ለብቻ
ጊዜ ጊዜን ሽሮ እስኪያልቅ ፍራቻ
😷😷😷

✍✍@Helen_wd

@Getamiyan
@getamiyan

🙏🙏🙏
....... አጣብቂኝ
.............................🙏🙏🙏

@Abrham_teklu
@getamiyan
@getamiyan

በላይ በቀለ ወያ

እኔን ብትመርጡኝ ፣ ለሚመጣው ምርጫ
አፄ ሚኒሊክን ፣ ገድዬ በሜንጫ
አወርደዋለሁኝ ፣ ከፍ አርጎ እንዳስከፋን
ከመቶ አመት ቀላይ ፣ ከኖረበት ዙፋን😂😂
።።።
እኔን ብትመርጡኝ ፣ ለሚመጣው ምርጫ
ለጠጪዎች ውስኪ ፣ ለቃሚዎች በርጫ
ለእግርኳስ ክለቦች ፣ ለእያንዳንዱ ዋንጫ
ለፈረሶች ፍጥነት ፣ ለአህዮች እርግጫ
በነፃ አድላለሁ።
።።።
በሚመጣው ምርጫ ፣ እኔን ብትመርጡኝ
ድምፃዊ ሳትሆኑ ፣ ድምፅ ብትሰጡኝ
አንድ ዜማ ሰሪ ፣ አንድ ጊልዶ ካሳ😂
አንዲት ውብ ኮረዳ ፣ አንድ ውብ ጎረምሳ😂
አንድ ካሜራ ማን ፣
አንድ የባህል ቡድን ፣ ክሊፕ የሚሰሩ
ወይም ዘመናዊ ፣ ዳንስ የሚጨፍሩ
አስቀምጣለሁኝ ፣ በየ አንድ ሜትሩ😂
(ግጥሙን ለኔ ተውት😂)
።።።
ለሚመጣው ምርጫ ፣ እኔን ብትመርጡ
በዘር በሀይማኖት ፣ ምትቦጣቦጡ
ሰላም ያልገባችሁ ፣ ለፀብ የምትሮጡ
ከኪሴ መድቤ ፣ ከፍተኛ ባጀት
ጠብመንጃ ገጀራ ፣ ታንክና የጦር ጀት
ከሆነ ቦታ ጋር ፣ ለጦር ሜዳ ምቹ
በነፃ አድላለሁ ፣ እንዲዋጣላቹ😂!
።።።
ለሚመጣው ምርጫ ፣ ብትመርጡኝ እኔን
በምስራቅ ፣ በደቡብ ፣ በምእራብ ፣ በሰሜን
ላሉ ህዝቦች ሁሉ ፣ አንዳች ሳላዳላ
ቀስት የፈላ ውሃ ፣ ክላሽና ዱላ
ለተጠቃሚዎች ፣ በነፃ አድላለሁ
ለእያንዳንዱ ቤት ፣
ቤት ቁጥር አንስቼ ፣ ክልል እሰጣለሁ😂
።።።።
ለሚመጣው ምርጫ
እኔን ብትመርጡኝ ፣ ሔዋኔና አዳሜ
አልጋ ቤት በነፃ
አድላችኃለሁ ፣ ቅዳሜ ቅዳሜ😂
።።።
ለሚመጣው ምርጫ ፣ እኔን ብትመርጡ
ላመት ባል ላመትባል
ነጭ የጤፍ እንጀራ ፣ ጥብሱ ዶሮ ወጡ
ጥሬ ስጋ ቁርጡ
ጠላው እና ጠጁም
በቴሌቭዥን መስኮት ፣ አይታችሁ አትጎመጁም
ሁሉንም በቤታችሁ ታገኙታላቹ
ምርጫ በሌለበት
ምርጫችሁ እኔ ነኝ ፣ ምረጡኝ ባካቹ😂
።።።
ሁሉ እንደ ፈቀደው
ሁሉ እንደወደደው
ሚኖርባት ሀገር
መኖር ብትፈልጉ ፣ ምረጡኝ በሞቴ
አፄ ሚኒሊክ ነው ፣ ምርጫ ምልክቴ😂



@Getamiyan
@geyamiyan

አትፅናኝ
።።።።።።
ሞትን አንመልሰዉ፣ እናውቃለን አይሸሽ
ስንት ጥፍራም ኀዘን አይተናል መሰለሽ!
ስንት ጥፍራም ኀዘን፣ እንደማቀይር አምነን
ስንት ጥፍራም ኀዘን፣ እንደማይቀር አምነሽ፤
ዳሩ ታውቂዋለሽ።
፣
አቀጣጡ ክፋት፤
አመጣጡ ም‘ፃት፤
ግን ከሄደው ሁሉ፣ ከተመላለሰዉ
ምን ይባላል ይኼ፣ ባንቺ የደረሰዉ?!
ምን ይባላል ይኼ? አንቺስ ምን ልትባይ?
እኩይ ነዉ እታለም፣ ሽንገላ እንደ ሥራይ።
፣
በእድፋም ጥፍሩ፣ ቧጦሽ ጥፍራም ኀዘን
መፅናናት መመኘት፣ ምንድነዉ መማፀን?
ምንድን ነዉ ዕንባ አባሽ?
ምንድን ነዉ ማገገም?
ዕንባሽን ማድረቂያ፣ አልሰጥሽም ማ‘ረም።
እሪ በይ!
ቢል በይ!
ኩርምት በይ–ዋኔ!
ላንቺ መፅናናትን፣ አልመኝም እኔ።
ወይኔ በይ!
ወዮ በይ!
ተይ አልልም ጭራሽ፤
አለመፅናናት ነዉ፣ አንቺን የሚያፅናናሽ!
፣
የሚገርም አይነት ጽሑፍ፣ ለዛውም የግጥም ጽሑፍ ማንበብ እንዲህ ከፍ ያደርጋል ለካ!
፣
#መዘክር_ግርማ (ወደ መንገድ ሰዎች: 2010 ዓ·ም)

@getamiyan
@getamiyan
@getamiyan

ሕ ይ ወ ት
--------------
ምንድነው ሰበቡ፤
ለምንድነው አልኩኝ ለምን ምክንያት፣
ይህ ዓለም መኖሩ አዱኛ ሕይወት፣
ህፃን መወለዱ አርጅቶ ሊሞት።

ለምንድነው አልኩኝ:
ለምን ምክንያት፤
ማን ያውቃል እንዳለው ለቋጥኝስ ቋንቋ፣
ዛፍ ለሚቆረጥ ዛፍ እንዳይቆም ጠበቃ።
ማን ያውቃል፣

የመስቀል ወፍና የአደይ አበባ፣
ቀጠሮ እንዳላቸው መስከረም ሲጠባ፤
ማን ያውቃል፣
ማን ይፈትልለታል ልብሱን ለድንጋይ፤
ሰው ሳይዘራ ሳይተክል አያመርትምና፣
ሄዋን ሳትኖር አዳም ልጅ አይወልድምና።
ምክንያቱን ይሻል ለሚታየው ሁሉ፣
እንዲያው ለግብር ይውጣ ለወጉ ላመሉ።

ሠቅራጥስ አፍላጦን ሙሴና ዳዊት፣
ያለም ፈላስፋዎች ያለም ነቢያት።
የትናንቶቹና የትናንቱ በስቲያ፣
የዚያ የዚህ ወዲያ፣
ወዲያ ወዲያ ወዲያ።
ልቤ ተስፋን ቆርጧል እናንተን አይቼ፣
ግና ሁሉ ሲሞት ልብ ይሞታል መቼ።
ስህተት ነው መሰለኝ ሰበቡን መሻት፣
"ለምንድነው" ማለት "ለምን ምክንያት"፣
ለምንድነው አንበል "ለ"ን እንግደፋት።

ታዲያ ዓለም ምንድናት፣ ምንድናት ሕይወት፣
የሆነችው በዛ፣ ይህ ነች አንላት።
ራሴም፣ጥያቄዬም የሕይወት ደቂቃ፣
የሕይወት ኬክሮስ ነን አለቀ በቃ።
ከንቱ ነው ወዳጄ መተርጎም ማተት፣
"ይህ ቢሆን ይህ ሆነ" "ስለዚህ" ማለት።
መልሳችን ዝም ሊሆን፣ ላናውቀው አንልፋ፣
ከዝም ለበለጠው ራሳችን ይደፋ።
ግሩም ነው አንበል ከንቱ ነው አንበል፣
ድንቅ ነው አንበል አንበል ነው ቆንጆ፤
መፍርህ ነው አንበል መርዕድ መደንግፅ፤
ላንቃ እስኪሰነጠቅ፣ ምላስ እስኪነቃ፣
የሚባለው ሁሉ ቢደመር ላይበቃ።

ግሩም ነው አንበል፣
ድንቅ ነው አንበል።
አጥጋቢ አይደለም ያውም ዝም እንኳን፣
ጋን ሲታጣ ጊዜ ምንቸት ጋን ይሁን፣
እንዲያው እንደመም ቃል ፍሬ ላይሆን።
ካፋችን አይውጣ ሕይወት አትርከስ፣
አለዚያ አይቻልም የህሊና ክስ።
=============
📙 "የግጥም ጉባዔ"
✍ ከመንግሥቱ ለማ
1950 ዓ.ም.
----------------------------
@getamiyan
@getamiyan

. ተ ረ ት ተ ረ ት .
-----------------------------
ተረት ተረት
የላም በረት
አንድ ሰው ነበረ
በሀብቱ የከበረ
ውልደቱም እድገቱም የሆነ አሜሪካ
ባለው ነገር ሁሉ ጭራሽ የማይረካ
ሲሞላለት ሆዱ 'ሀምበርገሩን' በልቶ
'ጋዴሚት' ይለዋል አልጋው ላይ ተኝቶ።

ተረት ተረት ...
አንድ ሰው ነበረ
በጣም የተማረ
በቃኝን የማያውቅ የጣልያን ተወላጅ
ሁሌም ለአዲስ ነገር ጠዋት ማታ 'ሚባጅ
'ፒዛና ፓስታውን' ጥርግርግ አድርጎ
ይተኛል ጥሩ እንቅልፍ 'ባፋንኩሎ' ብሎ።

ተረት ተረት ...
አንድ ሰው ነበረ
ህልሙ የሰመረ
ጀርመን ነው ሀገሩ
'ምርጥ ዘር' ነው ዘሩ
'ቮግ ቮረስቱን' በልቶ ሞልቶለት አዱኛ
'ሻይሰ' ብሎ ነው ሁሌም የሚተኛ።
ተረት ተረት ...
አንድ ሰው ነበረ
የተመራመረ
ጃፓን ተወለደ
በሮቦት አደገ
ቀን ሲሰራ ውሎ
ሩዙን ቀቅሎ
'ሱሺ' ጠግቦ በልቶ
'ባጋይሮ' ብሎ ያነጋል ተኝቶ።

ተረት ተረት ...
አንድ ሰው ነበረ
አጥቶ የተቸገረ
ኢትዮጵያ ተወልዶ ኢትዮጵያ ያደገ ኩራት ነው 'ራቱ ዛሬም ሆነ ነገ
ቢጠግብም ባይጠግብም ቆሎውን ቆርጥሞ
'ተመስገን' ይለዋል መደብ ላይ ተጋድሞ።

ተረት ተረት ...
እግዜር ከመንበሩ ወደ ምድር ወርዶ
ይጎበኝ ነበረ በየቤቱ ሄዶ
ከእነኚያ ከአራቱ ቆዳቸው ከነጣ
ከየአንደበታቸው መልካም ነገር ቢያጣ
ጥቁሩ ሲያመሰግን የፈለገው ሞልቶ
ያጎደለባቸው አንድ የሆነ ነገር እንዳለ ገምቶ
ሊጨምርላቸው ነጮቹጋ ሄደ አበሻውን ትቶ።

ተረቴን መልሱ
አፌን በዳቦ አብሱ።
-------------------------------
✍ በሜሮን ጌትነት

@Getamiyan
@getamiyan

ኩርኩም
-----------
እልፍ ኩርኩሞችን
የቀመሱ ራሶች፣
ዳሳሽ እጆች እንጂ
አይሹም ትራሶች።
============
📙 "የወንድ ምጥ"
✍ ይስማዕከ ወርቁ

@Getamiyan
@getamiyan