tgoop.com/gfh4tfhu6jhg6gfd9ghj6f/1208
Last Update:
بسمه تعالى
1057_ السيدة فاطمة الزهراء ع.. جديد ٢٠٢٤
==============================
حيل يوجع من يجي الليل.. ليل ساكن رايد الحيل
بين ضلعي و بين دمعي
ماي دمعي اعلاج ضلعي
=============================
فاطمة بكسرة ضلعهه.. و منهه مسفوحة الدماء
تگعد بليل البواچي.. و عينهه ال ربّ السماء
تشكي شوغات الليالي.. و لوعة ترجمهه البكاء
چن ظعن شايل تعازي.. و ناعي يقره ال كربلاء
اظعون شالت نازف انحور
شلون حالي و ضلعي مكسور
و صوت ونتي ايزور سمعي... ١
=========+====================
رحلة اموادع شجية.. اتعاتب اعيون الرحيل
و هذا بسمار المصيبة.. و باب يا باب الثجيل
من وگع محسن رمية.. ادمومه من صارت تسيل
اتنادي يا فضّة ادركيني.. و نادي حمّاي الدخيل
طاح محسن فوگ التراب
روح ذابت و الگلب ذاب
عين گلبي بصوت تنعي.... ٢
=========================++++====
كونهه انشلّت يمينك.. يالهجَمت اعليهه كون
من (و إنْ) تبدي المصيبة.. و ينكسر گلبي الحَنون
ضاعت احلام التمَنّي.. و خابت بفكري الظنون
من مشه و سافَر نبينه.. و قصة تبدي من الشجون
الروح تشكي و ذابت الروح
اجروح شالت نزف الجروح
اهموم غربة ايصير وَضعي.... ٣
==============================
اتوجّرَت جمرة حقدهم.. و دخلت ال بيت الرسول
ما حشَم هاي المَكانة.. و لا حفَظ بنته البتول
امچتّف بذيچ الوصية.. و ما حمَل فحل الفحول
چا سحب بيهم فَقاره.. الحارَت بزوده العقول
شلون وصلوا دارك و ليش
سوط گنفذ و الغدر جيش
ابليس بيهم چان يسعي.... ٤
===============================
من كسِر باب الوديعة.. و كل گلب كسراته موت
من تون سكتة و تعاتب.. و العتاب ابلايه صوت
نار تلهب بيهه تسري.. و ناس عالظالم سكوت
ماتت و غضبَت عليهم.. و تندعي بوقت القنوت
طاح محسن و العمر راح
بيوم عاشر هَم طفل طاح
و عدهم اللي صار شَرعي.... ٥
===============================
سيد حيدر العوادي
بابل الشوملي
٢٠٢٤/١٠/١٠
BY الشاعر سيدحيدر العوادي
Share with your friend now:
tgoop.com/gfh4tfhu6jhg6gfd9ghj6f/1208