tgoop.com/h_ameer2/27363
Last Update:
#بحر_طويل
مولاي القاسم ابن الكاظم روحي فداهما
اجينه انبرد امصابك نعرفك محترك عالطف
عزه امن حسين جبنالك كوم اعله العزه اتعرف
___
ندور نظره من عطفك مادورنه اجر ومراد
اجيناك ابعزه ياما فتر ابصحن ابو السجاد
نندله اليعرف حسين بي من الخيام ارماد
جبناك بيارغ سود
ندري بكلبك الممرود
عالضل بالشمس ممدود
مو مثلك نعرف حسين انت بغربته اعرف
____
بس المشتغل سگاي يعرف لوعت العطشان
وبس العايش ابغربه يحن يوميه للخوان
غريب وريحت حسينك يبن موسى على البيبان
نذكرك بالبقه حاير
وحده ابغربت العاشر
تلجمك دوست الحافر
ثجيله امصيبت اجدادك لابد عالجرح نوكف
____
ما ناسي انت وانذكرك نعرفك عايش الوعه
واحدنه اعله ابوك حسين ياما صبت ادموعه
عميه اعيون ماتبجي اعله نحره ودوست اضلوعه
بخيل معصبه داسو
بحصيره للكبر نزلو
اول بشر ما وسدو
عاده الميت امن يموت يغسلو وبجفن ينلف
____
ردنه انبرد امصابك حجيناك على العاشر
اثاري العنده مثل حسين كل سا يذكر الحافر
گبل كل حيره ابو اليمه نشوفه گبالنه حاير
يذكره الضامي والفاكد
يذكره الما اله واحد
يذكره العالنهر گاعد
مصابه ما دناله امصاب وي كل جرح جرحه اكلف
____
بس اتمر عله العاشر قصه اتجرك القصه
اول بشر ما مرتاح مات وبالكلب غصه
خيال اعياله ماطالع استغلوها العده فرصه
وين الضامها حيدر
وين الضلها مايضهر
اعله زينب هدو العسكر
صاحت گام ليها وطاح حكه اعليها يتوسف
____
الماعنده ضعن مسبي بيش يكابل اضعونه
الخيل معصبه هدت وحل وكت اليدوسونه
عيونه ابصوب المخيم عليهن فاتح اعيونه
شاف اعله الخيم لمه
كلشي البي ما همه
الحوافر طشرت جسمه
ضلت روحه محتركه مثل حرك الخيم واضعف
____
الدمعه التجري لمصابه تحسها شكثر مملوحه
سلبو جسمه وخيامه وطلعت بالسحك روحه
حسين اول بشر ميت مامش عدد لجروحه
ألمجرح اجفون اهله
اسر اعياله مو سهله
كون الدمعه توصله
عذرن عالحجي مولاي انته بالكلب اعرف
بسام قابل الياسري
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
BY قصائد منبريه مكتوبه 📚
Share with your friend now:
tgoop.com/h_ameer2/27363