tgoop.com/h_ameer2/27418
Last Update:
مولاتي الزهراء. عليها السلام كربلائي
شكر وحمد.... وكلمه بقصد
المولاته يحچيها العبد
محتاج الچ واتريدين
مني دمع الزهره
+++++++++
كل يوم امد ايدي عليچ امن ابعيد
وبالمجلس اعليه تمدين الايد
اليسألني منك فاطمه شنهي اتريد؟
من تستمع. ..ونه ابجمع
اتمد چفها واتدور دمع
وينه اليساعدني اتگول ضامي ابني گطعو نحره
+++++++
يالزهـره وانتي الرايـده تهـدينه
اتلزمينه لاقرب مجلس اتودينه
المايبچي انتي اعله البچي اتعلمينه
والما بچت....عينه وسكت
اتهمسيله زينبنه انسبت
من تعثر بچفها احبال ضالم ابقوته ايجره
+++++++++
يانعمة الله ورحمته امسمـيها
ليحبها فاطم يشكر الله اعليها
يرضى الرضاها واليحب يرضيها
ايعيف الذنب...لجل اليحب
بدفترها خادم ينكتب
روحيه بانفاسه اتصير مولاتي من إتحضره
+++++++
يا ام ابوها يَـم حـنان الدافي
ما اطلب اكثر نظره منچ كافي
اخلص خدمتي ودمعي ينزل صافي
للمنسلب .. واعله الترب
عاري اعله وجهه منگلب
بلكي ومثل عينچ كون
دمعاتي تنزل حمره
++++++++
كلشي بديكم الله كلشي انطاكم
غير البچي ماعندي غايه اوياكم
لبس السواد وحب دموع اهواكم
للمنسطر.. والمنكسر
گلبه ورِكض فوگ الجمر
من الخيم چوية نار بگلبي وتفسره العبره
++++++++
اتگول انه احسبها الخدم اشرف ناس
منتظره منهم موقف الكله حساس
اويه المهدي يرفع بيده راية عباس
وداعت علي .. ثارت الي الي
امن الثاني قبل الاولي
للمهدي ادعوا بكل يوم الله يعجل امره
ثائر الربيعي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
BY قصائد منبريه مكتوبه 📚
Share with your friend now:
tgoop.com/h_ameer2/27418