tgoop.com/haaaaaaaa22222/390
Last Update:
ليلة مولاي مسلم بن عقيل ع
صعْدتِي اعله القصر
نزّلت روس الكبار .... گمت اشوفنهم زغار
گمت اشوف النصر
والسطح خاتم امير .... وانه شذرة ابلا نصير
==============
الهواشم..عمامي
اشوكت نازل أنه واصعد قصرهم
يشوفون… يخافون
بكامل طولي ماخذ كل گصرهم
انگلب فاس .. دمة الراس
والدم فايت ابغيض لشجرهم
الدنانير.. تره تصير
نمل تاكلهم وهمة ابگبرهم
سورة الفاتحة
دمي بسملةْ الدماء ... ألتطيح ابكربلاء
كربلاء مسبحة
وراسي اولهن يصير .. وانه شذرة بلا نصير
=============
للحسين ..والضعون
احساسي وگلبي بالحب وجهيته
ألحسين .. حبيبي
شمس وادخلّة يومية اعله بيته
ترة ماي ..فلا اريد
النهر يشرب بروحه انعرف نيته
بتواضع...حميتي
ابن مرجانة اسحگ نرجسيته
اصلي بالمفخرة
حيدرة عمي و ابوي ....واكتفي العباس اخوي
بيدي صاير تره
يبن مرجانة المصير .. وانه شذرة ابلا نصير
=============
يگولون .. بالعيون
شني اتحب الحسين وليش تربي
واصيحن .. يالحسين
ترة حبك امكبّر راس گلبي
بالمتون .. يغدرون
تعبك راح خوية وراح تعبي
يچذبون .. يكتبون
طلع حچيي الرسايل كلة چذبي
ماكو شارب يرف
غرهم الفلسْ الحديد.. زلم شاريهم يزيد
تيهوني العرف
يوسف وما عندي بير .. وانه شذرة ابلا نصير
==========
العدد صار ..بالانصار
بدخلتي الكوفة يمكن بالملايين
يلاگون.. يريدون
اصيرن قائد وچنهم مساكين
وره يوم… احسهم
وراي اوجوهم تنگط شياطين
ابصلاتي… اباوع
بگفاي اثنين شردوا حتى الاثنين
من هوان الزمن
غدروا الچانوا وراي .. حتى ما جابولي ماي
صاحوا اهل الوثن
طلَعَ اعلينا السفير .. وانه شذرة ابلا نصير
=============
بني ازياد .. يشركون
تره بعده هبل يمشي بذنبها
شفتهم .. بالعيون
كل مجموعه ملتهية بحزبها
يكسبون .. بالگلوب
يخوية الكوفة خانتنه ابكسبها
يالحسين .. اوصيك
طلّع منها طوعه وكلها ذبها
طوعه غيمة وفة
والزلم طلعت سراب .. زلم مافكتلي باب
وگفت ابمعرفة
وگفت الشيخ الچبير .. وانه شذرة ابلا نصير
==============
عله الضيف .. افه وحيف
اهل الكوفة نكروني اعله رشوه
يحبون .. يغدرون
اثلث ارباعهم ما بيها نخوه
يريدون .. يذبحون
إرجع لا تجي ابداعت الخوّه
يبو الدين .. بعد وين
تحصلّك مثل هاني ابنَ عروه
وي ابن عوسجة
راح اوديلك سلام… خلّي بالك عالخيام
ينذبح لو اجة
كلمة من واحد اسير .. وانه شذرة ابلا نصير
============
#علي هادي الخزعلي
BY الخادم علي هادي الخزعلي
Share with your friend now:
tgoop.com/haaaaaaaa22222/390