tgoop.com/haaaaaaaa22222/427
Last Update:
يبن امي عليك الناس ملتمّة
اريد اطلعلك امن الخيمة بس زحمة
ما خافت عليك اختك بسيف اتموت
اخافن طلعتي اتموتك يبو اليمة
اباوع من بعيد اشلون .. يذبحونك وادگ رجلي
طحت واسكينه شالتني .. يعمه اشلونچ تگلي
واگلها اشلوني ذاك احسين ..مذبوح ويأشرلي
اعله وجهك طايح وتالي
يخوية اتصلي حسبالي
اه يحسين يبن امي .. اه يحسين يبن امي
___
للتل فرفحت واركض ركض مچوي
اول مرة هاي احسين ما تضوي
لو تمطر عليك الدنيا هم عطشان
زمزم من نديرة اعليك ما يروي
للماخذ اخوته الماي .. ابحلگة الماي ما يگعد
اضلوعك ذني موش اعلوگ..ليش ايخلصن تفرهد
والتل ناصي وانت ابعيد.. وشوفي امركد اتركّد
اذا بس طايح اتأشر
اضيعن انه والخنصر
اه يحسين يبن امي .. اه يحسين يبن امي
__
گلبي ايشوف كلشي وانت ماشافك
تدنيت ولگيت الشمر ما عافك
صاير خضرمه من كثر ما مطعون
ولون السمة اندار وصار بشفافك
تطيح الخيل تركض بيك ..توگف ينطعن ظهرك
گوه اعليه اجيت اعليك.. اجيت امجازفه بخدرك
مايحمل تعب واشموس.. لا عمري ولا عمرك
استغلوا گلبك وطيبك
محد محترم شيبك
اه يحسين يبن امي .. اه يحسين يبن امي
____
من چنة گبل لو اطلع اتوضة
قلق تبقه عليه وعينك امغمضة
طلعت هسه بنت ابيوتكم يحسين
واسمي انگال ترضه اعليه ما ترضة
اسمه وطوله ينعرفون .. الميتله بشر گدك
گبل دمع المحنة ايطيح .. هسه الحافر بخدك
اكيّف من تجيني الخيل .. حته تروح من عندك
صحت عوفن اخوي ابساع
لا ادعي واشگ الگاع
اه يحسين يبن امي .. اه يحسين يبن امي
____
عمت عين الوكت خلاني ماشيلك
حايط ماكو بالهيمة ويتچيلك
فطرة وعالشمس حطيت اديه اهواي
وعلي بكل الطرق حاولت افييلك
تراب الكرة الارضية .. اجاني بخيل التسحگك
اذا انكت عباتي اعليك.. يطيح اتراب ويخنگك
وصل بيك الوجع يحسين..يلچمك حته اليشبگك
يحسين التجيه خنگة
لازم واحد ايشبگة
اه يحسين يبن امي .. اه يحسين يبن امي
____
علي هادي الخزعلي
BY الخادم علي هادي الخزعلي
Share with your friend now:
tgoop.com/haaaaaaaa22222/427