tgoop.com/hafhusini/1253
Last Update:
راح عباس يزينب راح عباس
دمه بالرّاس يزينب دمه بالرّاس
راح عباس .. راح عباس
…
امشي خايف روحي كاتلها القهر
شايل ايدي اعله الخصر مالي نظر
شفته بس من شفته دلالي انفطر
اااااه يا خويه صِحِت ظهري انكسر
شمتت اعداي يزينب شمتت اعداي
ضحكوا اهواي يزينب ضحكوا اهواي
راح عباس .. راح عباس
..
كافلچ مو كافلچ حاله اختلف
والقمر من طاح انشق ونخسف
مخه بين زنوده ودماغه نزف
والأشد جسم ابو فاضل ماله كف
ماله چفين يزينب ماله چفين
سهمه بالعين يزينب سهمه بالعين
راح عباس .. راح عباس
…
يكسر الخاطر يصد صوب الخيم
عين بالدم جمدت وعين بسهم
شفته راسه يحركه وحيلي انهدم
صاح يحسين اعتذر طاح العلم
من حملته يزينب من حملته
مـا عرفته يزينب مـا عرفته
راح عباس .. راح عباس
…
بالضمه اتلوى وچبده اتفطرت
من هوى اعله القاع روحه اتألمت
والسهام بصدره حيف تكسرت
قربة العباس يختي اطشرت
ولله وفّاي يزينب ولله وفّاي
ماشرب ماي يزينب ماشرب ماي
راح عباس .. راح عباس
..
من شفت چفينه حوله مطشره
نار صـــارت بالدليل موجره
شلته لكن مارضه باللي جره
قال باچر راسي يبقه اعله الثرى
ما إلي روح يزينب ما إلي روح
عفته مجروح يزينب عفته مجروح
راح عباس .. راح عباس
..
روحه راحت وآنه روحي ودّعت
روحي بالفرقه احس چنها اطلعت
السمه والقاع كلها اتغيّرت
والمنيه من وداعه اتقرّبت
مالي انصار يزينب مالي انصار
وحدي محتار يزينب وحدي محتار
راح عباس .. راح عباس
..
خادمة العبّاس
فاطمة حبيب
BY ديوان مصائب الأطهار
Share with your friend now:
tgoop.com/hafhusini/1253