tgoop.com/hazen92/19794
Last Update:
ليلة البارحه بين الصخب والزحام
لا طواها الزمان ولا تعديتها
اقبلت بالطواري وابتدت بالجهام
وارتمت كل ذكرى ما تخطيتها
روحي اللي تمادت فالعتب والملام
كنت اعدّ الثواني من تناهيتها !
شرّقت فالحنين وغرّبت فالهيام
في متاهات الاحلام وسباريتها
لا نفعها السكوت ولا نفعها الكلام
كل ماجيت اضمّد جرح .. عنّيتها
مثل طفله يتيمه شفتها فالظلام
جيت ابجتث وحشتها وبكّيتها !
وانت ياللي نثرت المسك قبل الختام
فيك جمع الظنون وفيك تشتيتها
معك عشت انتصار ومنك ذقت انهزام
وفيك صغت الحروف وعنكْ رديتها
كل طعنه بصدري مثل طعن الحسام
كنت خايف تسويها .. وسويتها
كل فرصة عذر مرّت مرور الكرام
كنت اظنك تغانمها وخليتها
من خسرت البدايه: ما خسرت المقام
من لمحت النهايه: ما تحاشيتها
لو تزيد المواجع كل ليله وعام
ما جرحت القلوب البيض وادميتها
يا سراب السعاده والرضا والسلام
يا نقيض السنين اللي تمنيتها
انت مثل الحياه الفانيه بالتمام
عارف اني بخليها وحبيتها
BY هاجريّ
Share with your friend now:
tgoop.com/hazen92/19794