СапÆ

0:54

Media is too big

VIEW IN TELEGRAM

🔻Адӕмы уырнынадмӕ гӕсгӕ, уыцы ӕхсӕв суӕрттӕм ӕмӕ цӕугӕдӕттӕм вӕййы алӕмӕты тыхы миниуджытӕ. Чырыстон дины кусджытӕ скувынц Хуыцаумӕ ӕмӕ доныл дзуӕрттӕ бафтауынц. Алчидӕр тырныдта уыцы сыгъдӕг донӕй йӕ хӕдзармӕ раскъӕфынмӕ. Бӕрӕгбон дӕр Доныскъӕфӕн уымӕн хуыйны. Ацы сыгъдӕг бӕрӕгбонмӕ бирӕ адӕм фенхъӕлмӕ кӕсынц.

▫️Чырыстон дин куыд амоны, афтӕмӕй тъӕнджы мӕйы 18-19 боны ӕхсӕвы ӕмӕ ӕгас бон дӕхи цыфӕнды уазал доны куы ныннайай, уӕддӕр нӕ фӕрынчын уыдзынӕ. Уый нӕ, фӕлӕ ма фенкъарынц цавӕрдӕр удӕнцой, зӕгъӕн кӕмӕн нӕй, ахӕм ӕнкъарӕнтӕ. 

▫️Уыд ахӕм фӕтк дӕр, ӕмӕ-иу Ног азы скодтой бирӕ алыхуызон басылтӕ ӕмӕ-иу сӕ Доныскъӕфӕн бонмӕ нывӕрдтой. Райсом раджы-иу ног чындз — хӕдзары ног чындз нӕй, уӕд та чызджытӕй кӕнӕ сылгоймӕгтӕй исчи — басылтӕ райста ӕмӕ донмӕ ацыд. Цас раздӕр ацыдаид, цас раздӕр ӕрбахастаид дон, уыйас хуыздӕр. Aдӕммӕ афтӕ каст: Доныскъӕфӕнты дон раздӕр чи ӕрбахӕсса, уыцы бинонтӕ амондджындӕр уыдзысты, уыдоны Хуыцауы хорзӕх уыдзӕн. 

▫️Донмӕ ӕрбацӕугӕйӕ-иу дондзау скуывта. Хуыцау ӕмӕ-иу зӕдтыл бинонты фӕдзӕхста, афтӕмӕй-иу, йемӕ цы басылтӕ ӕрбахаста, уыдоны сӕртӕ, цыхт, хор кӕнӕ задын тыппыронтӕ доны ӕппӕрста. Ома, кӕмдӕр цӕрынц доны чызджытӕ ӕмӕ сын барст фӕуӕнт, афӕдзы дӕргъы сын сӕ бинонтӕн ӕххуыс кӕнӕнт, хъуаг куыд ницӕмӕй ӕййафой. 

📄 Донмӕ цӕугӕйӕ ӕмӕ фӕстӕмӕ здӕхгӕйӕ дондзау ницы дзырдта. Ӕнӕдзургӕйӕ-иу донӕй хӕдзары пъол, къултӕ ӕмӕ къуымтӕ бапырх кодта. Стӕй бинойнӕгты хъал кодта ахӕм ныхӕстӕй: «Сыстут, ӕз уын мыды хуызӕн ӕмӕ сойджын дон ӕрбахастон». Уый фӕстӕ-иу бинонтӕн байуӕрста, цы басылтӕ ӕмӕ тыппыронтӕ йӕм баззад, уыдон. Уыцы донӕй-иу скодтой кувинӕгтӕ, бинойнӕгтӕ-иу дзы сӕхи дӕр цӕхсадтой. Уый фӕстӕ-иу ӕй истӕм ныккодтой, ӕфтыдтой йӕм ӕмӕ йӕ азы дӕргъы хардз кодтой.

⚫️ Дæхи «СапÆ»-йыл бафысс

Please open Telegram to view this post

VIEW IN TELEGRAM

www.tgoop.com/ironsapa/2704

870 viewsJan 19 at 08:02

🔻Адӕмы уырнынадмӕ гӕсгӕ, уыцы ӕхсӕв суӕрттӕм ӕмӕ цӕугӕдӕттӕм вӕййы алӕмӕты тыхы миниуджытӕ. Чырыстон дины кусджытӕ скувынц Хуыцаумӕ ӕмӕ доныл дзуӕрттӕ бафтауынц. Алчидӕр тырныдта уыцы сыгъдӕг донӕй йӕ хӕдзармӕ раскъӕфынмӕ. Бӕрӕгбон дӕр Доныскъӕфӕн уымӕн хуыйны. Ацы сыгъдӕг бӕрӕгбонмӕ бирӕ адӕм фенхъӕлмӕ кӕсынц.

▫️Чырыстон дин куыд амоны, афтӕмӕй тъӕнджы мӕйы 18-19 боны ӕхсӕвы ӕмӕ ӕгас бон дӕхи цыфӕнды уазал доны куы ныннайай, уӕддӕр нӕ фӕрынчын уыдзынӕ. Уый нӕ, фӕлӕ ма фенкъарынц цавӕрдӕр удӕнцой, зӕгъӕн кӕмӕн нӕй, ахӕм ӕнкъарӕнтӕ. 

▫️Уыд ахӕм фӕтк дӕр, ӕмӕ-иу Ног азы скодтой бирӕ алыхуызон басылтӕ ӕмӕ-иу сӕ Доныскъӕфӕн бонмӕ нывӕрдтой. Райсом раджы-иу ног чындз — хӕдзары ног чындз нӕй, уӕд та чызджытӕй кӕнӕ сылгоймӕгтӕй исчи — басылтӕ райста ӕмӕ донмӕ ацыд. Цас раздӕр ацыдаид, цас раздӕр ӕрбахастаид дон, уыйас хуыздӕр. Aдӕммӕ афтӕ каст: Доныскъӕфӕнты дон раздӕр чи ӕрбахӕсса, уыцы бинонтӕ амондджындӕр уыдзысты, уыдоны Хуыцауы хорзӕх уыдзӕн. 

▫️Донмӕ ӕрбацӕугӕйӕ-иу дондзау скуывта. Хуыцау ӕмӕ-иу зӕдтыл бинонты фӕдзӕхста, афтӕмӕй-иу, йемӕ цы басылтӕ ӕрбахаста, уыдоны сӕртӕ, цыхт, хор кӕнӕ задын тыппыронтӕ доны ӕппӕрста. Ома, кӕмдӕр цӕрынц доны чызджытӕ ӕмӕ сын барст фӕуӕнт, афӕдзы дӕргъы сын сӕ бинонтӕн ӕххуыс кӕнӕнт, хъуаг куыд ницӕмӕй ӕййафой. 

📄 Донмӕ цӕугӕйӕ ӕмӕ фӕстӕмӕ здӕхгӕйӕ дондзау ницы дзырдта. Ӕнӕдзургӕйӕ-иу донӕй хӕдзары пъол, къултӕ ӕмӕ къуымтӕ бапырх кодта. Стӕй бинойнӕгты хъал кодта ахӕм ныхӕстӕй: «Сыстут, ӕз уын мыды хуызӕн ӕмӕ сойджын дон ӕрбахастон». Уый фӕстӕ-иу бинонтӕн байуӕрста, цы басылтӕ ӕмӕ тыппыронтӕ йӕм баззад, уыдон. Уыцы донӕй-иу скодтой кувинӕгтӕ, бинойнӕгтӕ-иу дзы сӕхи дӕр цӕхсадтой. Уый фӕстӕ-иу ӕй истӕм ныккодтой, ӕфтыдтой йӕм ӕмӕ йӕ азы дӕргъы хардз кодтой.

⚫️ Дæхи «СапÆ»-йыл бафысс