جَنْزَبِيِلْ 💙

حاول تم وردك من الحفظ والمراجعة وكل البتعمله في اليوم من القرآن في بداية اليوم
حتحس بالإنجاز وما حتدي نفسك ولا الشيطان فرصة يكسلوك.

ودا كلام علمي ، قوة الإرادة بتكون في أوج قوتها في بداية اليوم.

فمثلاً قوم صلي القيام بعدد من الصفحات الحتراجعها الليلة
صلي الفجر وأقعد في المسجد أحفظ لحدي بعد الشروق بربع ساعة او أكتر لو م خلصت (المهم الشمس تكون ارتفعت يعني بعد الشروق بربع ساعة أقل شيء كما قدرها بعض أهل العلم)
، بعداك صلي الضحى بالحفظته دا أو من المراجعة.
(كدا -إن صح الحديث (حسنه الألباني وضعفه بعض أهل العلم- حتكون نلت أجر حجة وعمرة تامة)

المهم بعد الضحى أمشي أشرب شاي الصباح بمزاج كدا (بدون تمسك التلفون عشان ما تغرق فيه م تقدر تخليه)
انتهيت من الشاي بسم الله نكمل مراجعتنا البديناها في القيام لمن تخلص.

لو بتراجع وتحفظ بس فخلصت الحمدلله ،
أما لو بتحفظ بالحصون الخمسة فظبط الباقي بنفس الطريقة ، تراجع البعيد تاخد راحة ، تراجع القريب تاخد راحة ، تعمل التلاوة المن المصحف تاخد راحة ، والإستماع المنهجي ساهل أصلاً.

يعني من تصحى لي وقت الفطور خلاص خلصنا وردنا من القرآن بدون تعب ولا مقاومة ولا كسل وحتجد بركة في يومك 💛

-- سبحان الله بعد كتبت الكلام دا اتذكرت كلام ابن القيم رحمه الله عن شيخه ابن تيمية رحمه الله ، قال :"وحضرت شيخ الاسلام ابن تيمية مرة صلى الفجر ثم جلس يذكر الله تعالى إلى قريب من انتصاف النهار ثم التفت الي وقال : هذه غدوتي ولو لم أتغد الغداء سقطت قوتي أو كلاماً قريباً من هذا "

وفقكم الله لحفظ القرآن وإتقانه والعمل به وجعلنا من أهله.

#محمد_مصطفى

www.tgoop.com/janzbeel/10439

130 viewsالبـراء عادل, Dec 19 at 17:15

حاول تم وردك من الحفظ والمراجعة وكل البتعمله في اليوم من القرآن في بداية اليوم
حتحس بالإنجاز وما حتدي نفسك ولا الشيطان فرصة يكسلوك.

ودا كلام علمي ، قوة الإرادة بتكون في أوج قوتها في بداية اليوم.

فمثلاً قوم صلي القيام بعدد من الصفحات الحتراجعها الليلة
صلي الفجر وأقعد في المسجد أحفظ لحدي بعد الشروق بربع ساعة او أكتر لو م خلصت (المهم الشمس تكون ارتفعت يعني بعد الشروق بربع ساعة أقل شيء كما قدرها بعض أهل العلم)
، بعداك صلي الضحى بالحفظته دا أو من المراجعة.
(كدا -إن صح الحديث (حسنه الألباني وضعفه بعض أهل العلم- حتكون نلت أجر حجة وعمرة تامة)

المهم بعد الضحى أمشي أشرب شاي الصباح بمزاج كدا (بدون تمسك التلفون عشان ما تغرق فيه م تقدر تخليه)
انتهيت من الشاي بسم الله نكمل مراجعتنا البديناها في القيام لمن تخلص.

لو بتراجع وتحفظ بس فخلصت الحمدلله ،
أما لو بتحفظ بالحصون الخمسة فظبط الباقي بنفس الطريقة ، تراجع البعيد تاخد راحة ، تراجع القريب تاخد راحة ، تعمل التلاوة المن المصحف تاخد راحة ، والإستماع المنهجي ساهل أصلاً.

يعني من تصحى لي وقت الفطور خلاص خلصنا وردنا من القرآن بدون تعب ولا مقاومة ولا كسل وحتجد بركة في يومك 💛

-- سبحان الله بعد كتبت الكلام دا اتذكرت كلام ابن القيم رحمه الله عن شيخه ابن تيمية رحمه الله ، قال :"وحضرت شيخ الاسلام ابن تيمية مرة صلى الفجر ثم جلس يذكر الله تعالى إلى قريب من انتصاف النهار ثم التفت الي وقال : هذه غدوتي ولو لم أتغد الغداء سقطت قوتي أو كلاماً قريباً من هذا "

وفقكم الله لحفظ القرآن وإتقانه والعمل به وجعلنا من أهله.

#محمد_مصطفى

BY جَنْزَبِيِلْ 💙