tgoop.com/janzbeel/10445
Last Update:
ما أظن في زول مهتم بالوعي الذاتي والتطوير الشخصي عموماً واللغوي والتقني خصوصاً ما استفاد من قناة أحمد أبوزيد ..
ويمكن كتار سألوا نفسهم كيف نرد ليهو الجميل ونشكره؟
أحمد شاب بسيط من ريف مصر، اجتهد وثابر وصعد بدون واسطة ..
ما قال المحتوى التعليمي مافي زول بيشوفوا
ولا غيره ..
استمر يشتغل في صمت أكتر من ١٢ سنة لحد بقى واحد من أكبر صناع المحتوى التعليمي في المنطقة ..
دا كله توفيق طبعاً ..
بس توفيق معاه صدق واجتهاد ومثابرة واستمرارية ..
أحمد قصة فيها أمل كبير وبتعبر عن أغلب شبابنا ، رغم ملايين المتابعين بس أحمد راجل فلاح بسيط ومتواضع ومثقف وبيكسر ليك تصورات كتيرة في ذهنك عمرك ما اتخيلت إنها تتكسر إلا لو قابلته ..
هو الأن مرشح لجائزة أفضل صانع محتوى عربي جائزة قيمتها مليون دولار ..
ما حاجبرك تدعمه بس أنا ناوي أدعمه
حتى لو ما فاز !
بالنسبة لي إننا نقول شكراً لزول بعمل حاجة جميلة مفيدة ..
وإنه نفسنا نشوف ناس كتيرة زي أحمد ..
لو دي الرسالة بس الحانطلع بيها إننا كشباب ما كلنا اخترنا المحتوى الرخيص والفارغ والتافه وإننا بنفتخر بالنماذج الزي أحمد وسطنا
فكفاية ..
التصويت بكلفك ١٠ ث بس لكن حايفرق كتير مع البطل ده ..
تفاصيل التصويت في التعليقات 👇
✍️💝
#يسري_الفاتك
#متابعات #دعم_القدوات #نمذجة_الإنجاز.
BY جَنْزَبِيِلْ 💙
Share with your friend now:
tgoop.com/janzbeel/10445