tgoop.com/jenhfetras/5587
Last Update:
بعض الشباب يتعاملون مع البيت كإنه فندق ..
يطلع يتونس واغلب الوقت بره البيت ومن يرجع للبيت يريد اكل جاهز مثل ما يحب
وملابس مغسوله ومكويه
مكان نظيف
هدوء ماكو صوت
انترنيت مفتوح
ومحد يطلب من عنده شي يريد يبقى متمدد
وفي حال لكه شي ناقص يبدا الصياح والوجهه العبوس وكأنه مان بوجوده
يا ناس ترى البيت ما بيه عمال او ربورتات ، البيت بيه اكثر كائن رقيق وحساس الي هي انثى و تكون اما امك وهي كبيره بالعمر او زوجتك وتكون سندك او تكون اختك عضدك او تكون بنتك وهذا فلذة كبدك يعني ما يصير شي لو رجعت للبيت من بعد وقت الترفيه ولكيت اكو شي بيه خربطة وانت ساعدتهم ! الحياة مساعدة والبيت مبني على الحب والتفاهم والعطاء المتبادل فخليكم احد الاطراف باستقرار البيت وتفهم المرأة الموجودة بالبيت انُ هي اغلب وقتها تحت ضغط شغل وتربية وعمل فالكلمة الوحدة كلش تفرق وياها🍃
BY جنح فطرس🌿🕊️
Share with your friend now:
tgoop.com/jenhfetras/5587