tgoop.com/joinGalaaJireenyaa/133
Last Update:
🗣 ~ Galaa Jireenyaa!!! ~
~ Kutaa Sadaffaa, Qajeelfama 6ffaa:-
✍ Akkuma qajeelfama 5ffaa ykn Iccitii Sooqiraaxis jalatti, Namoota waliin yeroo mari'annu marii keenya gaaffiilee deebiin isaanii " Eeyyee" ta'aniin eegaluu akka qabnu ilaalle, har'a immoo qajeelfama addaa, ajaa'ibsiisaa dandeettii "Utuu Hin Mufachiisin Akkaataa Namoota Ceepha'anii Yaada Isaanii Dogoggoraa Sirreessuu fi Jijjiiruun Itti Danda'amu" namaaf kennu waliin ilaalla.
👉 Namonni hedduun baay'ee haasa'uudhaan yaada namootaa gara ofii fedhanitti waan jijjiiran se'u.
👉 Kanaanis waa'ee dhimmaa fi rakkoo kee si caalaa akka siif beekanitti haasa'u.
👉 Waa'ee isaanii baay'ee haasa'un waan isaan milkeessu itti fakkaata.
👉 Garuu amalli fi gochi akkanaa baay'ee badaa fi balaa kan qabudha!
👉 Sababni isaas, namoonni akkanaa ofii haasa'uu malee gonkumaa nama hin dhaggeeffatan!
👉 Akka haasoftuufis carraa siif hin kennan!
👉 Kun amaluma uumamaa dhala namaati!
👌 Ati garuu hariiroon namootaan qabdu akka qajeelu, jireenya gaarii waliin akka jiraattu fi yeroo gabaabaa keessatti hojii gaarii argachuu feeta yoo ta'e, qajeelfamoota armaan gadii kana jireenya kee keessatti hojiirra oolchi:-
👉 Hiriyyoonni kee yeroo sitti haasa'an yeroo bal'aa kenniifiitii dhaggeeffadhu!
👉 Fedhii isaanii akka haasa'aniif carraa kenniifii qalbii guutuunis isaan dhaggeeffadhu.
👉 Yaadaa fi miira isaanii gidduutti hin kuchisiisiin.
👉 Hanga dhumaatti obsaan isaan dhaggeeffadhu.
👉 Gocha kana kan namni hundi fedhu!
👉 Iccitiin namoota milkaa'oos kan isaan ittiin gufuu fi kufaatii injifatanis isuma kanadha!
✍ Filoosoofariin Faransaay, Laa Rookiifookaaldi akkas jedhee ture: "Diinota horachuu barbaadda taanaan akka isaan caaltu hiriyyoota keetti himi. Hiriyyoota horachuu barbaadda taanaan immoo hiriyyoonni kee akka si caalaan sitti haa haasa'an."
😂 Maaliif akkas jedhee laata?
👌 Sababni isaa hiriyyoonni kee akka si caalan sitti yeroo himatan ati qalbii guutuun dhaggeeffannaan, miira ofitti boonuu ykn barbaachisummaatu isaanitti dhagaa'ama!
👌 Garuu nuti akka isaan caallu isaanitti haasofnaan, miira gad aantummaatu isaanitti dhagaa'ama.
✍ Namoonni biroon waa'ee isaanii akka haasa'an gochuun waan barbaannu argachuun filannoo hin qabu!
✍ Kanaaf, yaadaa fi miira namootaa qalbii guutuun dhaggeeffachuu qofaan yaada dogoggora isaanii ceepha'uu fi jijjiiruun haala itti danda'amu beekaan dhaamsa keenya!
🗣 Qajeelfama 6ffaa:
~ Namoonni baay'ee akka haasa'aniif carraa kenniif!
👌 Qajeelfamni 7ffaan "Akkaataa Tumsa Namootaa Itti Argatan" kan jedhu itti fufa...............!
🙏 Galatoomaa! Halkan Gaarii!
👉 Hiriyyoota keessaniif qooduu fi miseensa maatii @joinGalaaJireenyaa taasisuu hin dagatiinaa!
BY @GALAA JIREENYAA
Share with your friend now:
tgoop.com/joinGalaaJireenyaa/133