tgoop.com/joinGalaaJireenyaa/136
Last Update:
🗣 ~ Galaa Jireenyaa!!! ~
~ Kutaa 3ffaa, Qajeelfama 8ffaa!
👌 Foormulaa Waan Ajaa'ibaa Ittiin Hojjettu:-
👉 Yeroo tokko tokko namoonni akka isaan dogoggoran dhibbaan dhibba utuma beektuu dogoggora isaanii amanuu diduun, akka waan yaadni isaanii sirrii ta'etti yeroo of fudhatan argita.
👉 Yeroo akkanaa gonkumaa dogoggora isaaniif isaan hin balaaleffatin.
✍ Isaan hubachuuf yaali.
✍ Nama hubataa qofatu akkas gochuu danda'a!
👉 Namoonni waan yaadanii fi godhaniif SABABA qabu.
👉 Wanti akkanatti akka yaadan ykn akkana akka godhan isaan godhu jira jechuudha.
✍ Kanaaf sababa kana sakatta'ii baasi!
✍ Furtuun yaada namoota akkanaa ittiin jijjiirtus isuma kana qofaadha!
👌 Kana argachuufis, bakka nama sanaa of kaa'ii yaadi!
👉 "Osoo anatu nama kana ta'ee maaltu natti dhagaa'ama? " jedhii of gaafadhu.
✍ Kunis, yaada fi gochaa namootaatti akka hin aarree fi isaan hin jibbine si godha.
👉 Akkasumas, dadeettiin namoota waliin hariiroo gaarii uumuu kee ni dabala.
👉 Kanaanis, namoonni yaada kee akka tumsan isaan taasisa.
✍ Yaada nama tokkoo bakka nama sanaa bu'anii ilaaluun, muddama namni sun keessa jirullee ni salphisaaf.
👌 Bakka nama tokkoo bu'anii yaadaaf gochaa isaa hubachuun ulfaachuu danda'a. Garuu diinota horachuurraa si baraaree hiriyyoota dhugaa waan siif baay'isuuf barachuu qabda.
✍ Hubadhu: Qajeelfama kana keessatti, akkaataa yaada namootaa bakka isaanii buutee ilaaltee, yaada keen wal qabsiiftu qofa hubatte taanaan, kun qofti riqicha milkaa'ina hojii keetti si ceesisu siif ta'a!
🗣 Qajeelfama 8ffaa:
~ Yaada Namootaa Bakka Isaanii Of Buusii Qalbeeffachuu Yaali!
👌 Qajeelfamni 9ffaan "Waan Namni Hundumtuu Barbaadu" kan jedhu itti fufa..........!
🙏 Galatoomaa! Halkan Gaarii!
👉 Yaadaaf qeeqa yoo qabaattan karaa:- @Yonathan7939 ykn @Yordi143 nuun gahuu hin dagatiinaa!
@joinGalaaJireenyaa
@joinGalaaJireenyaa
@joinGalaaJireenyaa
BY @GALAA JIREENYAA
Share with your friend now:
tgoop.com/joinGalaaJireenyaa/136