tgoop.com/kumush_abdusalomova/931
Create:
Last Update:
Last Update:
Alomat
Shoxlarini yozib turgan daraxtning
Qani! Qo‘yinligi yodiga tushsa.
Daraga bekinib olgan shamolning
Qani! Quyunligi yodiga tushsa.
Sukut alomati rizo emas.Yo‘q!
Qarg‘alar yozg‘irib o‘tgandek “qag‘-qag‘”!
Qarg‘alar yozdirib o‘tgandek “qalq-qalq”!
O‘z qoniga barmoq botirib bosish
Isyondir!
Hech qanday imzo emas, yo‘q.
Yerda qulab yotgan ulkan daraxtning
Qani! Gurziligi yodiga tushsa.
Yovuzman deganning, yovman deganning
Qani! Ezguligi yodiga tushsa!
Sukut alomati rizo emas, yo‘q.
Niyoz etilgani nizo emas, yo‘q.
Sukut alomati rizo emas, oh!
Sukut alomati rizo emas, O‘q!
Kumush Abdusalomova
@kumush_abdusalomova
BY Kumush Abdusalomova
Share with your friend now:
tgoop.com/kumush_abdusalomova/931