tgoop.com/laeileialanin2/3642
Last Update:
#جديد
استشهاد الصديقة الكبرى #فاطمة_الزهراء عليها السلام
وزن : البحر الطويل
الطور : جميع أطوار البحر الطويل في النعي واللطم مثل ( لفى عاشور ، هاشم يا بني هاشم ، طبع النسر ، الشوط الكربلائي ) وغيرها ..
.
.
آنه صاحب الغيبه .. بگلبي تسعر الجمره
أمشي وابدمع عيني .. أدوّر مجلس الزهره
وين اليبچي اعله أمي .. وعليها عالي اونينه
يواسـي گلبي الملچوم .. لو هلّت دمــع عيـنه
أجيكم وأحضر المجلس .. وأشوف اللي گصد لينه
وعلى أمي لابس الأسود .. حضر وابوجنته العبره
أجيكم وأبچي ويّاكم .. وأنوح وبالگلب ناري
عليها بكل صباح وليل .. دمعي بحرگتي جاري
وأرفع چفي ابدمعي .. وأدعي آخــذ ابثاري
أظهر آخذ بثارات .. ضلعها ويلي وكسره
أجي واضلوعي محنيّه .. اعله ضلع أمي الذي كسروه
وأنادي ابيا ذنب هالباب .. عليها بالحقد دفعوه
طاحت والجفن دامي .. وابسوط المتن ضربوه
ومحســن منذبــح يمها .. مثـل الينگطع نحره
مُصاب أمي فلا أنساه .. ولا أنسى مصاب حسين
جرحـها عاشـر الأول .. ومن عنده ابتدت ناريــن
عليهم للأبـــد حزنــي .. ولا كَفَّــت دموع العيـــن
ودمعي من دمـه يجري .. وگلبــي ذايب بصبــره
____
تمت ببركات مولاي صاحب الزمان سلام الله عليه
#فاطمة_كريم
٢٠٢٤ م
المكتبة الشاملة للقصائد والنعي :
https://www.tgoop.com/qasaidfk128
BY ليالي الأنين الثانية
Share with your friend now:
tgoop.com/laeileialanin2/3642