tgoop.com/laeileialanin2/3649
Last Update:
#جديد
في شهادة باب الحوائج #القاسم بن الإمام الكاظم عليه السلام
وزن : الفائزي
.
.
بديار غربه يالولــد واتغمض العيـن
واتجدد اعليَّه يَيُمه امصيبة حسين
بديار غربه يا حبيبي اتموت هاليوم
وحدك بعيد اعله الأهل والگلب مهموم
والحمِد لله امن العذب ما متت محروم
ولا شافت اعيونك بعد حرگ الصواويـن
عد راسك الليله أون يا يُمه وأنعـــاك
ميّت غريب ومحد امن أهلك تعنــاك
لاچن يَيُمه يمك اللي غُمُــض عينــاك
مو عالوجه مگلوب يبني ودامي لوتين
أنعــاك يا يُمه وتهل اعيــوني عبـــره
والغربتـك آيــالولـد بفّـــادي جمــره
وأتذكر اللي عالثره مگطـوع نحــره
[ كل المصايب هونتها امصيبة حسين ]
ميّت غريب وطفلتك يجري دمعــها
لاچن يَيُمــه محّد الجـاها وصفــعها
ومحد سِلَب منها تراچیــها ودفعها
وفوگ الجمر ما داست وطبّت دواوين
أبچیــك يبني وأدري تبچي إنته وياي
لحسين جدك يبني الما شــارب المــاي
واتگــول يا جدي أنا القاســم السگّــاي
كلما أصب الماي لجلك أجري العين
__
تمت ببركات مولاي القاسم عليه السلام
#فاطمة_كريم
٢٠٢٤ م
المكتبة الشاملة للقصائد والنعي :
https://www.tgoop.com/qasaidfk128
BY ليالي الأنين الثانية
Share with your friend now:
tgoop.com/laeileialanin2/3649