tgoop.com/lajmmmm/5838
Last Update:
*في شجاعة مسلم ابن عقيل س*
سلم اعلى حسين مسلم واِرتجل
ثــار عالــعدوان سيــفه من حمل
اباب طوعه اقتحموا الدار العده
وصل يومه الحيد يشهد موعده
وحارت الكوفــان باصــار وسده
چن علـي الكرار هاجمهـا البـطل
واقـفه طوعــه وتنــظر حمـلته
ابإيـــده المـغـــوار شايــل رايته
صاعِقه وعالارض نزلـت صولته
اَذهَــل الأنــظار بفنــونــه الفحل
أوقَع الجيــمه ابسيفه مـن هجم
شدّ عليهم فارس ابـزوده الشهم
ابإسم ابواليــمه ايــردد من عزم
ثـورة الإسلام ضـد أهـــل الجهل
وقف وقفة حيدره ابيوم الشدد
وصاح بيـهم رايـد انه اكثَر عدد
خَــذّل الأعـداء ابفــعلاتــه الأسد
وسيــفه سمـّام الأعادي من زعل
رجل واحد واجه ابـطال الرجال
الكامل ابإوصـافه مسلم بالقتـال
ومثل عزمه الحيد مايوجدمثال
نار شبــَـت بالخصـم مـن اشتعل
يـثــّرُم السيــف ابــزلهم ويـعَلس
غَيّم أعله الحومه يفرسهم فرس
عجزَت وشـردت ولاضلت رجس
مسلـم بـسوح الحَريــبـه مايــمل
صار بيهم رُعب مــن طگ صارمه
ذبـَح وابسيفه الأرض غرگت دمه
ضَجـت ابحـمـــلاتــه افلاك السمه
اتچتَفـت مـن عزمـه راواها الأجل
كلمات ام حيدر النصاري الكعبي
BY قناة:: أم حيدر مكي النصاري
Share with your friend now:
tgoop.com/lajmmmm/5838