tgoop.com/lajmmmm/5841
Last Update:
(في حق فاطمه الكبرىٰ عليلة الحسين س)
تعنيت وركضت العمتي زينب وابچي ليها
احضنتها واشبـگتـها وقبـلتــها من ايـديها
أناشدهــا واگلها واحلــفها ابـإهلها
عگبكـــم مالـــي احـــد
بعدكم مالــي والـــي يا نشامه ابــهالمسيه
عگب عينك يبــويه الدار محزونــه وخليه
مثل نور الشمس تـضوي اليــالي بويـه ليّه
وحاسس گلبي بيكم بويه منكم ماكو جيّه
تصب عيني واسلها دّنَت روحي أجلها
عگبكـــم مالـــي احــد
عمه زينب لا تخليني تره اهمومي ثجيله
وعادة المهموم عمه احذاله احبابه تجيله
يؤنس حالته من الضيم والحسره تشيله
تضل اديــاركم وحشه ابحزن وانه عليله
نقطع يثرب شملها بضعن شـالت زلمها
عگبكــــم مالـــي احــد
روحي كالفراشه اتطير من شافت ضعنكم
خواتــي كلها تـمشي وحارت الأعذار منكم
لناظر يمنه يسره چن غريـبه ومانـي بتكم
تضل نفـسي تحَدثـني ابإلم تــقبل شيمكم
هلــي شالت ضعنها بدت روحـي حزنها
عگبكـــم مالـــي احـــد
عمه چن ابويـه بصوته عبره اتهل العيون
يگلچ يختي زيــنــب هالزلم كلهم يموتون
گاصد كربله معزم يخيتي وشدي الضعون
مدري اشلون اخذ هالعليـله گلبــي ميهون
خبر منــي يصلها الدَهر موتــي علنها
عگبكـــم مالـــي احـــد
حكمتـــها ابقــهر وابضيـــم هالدنيـه عليه
ابقدرها حَمـّلت زينـب واخوتي الغاضريه
شَــدّ سار الـــرَكب وحسيــن سافــر للمنيّه
نهدم حيلي بعدهم وهاجت احزاني الدنيّه
ديــاري من يدللها رحل سافـــر أملها
عگبكــم مالـــي احـــد
اشوكت تتـحق امــالي ورافـگــها الأحبهم
وروحي چن حمامه اتطوف وتنطرخبرهم
وكل خوفي المصيـبة تـنزل اعليـه بعدهم
بعد يستـر فؤادي مااضن ، يخلص عمرهم
يضل مايـل حملها العدو زينب يذلها
عگبكـــم مالـــي احـــد
كلمات ام حيدر النصاري الكعبي
نسألكم الدعاء
BY قناة:: أم حيدر مكي النصاري
Share with your friend now:
tgoop.com/lajmmmm/5841