tgoop.com/lajmmmm/8427
Last Update:
*في حق أولاد أم البنين س أخوة ابالفضل س*
أخوة العباس شيـّال اللوه
أخوة العباس من هدو سوه
أخوة العباس گلبو نيّنوه
يعباس يعباس
أجه بــوفاضل وأذن يلله يا خيــــر العمل
يلله يربات الصميـده هدوا يربــات الفحل
حاموا ستر الله العقيله يلله گومو بالعجل
چلمت الخوّه اشحلاها ضل يرددها البطل
أخوة العباس نـزلــوا بالطفوف
أخوة العباس سلـوها السيـوف
أخوة العباس گلبوها الصفوف
يعباس يعباس
أرتجل كل شخص بيهم صار بالطف ضغبره
زلزلوا جيــش آل اميه أخوان سبـع الگنـطره
سيفهم مايـــرحم أحـــــد ذوله ولــد الطاهره
اربات ابوالحسنين حيدر سوو الطف مگبـره
أخوة العباس غيره ومرجله
أخوة العباس وگفــوا بالفله
أخوة العباس حوطوا كربله
يعباس يعباس
طَفّح الشاطی ابعــزمهم فَخر زیــنب و الخدر
ابـوفاضل سيــــفه بيـــده بيــها ضل يبـتر بتـر
صاح يختي أحنه ابخدمتچ أبد لتكوني ابفكر
أمنـــه نذرتنــه العَفــافچ أحنه ما هَمنه الخطر
أخوة العباس رَجفـوها العده
أخوة العباس واخت الماجده
أخوة العباس والڪل شاهده
يعباس يعباس
يوله لعبــوا بالملاعب هاجوا ابگوم الضلال
وينــــه ليـواجه عَزمهم منـــّه تهتَـز الجبـال
ضلمه صارت بالحريبه أرجال تردم بالرجال
گمرعدنان اعله يمنه وخوته شالوها الشمال
أخوة العباس ذَلّـوها النــذال
أخوة العباس لبسوهم شيّال
أخوة العباس حاموها العيال
يعباس يعباس
چن صگر كل شخص بيهم كرهاطشرها الشهم
اتبــاهت الحــره الأبيّـــه وهلهلت بــت الشيّم
نــادت العلويــــه نـــادت ياهلــه ابسور الحرم
شايليــن الهامه بيـكـم يخــوتي أشتَـد العزم
أخوة العباس طاعون الخصوم
أخوة العباس فركـوها الخشوم
أخوة العباس شيـــالت همــوم
يعباس يعباس
*بقلم ام حيدر مكي النصاري*
*الثلاثاء* - 28 *رمضان* 1442
21 *اردیبهشت* 1400
BY قناة:: أم حيدر مكي النصاري
Share with your friend now:
tgoop.com/lajmmmm/8427