tgoop.com/lazerg/655
Last Update:
Tanlov paradoksi (paradox of choice)—bu inson oldida tanlashi mumkin bo'lgan tanlovlar qanchalik ko'p bo'lsa bu shunchalik odamning baxtlilik darajasini pasaytirishi haqidagi fikr.
Bu paradoks yevropada vujudga kelgan liberalizm g'oyasining asosiy prinsiplari natijasida kelib chiqgan. Yani liberalizmga ko'ra insonning baxtliligini oshirish uchun maksimal individual erkinlikka erishish kerak va maksimal individual erkinlikka erishish uchun insondagi tanlovlar sonini maksimal darajaga ko'tarish kerak.
Qanchalik ko'p individual erkinlik, tanlov bo'lsa, inson shunchalik ko'proq baxtli bo'ladi. Ushbu g'oya bugungi kunda deyarli ko'pchilikning miyalarida dogma sifatida muhrlangan. Ko‘proq tanlovlar yaxshiroqdek tuyulsa-da, haddan tashqari ko‘p variantlar odamni chalg‘itib, "qaror toliqishi"ga sabab bo‘lishi mumkin.
Bu holat kishilarning o‘zlari qilgan tanlovlaridan kamroq mamnun bo‘lishlariga olib kelishi, hatto xavotir, stress yoki tushkunlikka tushishlariga sabab bo‘lishi mumkin.
