tgoop.com/maheteben123/20331
Last Update:
#ዘወረደ_አራት_ነገሮች_ይነገሩበታል 👇
1.የአዳም ከገነት ወደ ምድረ ፋይድ መውረድ
2.የወረደውን ለመመለስ የአካላዊ ቃል ከሰማይ መውረድ
3.ከሰማይ የወረደው ጌታ የተሰቀለበት የዕፀ መስቀል ከኢየሩሳሌም ወደ ፋርስ መውረድ
4.ክርስቶስ የወረደለት የእኛ ሰውነት ከጽድቅ ከቅድስና ወደ ኃጢአት መውረድ በሥጋ ወደ መቃብር በነፍስ ወደ ሲኦል ይነገርበታል!
ለአራቱም ከፍታ/መመለስ/ትንሣኤ/ዕርገት አላቸው 👇
1.አዳም ወደ ገነት ተመልሷል
2.ክርስቶስም ወደ ሰማይ ዐርጓል
3.ዕፀ መስቀሉም በንጉሠ ሮም ኅርቃል አማካይነት በምእመናነ ኢየሩሳሌም ጾምና ጸሎት በ 614 ዓ.ም ወደ ኢየሩሳሌም ተመልሷል
4.እኛም በንስሐ እናርጋለን (ወደ ጽድቅ ወደ ቅድስና እንመለሳለን)
አጠቃላይ የጾሙ ምሥጢርም ይኸው ነው
ከፍታ የሚነገርበት በይቅርታ እግዚአብሔርን የምንመስልበት የሥጋ ሳይሆን የመንፈስ ለውጥ የምናሳይበት ነው!
👉ጾም ዕድል ነው
• የመለወጥ እድል
• ንስሓ የመግባት ዕድል
• የመቁረብ ዕድል
• ራስን የማየትና የማዳመጥ
• የጽሙና የፀጥታና የመረጋጋት ዕድል
• የጸሎትና የስግደት
• የማስቀደስ ...ከመላእክት ጋር ከቅዱሳን ከጻድቃን ከሰማዕታት ጋር የማመስገን ዕድል
• በአጠቃላይ የእግዚአብሔርን የምሕረት ፊት የማየት ዕድል ነው!!!
ጾሙን ለምሕረትና ለበረከት ድል ለመንሣት ያድርግልን🙏
ሠናይ ዐቢይ ጾም!
Via ------- መጋቤ ሐዲስ ነቅዐጥበብ ከፍያለው
BY ማህተቤን አልበጥስም የተዋህዶ ድምፅ ✝💒
Share with your friend now:
tgoop.com/maheteben123/20331