የገቢ ማስገኛ ሕንጻዎች እና ለአብነት ተማሪዎች አዳሪ ትምህርት ቤቶች እየተገነቡ እንደሚገኝ ተገለጸ፡፡

የካቲት ፲፬/፳፻፲፯ ዓ.ም

የቤተ ክርስቲያን ዕድገትና መንፈሳዊ ትምህርት ቤቶች አገልግሎት ጉባኤ በማኀበረ ቅዱሳን ሥር ከሚገኙ የተለያዩ ክፍሎች አንዱ ሲሆን የግንዛቤ መፍጠር ሥራና ለፕሮጀክቶች ግንባታ የሚውሉ ሀብት የማፈላለግ ተግባራትን ያከናውናል፡፡

ዲያቆን ደረጄ ጋረደው የአገልግሎት ጉባኤው ዳይሬክተር እንደተናገሩት ለገቢ ማስገኛ የሚሆኑ ሕንጻዎችና የአብነት ተማሪዎች አዳሪ ትምህርት ቤት ግንባታዎች እየተገነቡ እንደሚገኙ ገልጸዋል፡፡

የፕሮጀክት ዝግጅትና ትግበራ ዋና ክፍል ምክትል ኃላፊ ኢንጂነር ማስተዋል አበበ በበኩላቸው በክፍላችን አዘጋጅነት በርካታ ፕሮጀክቶች ትግበራ ላይ ናቸው ከነዚህም ውስጥ በሰሜን ጎንደር ሀገረ ስብከት የሚገኘው በ115 ሚሊየን ብር መነሻ ዋጋ የደብረ ሓዊ ቅዱስ ያሬድ አንድነት ገዳም የG+4 ገቢ ማስገኛ ሕንጻ እየተገነባ ይገኛሉ ብለዋል፡፡

አክለውም በማኅበረ ቅዱሳን የበደሌ የሥልጠናና ሁለገብ G+4 ሕንጻ በ170 ሚሊየን ብር የተጠና ዋጋ በሁለት ዙር በ1152 ካ.ሜ ላይ አርፎ እየተተገበረ ነው ያሉት ኢንጂነሯ በምሥራቅ ወለጋ ሀገረ ስብከት የተገነባው የአብነት ተማሪዎች የአዳሪ ትምህርት ቤት ግንባታው ተጠናቆ ርክክብ እንደሚደረግ ተናግረዋል፡፡

የግብዓቶች ዋጋ መናር፣የትራንስፖርት ወጪ መጨመርና የሀገሪቱ ወቅታዊ ሁኔታ አለመረጋጋት ያጋጠሙ ችግሮች መሆናቸውን ምክትል ኃላፊዋ አንስተው አማራጮችን በመጠቀም ሥራዎች እየተሰሩ እንደሆኑ ጠቁመዋል፡፡