tgoop.com/mamlemusic/3168
Create:
Last Update:
Last Update:
هەر کوردم
هۆنراوەی: مامۆستا هەژار موکریانی
دیکلەمەی شیعر: سەید ڕەحیم قوڕەیشی
عود: محەممەد دانیش
گۆرانی: محەممەد ماملێ
بە دەنگی: محەممەد ماملێ
بە دەربەدەری یان لە ماڵی خۆم
لە خاکی عەرەب، لە ئێران و ڕۆم
کۆک و پۆشتە بم، ڕووت و ڕەجاڵ بم
کۆشکم دە قات بێ، وێرانەماڵ بم
ئازا و ڕزگار بم شادان و خەندان
یان زنجیر لە مل لە سووچی زیندان
ساغ بم جحێڵ بم بگرم گوێسوانان
یان زار و نزار لە نەخۆشخانان
دانیشم لەسەر تەختی خونکاری
یان لە کۆڵانان بکەم هەژاری
کوردم و لەڕێی کورد و کوردستان
سەر لەپێناوم گیان لەسەر دەستان
بەکوردی دەژیم بەکوردی دەمرم
بەکوردی دەیدەم وەرامی قەبرم
بەکوردی دیسان زیندوو دەبمەوە
لەو دنیاش بۆ کورد تێ هەڵدەچمەوە
WEBSITE | YOUTUBE | FACEBOOK | SPOTIFAY | SOUNCLOUD | TELEGRAM | VIMEO | WHATSAPP | TIKTOK
BY کاناڵی فەرمیی ماملێ 🎶
Share with your friend now:
tgoop.com/mamlemusic/3168