tgoop.com/manbabemuluyadergal/1947
Create:
Last Update:
Last Update:
ሥራና ችሎታ
አላምን ብሎ እንጂ - መንግስት በእውነቱ፣
ውስጡ ያጎረው ቢታይ - ችሎታና እውቀቱ።
ባዶ ቀፎ ይበዛል - በልቡ አደርባይ፣
የሰዎች ስብስብ - ሁሉን አውቃለሁ ባይ።
ወንበር ሲያገኙ - ቦታውን ሲይዙት፣
በፍትህ አይደለም - ህዝቡን የሚገዙት።
ሰዉም በተማረው - ወይንም በችሎታው፣
ሲሠራ አይታይም - ጎሳው ነው ስጦታው።
ለዚህ ነው በብዛት - በገዛ ቤታችን፣
ባክኖ የሚቀረው - እምቁ አቅማችን።
....
አናጢው ጸሐፊ - ጸሐፊው ግንበኛ፣
ገበሬው ነጋዴ - ነጋዴው አንጥረኛ።
ያልተሰጣቸውን - ለመሆን ሲጥሩ፣
እንደ አባቶቻቸው - ታሪክን ሳይሠሩ።
ባላቸው ችሎታ - ጎበዝ በሆኑበት፣
ከመሬት ከፍ ሳይሉ - የትም ሳይበሩበት።
ትንሹም ትልቁም - በአቋራጭ ይጓዛል፣
ቁጭ ብሎ የሚበላው - ከአምራቹ ይበዛል።
ብዙ አፎች ይዘናል - ሁልጊዜ ክፍቶች፣
ጥቂት ሠሪ እጆች - የማይሞሉ ሆዶች።
ያጣነው ብልሃት ነው - መተማመን ይዘን፣
ክፍት አፍን ማዘጋት - የእውቀት ኃይልን መዘን።
ምንፈልገው ሰው ነው - ሁሉን አሠርቶ፣
ህዝቡን የሚያሳድግ - በእኩልነት መርቶ።
መወ
January 10, 2023
BY የመፅሐፍ አለም 🇪🇹🇹
Share with your friend now:
tgoop.com/manbabemuluyadergal/1947