tgoop.com/mehnathuquqi/1421
Last Update:
Mehnat huquqi sohasidagi taniqli olima Dinara Atajonova bu yorug' dunyoni barvaqt tark etdi.
Yurisprudensiya sohasidagi taniqli olima, jonkuyar xodim, Toshkent davlat yuridik universiteti Mehnat huquqi kafedrasi mudiri Atajanova Dinara Salimjanovna 28-iyun kuni og'ir xastalik tufayli 33 yoshida bevaqt vafot etdi.
Dinara Atajanova 1987-yil 21-aprel kuni Andijon viloyati Asaka shahrida tug'ilgan.
2008-yilda Toshkent islom universiteti bakalavr bosqichini, 2010-yilda Toshkent davlat yuridik universiteti magistraturasini tamomlagan.
Dinara Atajanova 2009-2010 yilllarda Toshkent shahri “Maxsus mintaqalararo MMAF” advokatlik firmasining advokat yordamchisi, Toshkent shahri “D.N.Ibragimov” xususiy notarial idorasining notarius yordamchisi, 2010-2019 yillarda TDYU Mehnat huquqi kafedrasida o'qituvchisi, katta o'qituvchisi, lavozimida ishlagan
2019-2020 yillarda O'zbekiston Respublikasi Prezidenti huzuridagi Davlat boshqaruvi akademiyasi dotsent
vazifasini bajaruvchisi lavozimida ishlagan.
U 2020-yil 4-yanvardan hozirgi vaqtga qadar Toshkent davlat yuridik universitetining Mehnat huquqi kafedrasi mudiri lavozimida faoliyat yuritib keldi.
Faoliyati davomida ko'plab o'quv, o'quv-uslubiy qo'llanmalarni chop ettirgan.
Ko'plab ommabop va ilmiy maqolari jurnallar, ilmiy-amaliy anjumanlar to'plamlari va gazetalarda nashr etilgan.
U 2018-yilda doktorlik dissertatsiyasi (PhD)ni himoya qilgan.
2020 yilda dotsent ilmiy unvoni berilgan.
Jonkuyar ustoz sifatida ko'plab yoshlarga saboq bergan.
Huquqshunos olima, jonkuyar xodim va kamtarin inson Dinara Atajanovaning ilmiy merosi va yorqin xotirasi qalblarimizda hamisha saqlanib qoladi.
Toshkent davlat yuridik universiteti jamoasi Dinara Atajanovaning oila a'zolari va yaqin insonlariga hamdardlik bildiradi.
BY Mehnat huquqi
Share with your friend now:
tgoop.com/mehnathuquqi/1421