tgoop.com/mehnathuquqi/5863
Last Update:
#qovuntushirish Iltimos, normativ-huquqiy hujjatlarni rus tilidan o’zbek tiliga tarjima qilganda google tarjimondan foydalanmanglar!
O’zi aslida “Normativ-huquqiy hujjatlar to‘g‘risida”gi Qonun 21-moddasiga ko’ra, normativ-huquqiy hujjat loyihasi davlat tilida tayyorlanadi)) Mehnat kodeksining o’zbekchasida tarjima bilan bog’liq juda ko’plab qo’pol xatolar mavjudligi haqida avval ham yozgan edik.
👉 https://www.tgoop.com/mehnathuquqi/5138
👉 https://www.tgoop.com/mehnathuquqi/4497, https://www.tgoop.com/yuristkadr/9741
Shu mavzuni yana davom ettiramiz. Kodeksdagi o’ta-o'ta qo’pol (qanday ta'rif berishni boshqa yo'lini topa olmadim) tarjimadan misol keltiramiz.
MK 181-moddasiga ko’ra, ish vaqtiga quyidagilar kiradi:
xodim mehnat majburiyatlarini haqiqatda bajargan vaqt;
ushbu Kodeksda nazarda tutilgan vaqt davrlari (xodimning aybisiz bekor turib qolingan vaqt, texnologiya hamda ishlab chiqarish va mehnatni tashkil etish bilan bog‘liq bo‘lgan tanaffuslar, bolani ovqatlantirish uchun tanaffuslar va boshqalar), shuningdek mehnat to‘g‘risidagi qonunchilikda hamda mehnat haqidagi boshqa huquqiy hujjatlarda nazarda tutilgan boshqa vaqt davrlari, shu jumladan asosiy va tayyorgarlik-yakuniy ishlarni bajarish vaqti (kiyim, materiallar, asbob-uskunalar olish, texnika, hujjatlar bilan tanishish, ish o‘rnini tayyorlash va tozalash, tayyor mahsulotni topshirish va boshqalar).|
Rus tilidagi matnda esa “получение наряда” jumlasi ishlatilgan. Tarjimonlar esa google tarjimondan foydalanishgan . To’g’ri “наряд” so’zining kiyim ma’nosi bor, lekin kontekstda umuman boshqa ma'noda ishlatilgan. Kontekstda “naryad” so’zi biror ishni bajarish uchun beriladigan yozma shakldagi farmoyish yoki buyruq ma’nosida kelgan ◆ Naryad yozib bermoq. Naryadga muvofiq haq toʻlamoq.
⚠️ Demak, “kiyim” so’zi mutlaqo noo’rin ishlatilgan, naryad so’zini tarjima qilish shart emas edi. Ya’ni shunchaki “naryad” so’zini o’zi qolishi kerak edi.
P.S. Kirib kelayotgan O'zbek tili bayrami muborak!
Telegramdagi kanalimizni yaqinlarga ulashishni unutmang👇 https://www.tgoop.com/mehnathuquqi
BY Mehnat huquqi
Share with your friend now:
tgoop.com/mehnathuquqi/5863