tgoop.com/mehnathuquqi/6406
Last Update:
Vazirlar Mahkamasining qarorlari qachon qabul qilinadi❓
MK 403-moddasiga ko’ra, homilador ayollarni antenatal (tug‘ruqqacha) parvarishlash tartibi va muddatlari O‘zbekiston Respublikasi Vazirlar Mahkamasi tomonidan belgilanadi.
Lekin Vazirlar Mahkamasining 2019-yil 30-sentabrdagi 832-son qaroriga ilova “O‘zbekiston Respublikasi Davlat budjeti mablag‘lari hisobidan qoplanadigan tibbiy yordamning kafolatlangan hajmlari ro‘yxatini shakllantirish tartibi to‘g‘risida”gi nizomda (https://lex.uz/docs/-4535086) homilador ayollarni homiladorlik yoki gestatsiya davomida (kamida 7 marta) o‘tkaziladigan organizmning bo‘yida bo‘lishdan boshlab tug‘ilgunicha qorin ichida normal rivojlanshini ta’minlash maqsadida amalga oshiriladigan kompleks tashhis qo‘yish, davolash va profilaktika tadbirlarini nazarda tutuvchi antenatal (tug‘ishgacha) parvarish qilish nazarda tutilgan, xolos. Ushbu qarorda antenatal (tug‘ruqqacha) parvarishlash tartibi va muddatlar yoritilmagan.
MK 404-moddasiga ko’ra, homiladorlik va tug‘ish nafaqasini tayinlash hamda to‘lash tartibi O‘zbekiston Respublikasi Vazirlar Mahkamasi tomonidan belgilanadi.
Lekin hozircha homiladorlik va tug‘ish nafaqasini tayinlash hamda to‘lash tartibi quyidagi hujjatlar bilan tartibga solinmoqda: “Davlat ijtimoiy sug‘urtasi bo‘yicha nafaqalar tayinlash va to‘lash tartibi to‘g‘risida”gi nizom (Adliya vazirligi tomonidan 2002-yil 8-mayda davlat ro‘yxatidan o‘tkazilgan, ro‘yxat raqami 1136) https://lex.uz/docs/-357102;
“Mehnatga layoqatsizlik varaqalarini berish tartibi to‘g‘risida”gi yo‘riqnoma (Adliya vazirligi tomonidan 2015-yil 17-aprelda ro‘yxatdan o‘tkazildi, ro‘yxat raqami 2667) https://lex.uz/docs/-2625878
MK 405-moddasiga ko’ra, homiladorlik va tug‘ish ta’tili tugaganidan keyin, ayolning xohishiga ko‘ra, unga bolasi 2 yoshga to‘lguniga qadar bolani parvarishlash ta’tili berilib, bu davr uchun O‘zbekiston Respublikasi Vazirlar Mahkamasi tomonidan belgilanadigan tartibda nafaqa to‘lanadi.
Lekin hozircha bola 2 yoshga to‘lgunga qadar bola parvarishi bo‘yicha nafaqa tayinlash va to‘lash tartibini “Ishlovchi onalarga bola 2 yoshga to‘lgunga qadar bola parvarishi bo‘yicha oylik nafaqa tayinlash va to‘lash tartibi to‘g‘risida”gi nizom belgilaydi (Adliya vazirligi tomonidan 2002-yil 14-martda davlat ro‘yxatidan o‘tkazilgan, ro‘yxat raqami 1113) https://lex.uz/docs/-804668
Telegramdagi kanalimizni yaqinlarga ulashishni unutmang👇 https://www.tgoop.com/mehnathuquqi
BY Mehnat huquqi
Share with your friend now:
tgoop.com/mehnathuquqi/6406