tgoop.com/mehnathuquqi/7589
Last Update:
❓Ҳақли савол туғилади. Ўзбекистон Республикаси Меҳнат ва аҳолини ижтимоий муҳофаза қилиш вазирлигининг 2002 йил 1 апрелдаги 21-сон буйруғи билан тасдиқланган
"Давлат ижтимоий суғуртаси бўйича нафақалар тайинлаш ва тўлаш тартиби тўғрисида низом" (рўйхат рақами 1136, 08.05.2002) талабларига амал қилинадими ёки Вазирлар Маҳкамасининг 2024 йил 31 майдаги 314-сон қароригами?
👉Ушбу ўринда "НОРМАТИВ-ҲУҚУҚИЙ ҲУЖЖАТЛАР ТЎҒРИСИДА"ги Ўзбекистон Республикаси Қонунга юзланамиз, Қонуннинг 18-моддасида Норматив-ҳуқуқий ҳужжатларнинг ўзаро нисбати баён этилган. Унга кўра:
👉Турли норматив-ҳуқуқий ҳужжатларнинг юридик кучи бўйича ўзаро нисбати Ўзбекистон Республикасининг Конституциясига, норматив-ҳуқуқий ҳужжатларни қабул қилган органларнинг ваколатларига ва мақомига, ушбу ҳужжатларнинг турларига, шунингдек норматив-ҳуқуқий ҳужжат қабул қилинган санага мувофиқ белгиланади.
👉Норматив-ҳуқуқий ҳужжат ўзига нисбатан юқорироқ юридик кучга эга бўлган норматив-ҳуқуқий ҳужжатларга мувофиқ бўлиши керак.
Изоҳ: ВМҚ 314-сон қарор Меҳнат кодексининг 218, 404-406-моддалари талабаларига мувофиқ қабул қилинган.
👉Норматив-ҳуқуқий ҳужжатлар ўртасида тафовутлар бўлган тақдирда юқорироқ юридик кучга эга бўлган норматив-ҳуқуқий ҳужжат қўлланилади.
❗️Тенг юридик кучга эга бўлган норматив-ҳуқуқий ҳужжатлар ўртасида тафовутлар бўлган тақдирда, кейинроқ қабул қилинган норматив-ҳуқуқий ҳужжат қоидалари амал қилади.
👉Агар норматив-ҳуқуқий ҳужжатни қабул қилган вазирликнинг ёки идоранинг ижтимоий муносабатларнинг муайян соҳасини ҳуқуқий жиҳатдан тартибга солиш учун махсус ваколати бўлса, ушбу орган қабул қилган ҳужжат бир хил мақомдаги бошқа вазирлик ёки идора томонидан қабул қилинган норматив-ҳуқуқий ҳужжатга нисбатан юқорироқ юридик кучга эга бўлади.
⚠️Хулоса қиладиган бўлсак, Идоравий норматив ҳужжат (1136, 08.05.2002)га нисбатан Ҳукуматнинг 31.05.2024 йилдаги 314-сон қарори юқорироқ юридик кучга эга бўлган норматив-ҳуқуқий ҳужжат ҳисобланади.
https://www.tgoop.com/adliyahr
BY Mehnat huquqi
![](https://photo2.tgoop.com/u/cdn4.cdn-telegram.org/file/XU1P-OhGRjXTWXoj8JCczMvi2pF-NycsihoLOS-yQopX9LH3cMaa8NZgHbYedc2hmxUo3Zh3U244GgUpLh6fho9KKEfcM6D95U77sHDxfuzyWhfIiC9aQTaBZD-8bPYGuR4Xa5BCYl0gyoDN_79f9f4irXXvv36HgUUqG_CyoBOglBCCllYPR4BtjWcukXuTNXAV_BFZXbARJ-z_sxe0iZOpfmrRFxBLbyfmp9kieF6xU2O8x4k6Hl2NVMkPOGEwqqkra96nLEr8TmVRjNMekDRMA-gPw32W-0RabXeX1EyeUka-jj9SBisYrc6Q8GXv_X3MsnMGmOtJEhCCc8ywWA.jpg)
Share with your friend now:
tgoop.com/mehnathuquqi/7589