tgoop.com/mehnathuquqi/7593
Last Update:
#savolimbor Assalomu alaykum, xodim bola parvarishi davrida 2-farzandiga dekretga chiqsa, ham bola parvarish nafaqasini, ham dekret pulini olishga haqlimi?
https://www.tgoop.com/mehnathuquqi javobi :
❌ Yo’q, onaning tanlovi asosida nafaqaning faqat bir turi tayinlanadi va to‘lanadi.
Vazirlar Mahkamasining 2024-yil 31-maydagi 314-son qaroriga 2-ilova “Budjet tashkilotlari hisoblanmaydigan yuridik va jismoniy shaxslarda ishlaydigan onalarga bola ikki yoshga to‘lgunga qadar bola parvarishi bo‘yicha oylik nafaqa tayinlash va to‘lash tartibi to‘g‘risida” Nizom (https://lex.uz/docs/-6978570#-6980433) ning 8-bandiga ko’ra, agar ona bola ikki yoshga to‘lgunga qadar bola parvarishi davrida ikkinchi farzandga homiladorlik va tug‘ish bo‘yicha ta’til olish huquqiga ega bo‘lsa, onaning tanlovi asosida nafaqaning faqat bir turi tayinlanadi va to‘lanadi.
Odatda dekret puli ko’proq chiqadi. Aytaylik, 126 kunga (taxminan 4 oy) 5 mln dekret puli chiqdi.
Bola parvarishi bo‘yicha nafaqa esa parvarish qilinayotgan bolalar sonidan va nafaqa oluvchi shaxsning mehnat stajidan qat’i nazar har oyda mehnatga haq to‘lashning eng kam miqdorining 60 foizi miqdorida ya’ni 630 ming so’m to‘lanadi. 630*4 oy=2mln 520 ming
Demak, bu holatda ayol tabiiyki, dekret pulini tanlaydi! Agar dekret puli bola parvarishi bo‘yicha nafaqadan kam chiqsa, unda ayol bola parvarishi bo‘yicha nafaqani tanlaydi.
⚠️ Diqqat! Budjet tashkilotlarida ishlaydigan ayollarga va onaning o‘rnini bosuvchi shaxslarga bolalar nafaqasini tayinlash hamda to‘lash tartibi Vazirlar Mahkamasining 2021-yil 21-oktabrdagi 654-son qarori bilan tasdiqlangan Kam ta’minlangan oilalarni “Ijtimoiy himoya yagona reyestri” axborot tizimi orqali aniqlash, ularga kam ta’minlangan oilalar bolalari uchun nafaqa va moddiy yordam tayinlash va to‘lash tartibi to‘g‘risidagi nizomda belgilanadi.
Telegramdagi kanalimizni yaqinlarga ulashishni unutmang👇https://www.tgoop.com/mehnathuquqi
BY Mehnat huquqi
![](https://photo2.tgoop.com/u/cdn4.cdn-telegram.org/file/oqxRlKuQe1wXKrh-D-fqwJwPz-RDQgxcr-9K2JHRqIBaT63dPPBxCJDUCAD4-ewSVV9HfwA5Ap6vMYEhnwlvKL_Ln8w45NT9sJ2oDeM5JihRHXBJ0XPNkHiBi3ob4odmzAql3JbOV_IJc3uO3D4i8qbhonrSGqlSZVP5X4IGulrRI7okFiYBMux8-iuWusZfLOsY1WwBWRdvLvCEw7ffkCO50HtAL_4L0T19pn8Mzxf0_d_R58g2JH8pZLwofC5gNYGeB58_lNoJEPKxKJjeNEf-br-e2TUcPSC7cUtBgI-ndo9xqHpiSUgkALL6ZNanlCrQ0ylGEAhDUnQOmK9ixg.jpg)
Share with your friend now:
tgoop.com/mehnathuquqi/7593