tgoop.com/mehnatvazirligi/18215
Last Update:
Endi ishga kirishda pasport, mehnat va pensiya daftarchasi talab qilinmaydi
“O‘zbekiston Respublikasining Mehnat kodeksiga o‘zgartirish va qo‘shimchalar kiritish to‘g‘risida”gi Qonun qabul qilindi. (OʻRQ-1030-son, 13.02.2025 y.)
💻 Unga ko‘ra, Mehnat kodeksiga "Yagona milliy mehnat tizimi" idoralararo dasturiy-apparat majmuida elektron shakldagi mehnat shartnomasini rasmiylashtirish tartibini joriy etishni, ish haqi saqlanmaydigan taʼtil davomiyligini belgilash tartibini va xodimning oʻrtacha ish haqini hisoblash tartibini oʻzgartirishni nazarda tutuvchi qoʻshimcha va oʻzgartirishlar kiritilmoqda.
❌Davlat organlari va tashkilotlarida ishga qabul qilish chog‘ida shaxsning pasporti yoki ID-kartasini, mehnat va pensiya daftarchasiga oid maʼlumotlarni talab qilmasdan, mustaqil ravishda, shu jumladan axborot tizimlaridagi idoralararo integratsiyalashuv platformalari orqali so‘rab olish belgilandi.
🚫 Bundan tashqari, homiladorligi yoki farzandi borligi sababli xodimni ishdan bo‘shatishga taqiq joriy etilmoqda.
Qonun rasmiy eʼlon qilingan kundan eʼtiboran kuchga kiradi.
Sayt | Telegram | Facebook | Instagram | Youtube
BY Bandlik vazirligi
Share with your friend now:
tgoop.com/mehnatvazirligi/18215